荃灣排水隧道問題

https://m.youtube.com/watch?v=NMaBveYQrfk
根據呢條片所介紹,排水隧道位置都好近現有嘅引水道,點解當初是否有技術性問題所唔將呢啲雨水,接引去到附近引水道流入去城門水塘？

答案可以好簡單﹐就係條隧道水平高度位置﹐係低過城門水塘的水平高度。

以1號入水口為例﹐和宜合道進水口﹐位置就在可風中學對面﹐城門水塘的車路入口位置﹐好明顯就係低於水塘的水平高度。

2號入老圍進水口就在此處﹐這處上面的山腰係有城門水塘的引水道的﹐即是又係低於水塘的水平高度。

3號曹公潭進水口﹐我就唔肯定在那處﹐不過基於水往低流﹐所以都唔會高過水塘的水平高度。


既然低過水塘/引水道的水平﹐要將水引入水塘﹐就要靠外來力量處理﹐即係水泵。
我唔識講用水泵是否有其實技術問題﹐但係成本效益唔高。

答樓主問題前，要先講下原理

落响山區0既雨水，除佐較上游會入佐水務署集水區，再落水塘外，
其他唔入集水區0既係會沿不同山澗，
再經市區0既地底排水渠出海。
即使係有呢D雨水隧道，雨量不多時都係咁流法。

而呢D雨水隧道，你可以理解响上游開多條渠，
响暴雨時將上游過多0既雨水，另外搵條渠排走先。
咁下遊0既市區地底排水渠，就有餘力應付落响市區，
而又日益極端0既暴雨。

換而言之，本身呢D水本身都係會排落海，唔預佐會飲用。

咁點解唔將呢D水帶去水塘0既真正答案，
恐怕要搵番N年前起水塘果陣0既相關文獻及水文分析先知。
不過原因不外乎係D溪澗經佐農田民居，或受一定污染

今時今日要好似新加坡咁利用呢D水，就要另建廠房/增加處理程序

kei_hk 發表於 2020-2-25 15:19
答案可以好簡單﹐就係條隧道水平高度位置﹐係低過城門水塘的水平高度。

以1號入水口為例﹐和宜合道進水口 ...

泵水唔合效益...咪玩啦。
海平面夠低啦掛，泵水真係效益唔大的話，
用海水沖廁、海水化淡己經完全唔駛諗

s3n370 發表於 2020-2-25 18:35
答樓主問題前，要先講下原理

落响山區0既雨水，除佐較上游會入佐水務署集水區，再落水塘外，

感謝,
其實重點我都係想知為何唔將呢啲山上嘅雨水唔引返去水塘,現在明白了

s3n370 發表於 2020-2-25 18:42
泵水唔合效益...咪玩啦。
海平面夠低啦掛，泵水真係效益唔大的話，
用海水沖廁、海水化淡己經完全唔駛諗

這條隧道只有在黃雨以上才會使用，試問一年有幾多日有水抽？
要保養長時間唔需要使用的水泵，仲可以叫效益高？

kei_hk 發表於 2020-2-25 21:55
這條隧道只有在黃雨以上才會使用，試問一年有幾多日有水抽？
要保養長時間唔需要使用的水泵，仲可以叫效益 ...

你放心，大把泵都係咁
泵根本唔係乜貴野，擺多個/組士啤係常有0既事

當然，真係要用番D雨水的話，而你覺得使用率低嗎？
實際上，起果陣就會將條隧道變身做蓄水隧道，或者起多個池。
落完場大雨儲起D水慢慢泵走又得。
起果陣，設計到細雨D就有水流落隧道又得。
使用率唔會有你想像中咁低囉

AD15113 發表於 2020-2-25 19:32
感謝,
其實重點我都係想知為何唔將呢啲山上嘅雨水唔引返去水塘,現在明白了 ...

香港有另外兩單類似的雨水隧道工程，就有利用呢D水作灌溉及清潔用途
條件係要起池儲起D水

睇返youtube嘅資料,你所講嘅可能就係荔枝角同埋跑馬地？

大坑東遊樂場地底蓄洪池好出名, 平時冇暴雨冇水流時, 係一個極大的地底空間.