2020 - 2021 年度西貢區巴士路綫計劃

cwsj2003 發表於 2020-2-5 23:53
直接98B全日變工業邨開搞掂
而家睇佢行嘅路線我諗廿分鐘應該出到隧道公路入口 ...

98A 依家半個鐘坑口北出觀塘，坑口都媽媽聲啦，
98B 要九個字先到隧道口呀清 https://www.youtube.com/watch?v=JN7oRNz9VC0

castanopsis 發表於 2020-2-6 05:51
短評：

1. 98/797

1. 796P 好明顯個格局都係日出康城一邊一伙一邊全日，依家 796X 唔郁得，最大障礙係 796P 未全日，當 796P 變成真全日線，796X 在尖沙咀再無價值自然就會縮返紅磡，變相拆線，
但如果你拆將南段，796X 少一個站將南都會有人反檯。
所以 797 個方向錯唔晒，將轉本身就廢，個個已經有直達線，車又唔係密，轉車慳少少時間根本得不償失，日出康城以外既人係用唔著，開一條 797 慳幾條全日線何樂而不為。


2. 根本將馬本身就唔知要黎做乜。
然後運署個邏輯係條線要將轉互轉，結果變成依家呢隻怪獸，根本要轉車大隧都轉到甚至仲多選擇，將轉直頭可以飛站。
依家拆左南北線，南線只做將南石門肯定唔夠客，北線寶林行馬路對面外檔坑口騎呢兜又唔到石門客倉開車時間再撞返 798A 再加多班六半返馬鞍山回程，真心問你想點？
同埋兩條線都肯定唔會全日，因為之前幾份標惡鬥完發現所有繁時線都會變全日，運署就由 33 252 268M 開始唔再招標，堆線只會跟足運署要求指定巴士公司開。
至於南北共線去科學園其實係正路，小道消息早幾年 RPP 係有過一條 294 既物體，但最終一刻唔知邊個抽起下一年變成左將馬，然後就再沒有然後。
所以運署設計路線係真心有問題，紅巴明示暗示過好多建議都俾運署截左，其實好多真心好過 RPP 見光既九條街。

3. 南北分線政治正確既結果。

798A 798B 本身其實係 798 加班，只係將兩部車打散做兩部特車，所以點解停站怪怪但飛頭站調景嶺。
依家 798B 撒出坑口叫 798A 補坑口直出位，但又唔記得左本身班加班係用黎救寶林，依家等於寶林難上 798 但反而減班，單計 798A 798B 改道件事係錯既。
但都太明顯日出康城再入幾期 798B 就有機會觸發 798 全日拆線，798A 大可以將來改返行寶豐路，到時就唔會再有唔同站問題，
所以一係就依家重新分配 798A 798B 行既路段，如果唔係真係全日就改唔返。你個分工其實係最正常，但好明顯坑口少一班直出應該都會發癲。

JX9097 發表於 2020-2-7 11:11
其實科大可以好簡單

91 cancel，同一時間開98X（清水灣＞牛頭角，循環）

其實我唔明點解坑口要直出一定要搞 91 或者其他線，
91 蝕錢九公大不了減到佢去 30 甚至再早收車，而你既目的只係要坑口一站直出觀塘，其實同清水灣無任何關係，對九巴黎講做咩反而連平日都谷更多車入清水灣先？

同埋每一次改巴士線如果踩到小巴基本上都無運行，
本身坑口直出 102 都肯定反檯，入埋清水灣連 103 都會一齊反檯，綠小係運署自己畫出黎叫人做，佢一定係保綠小先。
你搵 91 黎改，難度根本仲高過就咁開條新線。

JX9097 發表於 2020-2-7 13:33
當然，最理想一定唔係搵外區線夾
（無論係康城好，清水灣好，even科大都好）
問題係坑口服務相對地差係事 ...

你問我有咩睇法，你都見我o係 F 版出過 post，
但既然依家有 98，即係點都唔會係夾其他人，所以個建議都唔會 Work。

其實你既 91x 建議背後既邏輯係要坑口出觀塘有一堆來自 102 102B 或港鐵既客改搭佢先得，
但如果搶到人客，你又使乜無啦啦幫坑口至清水灣呢段路加班？
我會覺得如果坑口非要直出觀塘車不可，俾 3 架 ASC/AVC 你開 20 分一班，坑口北 > 田下灣 > 坑口站 > 厚德 > 轉車站 > 創紀 > 市中心 > 警署 > 轉車站 > 南豐 > 坑口北 應該夠跑，好客就轉雙層，
如果你想全日有 15 我覺得太大想頭，坦白講你 102 變巴士，非繁都未必開到 10 分一班。車方面真係外加（如果真係有新客紅巴加車不是問題，參考 290），好過左拉右拉其他區既線。

至於將軍澳轉車站，其實對日出康城黎講先真係有需要，
對坑口黎講，只係一個爭取直出車既藉口，實情坐到上去都無九巴車轉，大家心知肚明。
非隧道線調唔走，調得走變隧道線你亦唔使轉，本身為左坑口唔使經寶林就要專登開條線上轉車站係浪費資源，等埋車根本慳唔到時間。

PS: 102 102B 從來唔係坑口唯一選擇，其實港鐵坑口站係真心方便，講到坑口除左 102 乜都無，本身都難聽過粗口，即使 102 如何唔夠載，但 102 服務水平將軍澳的確無第二條線比得上，同樣多客既線，你不如去睇埋 17M 105 條人龍先。

MyTiF 發表於 2020-2-7 14:45
坑口直出短途車係九巴欠落多年，唔係一句話港鐵站方便就咩都唔洗做。某版友係要將坑口直出呢件事變成唔合 ...

坑口直出短途係無客而 Cut 唔係從來未開過。如果你要一步又直出又要好密，你不如直接承認自己霸道大貪算啦。

依家九巴班次基本盤係 20，新線甚至係 20/30，新開繁時有 15 已經算好，你重要 100% 同小巴重疊，真係開到 20 你都偷笑啦。
你唔係以為 102 102B 可以繼續最密 2-3 分鐘下，呢條線可以o係地鐵站旁邊全日開個位數班次下話？其實公共交通工具唔係好適合你。

Snoopy@FB8617 發表於 2020-2-7 15:27
搞91都係廢物利用je
坑口觀塘做得起既再爆條短途出嚟都仲得

所以先話直出呢件事太純情，小巴黎講，佢仲要係搞馬亞木，仲要係搞 102。你睇下 44，佢就算自己做唔晒，條 261 都要左避右避，261X 都仲要落下元朗，都唔可以直接市中心一站上水，所以坑口無直出觀塘，最大阻力根本一眼就知，當然巴士公司都唔見得好有興趣。

至於 103，小巴唔做送得俾你，你都唔好接啦。
你問清水灣居民，唔要 91 同 103 換 91x 好唔好，應該絕大部分都會寧願要 103。咁坑口你不如都係自己搞掂自己。

JX9097 發表於 2020-2-7 16:09
嗱~公平D講
若果坑口觀塘直出開得成
真心唔介意由15分鐘（繁時）／20分鐘（非繁）做起

龜鐵唔會走去同運署嘈你做乜批條巴士線同我爭生意，
但小巴會，而小巴係一樣好煩既產物，始終佢係運署一組組批出黎叫人做，運署自己再批其他線打佢的確於理不合。
同區有個經典案例，係有小巴營運商投訴，連商場穿梭巴都要收檔。

而 10M 到依家都仲未停得景榕樓。

Snoopy@FB8617 發表於 2020-2-7 16:58
又唔知點解真係專線小巴佬真係無輸過
近期唔保鐵主要應該都係知條鐵容量都到上限

其實已經解釋左，
專線小巴路線係運署設計，搵人經營，賺蝕都係營辦商食，有賺時俾其他人頂佢，其實道理上的確係講唔通，我投條線返黎做，我唔會預你之後搵人頂我架喎。
而且 102 係咪自己做唔掂呢……？只能說，佢營辦商清客能力同服務水平已經係業內數一數二，如果同九巴比，九巴直頭慳o的啦。


運署唔想煩最簡單就係俾你重疊都唔俾你路線完全一樣，
但可惜 102 102B 包晒坑口直出兩條路線，所以坑口直出觀塘變成運署眼中完全不可能。

Snoopy@FB8617 發表於 2020-2-7 16:44
咁其實劇本可以係咁:
小巴話唔做通常都冇人阻到
九巴來講91X冇91咁惡做

如果 103 有錢賺就唔會唔做，會唔做即係小巴都蝕，巴士只會更慘，同埋其實唔見得 91X 好做過 91，都係入清水灣兩者實情差唔多，如果要加班仲要倒輸，假如加班做短途，
咪即係又係證明坑口觀塘還坑口觀塘，清水灣還清水灣，咁你自己搞自己啦，唔好借人條線過橋。

98C290 發表於 2020-2-7 18:42
最理想應該係91X(清水灣坑口觀塘)同98X(康城坑口旺角長深荔)兩條線一齊開, 但係我覺得九巴應該唔肯做曬兩 ...

有轉車站就應該善用轉車站，如果真係開 98X，296C 變返市區線擺觀塘站 / 藍田站 / 麗港城，尚德搭密密送 296A 上轉車站轉 98X，或者 796C 去程都改埋停唐明街就可以。

至於坑口直出觀塘我話 3 架單層 20 分唔會係唔夠載囉，講真你有客大可以派雙層，
但非繁肯定唔會係再加密既材料，你坐得滿架 AVC 先講啦，非繁隊架 AVC 落 98A 296A，都未必要企。

成日話 298B 疏車，但我想講，298B 有將線前同 102 並存下都係 15 分班，開左將線之後連 15 都支持唔住先再減到執笠。
你話以前有其他選擇例如 98A特 298 298P 密密開，呢個係既，但呢兩架車都經寶林，直出既巴士只得 298B，如果連地鐵開前都直出既 298B 反而都唔及兜寶林既 98A特 同 298 旺場，其實係咪反映左o的o野？