hkitalk.net 香港交通資訊網

 找回密碼
 會員申請加入
Custom Search

Login

搜索

 

Advertisement

 
(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 (B3)巴士攝影作品貼圖區 (B3i)即拍即貼 -手機相&翻拍Mon相 (B4)兩岸三地巴士討論 (B5)外地巴士討論

Advertisement


(B6)旅遊巴士及過境巴士 (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛
(A6)相片及短片分享/攝影技術 (A10)香港地方討論 (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 (C3)海上交通及船隻 (D1)公共交通有關商品   (Y)hkitalk.net會員福利部 (Z)站務資源中心
(R1)香港鐵路 (R2)香港電車 (R3)港外鐵路   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表     最新板務資訊  
 

Advertisement

 

查看: 1089|回復: 4

[飛行報告] 浸鹹水遇溺記 第十八回 BE1094 重逢 Dash 8 既故事

[複製鏈接]

1489

iPower

1533

aPower

1030

HugeC

Level 2

Rank: 2Rank: 2

積分
3243
發表於 2020-5-20 18:26 | 顯示全部樓層 |閱讀模式

                                    Advertisement



本帖最後由 HZ8186 於 2020-5-23 13:21 編輯


小弟係荷蘭玩左四日之後, 係時候翻英國讀埋小弟既最後一年大學。今次小弟會搭 flyBE 既 Dash 8 由 Amsterdam 飛往小弟於英國既 Local Airport - East Midlands Airport.


受英國脫歐及武漢肺炎疫情既不明朗因素影響, flyBE 於三月五號倒閉, 並繼 Thomas Cook, bmi Regional (flyBMI) 及 Monarch 後, 成為英國第四間倒閉既中型航空公司。雖然 flyBE 於去年獲 Virgin Atlantic 及 Stobart Air 收購並有計畫改名為 Virgin Connect, 可惜公司最終係現金流不足既情況下正式結業。呢份飛行報告係於 flyBE 結業前寫好, 而小弟亦沒有改動報告內容, 唯小弟係文章末端加咗少少 flybe 既歷史以及小弟對 flyBE 沒落既感想, 希望讀者注意。
-- Info --

BE1094 AMS-EMA G-PRPI
Bombardier DHC8-Q400
STD 1150 ATD 1214 (CET)
STA 1215 ATA 1213 (GMT)

-- tl;dr --

1. 航班係用一部二手既 Bombardier  Dash 8 執飛, 不過飛行體驗同舒適度都非常好, 而座位既櫈距同軟硬度更係無得彈~~

2. 同 ATR 系列既 turboprop 一樣, 飛行時係有一定既 background noise

3. flyBE 價格係相對上偏高, 不過如果閣下盡早購下機票既, 價格係可接受既

4. Faster than Road or Rail? Without doubt.

-- Amsterdam Schiphol (AMS) --

小弟早上係阿姆斯特丹既旅館退房後, 便啟程前往機場。 Amsterdam Schiphol 係有極方便既公共交通工具接駁, 而當日小弟為左避開收 6.5 歐既機場巴士 397, 則先乘電車前往 Nieuw Sloten, 再轉乘 GVB 唯一一條前往機場既巴士線 #69。

flyBE 既預辦登機櫃檯位於 T3 - 快速辦妥行李寄艙手續後, 小弟就係史基浦機場既禁區內外逛街。Schiphol 既 Landside 係有唔少商舖同餐廳, 而頂樓亦有一個觀景台。觀景台上除咗有一個 planespotting 既空間之外, 亦有一部已退役既 KLM Fokker 100。可惜觀景台於小弟探訪當日正進行翻新工程, 並沒有對外開放 - 觀景台會於 2020 年重新對外開放, 希望小弟屆時可以有幸上去 planespotting 啦~~

通過安全檢查後, 小弟進入機場 Non-Schengen 部份既 Airside。比較其他歐洲機場, Schiphol 既 Airside 係極度精彩, 除咗有唔少餐廳同 Duty-Free 既商舖外, 入面甚至係有一個迷你既 Rijksmuseum。雖然呢個博物館係半個 Gift Shop 半個展覽, 不過小弟都係呢個博物館留咗十幾分鐘, 睇完後便啟程前往今日既閘口。

-- BE1094 --

小弟都係呢度介紹下小弟係英國既 Local Airport 啦 - East Midlands Airport 係一個頗特別既機場, 位於英格蘭中部四個中型城市之間, 同時服務 Nottingham, Derby, Loughborough & Leicester 四個城市。雖然佢距離上述城市約半小時左右, 不過佢既位置係可以確保佢可以同時吸納四個中小型城市既客源。同時, 因為佢係一個主打 local 客源, 佢大部份既航點都係以西班牙同法國南部等旅遊航點為主, 而前往 AMS, BRU, EDI 等 Commuter Destinations 既航班則比較少, 而小弟當日乘搭既 AMS-EMA 係一日一班既。

小弟之前搭過一次 Dash 8, 而當時小弟係由英格蘭南部城市修咸頓乘 flybe 前往 East Midlands Airport, 可惜該航線係一個一七年夏季限定既安排, 兩年黎小弟亦再無搭過由 flyBE 營運既航班。兩年亦係一段好長既時間, 係短短兩年間, 無論係 flyBE 既股權, 營運策略, 甚至係歐洲整體上 Regional Aviation 亦出現翻天覆地既變化 - flyBE 於 2017 年終止與 Loganair (LM) 既合作之後, 繼而同 Eastern Airways (T3) 展開合作關係。 flyBE 亦於 2019年遭 Stobart Air 及 Virgin Atlantic 收購, 而相信會係不久既將來會改稱 Virgin Connect。

今日既航班係由一部加拿大製既 Bombardier Q400 執飛, 呢部渦輪螺旋槳飛機係由兩部 PW150 引擎推動。機上共有 78 張經濟艙座位, 用一個 2+2 既座位排位, 而每個位則有 30吋 Legroom。今日既用機為 G-PRPI - 呢部 DH8D 原為美國 Republic Airways 既用機, 為 Continental/United 服務, 並於 2016 年轉投 flyBE 機隊。

航班既登機程序係頗有趣既 - 雖然登機閘口係備有登機橋, 不過由於 Dash 8 既機艙比較貼地以及登機門向下開既設計, 登機橋係連接唔到客機, 而乘客係要先行樓梯落地面, 再步行登機。登機程序同安全示範都好快完成 - 係跑道滑行同起飛都幾乎唔駛排隊既情況下, 航班係 1215 起飛, 並向西北飛行, 跨越英倫海峽。

航班既飛行體驗絕對無令小弟失望 - 航班既飛行時間為 50 分鐘左右, 而 flyBE 既機組人員亦盡力照顧每位乘客 - 飛機一過 10,000ft, 機組人員便開始 Inflight Service, 雖然可以進行 Service 既時間只有半小時左右, 不過機組人員亦非常禮貌同快手。

flyBE 機上並沒有 IFE, 而小弟機上既娛樂則有閱讀 flyBE 既機上刊物, 以及欣賞窗外景色 - 同一般航空雜誌一樣, 唔少版面係用作 'Travel Inspiration', 介紹 flyBE 既版圖以及目的地既景點。唯值得一提既係雜誌內既廣告係以推廣英倫海峽既島嶼為主 - Isle of Man, Guernsey, 甚至 Alderney & Sark 都有係雜誌內落廣告。

論航班既乘客舒適度, flyBE 亦無令小弟失望 - G-PRPI 係於 2016 年翻新機艙, 而呢部 Dash 8 比小弟於第二回 遇溺記 乘搭既 G-ECOR 裝有新既座位, 而座位既 Padding 係明顯比舊款座椅更 ergonomic 及耐用。雖然飛機於巡航既時候依然會有少量震動及發出嘈音, 不過相比同類型既 Turboprop, 例如 ATR72 等, 其實 Dash 8 亦唔會特別嘈, 不過如果閣下係有消音耳機既, 小弟都會建議閣下帶埋上機用~~

飛機係正午進入 Leicestershire (李斯特郡)上空 - 係空域清空既情況下, 航班係直接進入 EMA 既 Approach Path。降落及滑行至客運大樓後, 小弟快速通過入境同取回寄艙行李, 並登上前往 Nottingham 既機場巴士, 為今次既浸鹹水遇溺記畫上一個句號, 亦正式展開小弟最後一年留學生崖。

-- Conclusion --

總結呢趟旅程, 小弟覺得呢個飛行體驗係幾好既, 而價格都算合理既。 小弟呢趟旅程俾左 €76 (約 $650) - 小弟係於五個月前訂飛, 而呢個價格係包括一件 23kg 行李同機上揀位既費用。用一個一小時鬆少少既航班黎講, 呢個價格係合理既, 而如果閣下無寄艙行李既話 呢班機既票價係由 €38 起跳 (含稅)。

當然, 相比 easyjet 等廉航之下, 呢張機票既價格未必特別吸引, 唯留意翻 flyBE 定位為一間 Regional Airline (嚴格上 flyBE 並非一間 LCC), 而其航點都係以 local airport 為主。 如果閣下係前往一個英國既二線城市, 俾多 €20 飛往一個 local airport, 或者慳 €20 飛 Luton/Stansted 再轉長途巴士就由閣下自己決定啦~~

總括而言, flyBE 係一間值得推薦既航空公司黎 - 無論係硬件定軟件上 flyBE 都做得好好, 而其路線網絡無疑係可以把英國個大小城市之間既距離拉近。雖然今日既航班只係一班短短一小時既 Regional Flight, 不過 flyBE 既服務依然做得足。Last but not least, Faster than road or rail? Definitely.

-- History --

實不相瞞, flyBE 結業既消息傳黎既時候, 小弟係感到事出突然既 - 雖然 flyBE 既財務狀況一直欠佳, 賣盤及要求注資既消息一直流出, 不過 flyBE 一直積極與政府談判, 要求獲稅務減免, 而政府於一月宣佈會推出紓困措施。唯紓困措施推出兩個月後, flyBE 依然不敵財政壓力, 成為英國於三年間第四間倒閉既 major carrier。

其實 flybe 近兩年除咗要面對一張見紅既財務報表之外, 呢間航空公司亦於一九年經歷咗一段非常動盪既股權爭鬥。 受油價高企及英磅匯價長期低迷所影響, flyBE 於 2018年既財務表現係遠遠低於預期, 而公司股價更於公佈季度業績後一個星期間下跌 75%。有見及此, flyBE 既管理層於十一月宣佈賣盤, 而經過多回談判後, flyBE 於一月宣佈 flyBE 將會以 £2.2m 賣予 Virgin Atlantic 及 Stobart Air, 與 Stobart Air 既業務合拼, 並改組為 Virgin Connect。新既航空公司務求成為一間可以維持 Regional Operations, 兼可以為 Virgin Atlantic 於 LHR & MAN 提供接駁既航空公司, 以及係希斯路機場三跑開通後大大壙展 LHR 既區域性路線。

唯呢場買賣則帶黎兩個月既股權鬥爭 - 係 BE, RE & VS 公佈交易後, 有股東因為認為售價過低而表示可能會提出司法行動, 以及同美國既 Regional Airline Operator Mesa 宣佈有意作出收購。唯最後係 flyBE 以 1. 收購時間可能過長, 公司未必有足夠資金應付收購期間既日常公司運作, 以及 2. 買方提出增加售價及收購後即時注資 兩大原因, 表示 (要脅?) flyBE 必須於二月二十一號轉售予 Connect Air。

唯 flyBE 轉售予 Connect 後, 其財務狀況則一直未見好轉 - 雖然 Connect Airways 於一年間合共注資近 £135m 落 flybe, 不過由於經濟環境未見改善, 以及武漢肺炎既陰霾開始籠罩歐洲, flybe 於一月向政府求助, 希望可以獲短期借貸或獲 Air Passenger Duty (APD) 既豁免。同時, flybe 持分者之一 維珍航空亦開始展開塑造輿論, 表示 flyBE 並唔係一間廉航, 而係一間提供 'Regional Connectivity', 連結英國各區域 既航空公司。

英國政府係輿論壓力之下於一月宣佈推出紓困措施, 唯由於 BA 及 Ryanair 極力反對, 最終政府只宣佈會暫緩收取 flybe 欠下, 約 £103m, 既 APD 稅款, 而條件係投資者必須同時向 flybe 注資。 可惜呢個措施係 too little, too late - 遠水救唔到近火之餘, 係武漢肺炎開始係意大利及伊朗壙散之際, flybe 既沒落只係一個時間問題。

(壞人航空果然有名你叫 - 話說 FR 既董事長 Michael O'Leary 好似驚 flybe 死唔去咁, 翌日發公開文話英國政府既救助或許會觸犯歐盟既競爭法 - 究竟為咗整死你既競爭對手究竟你可以去到幾盡呢?)

最後, 頭炮係由 Glasgow Int'l Airport 打響 - 三月四號下午, facebook 開始流傳一張張貼於 GLA 既告示, 要求地勤不要為 flybe 既飛機安排加油, 並寫明因為 flybe 欠交機場費用而會扣起飛機。The rest is history - 當晚晚上, 網上陸續傳出 flybe 既飛機於各機場獲封存既消息後, flybe 於三月五號早上宣佈正式結業, 為其四十年既服務畫上一個句號。

--死因研究庭--

或許 flybe 既結業係可以用 inevitable 一隻字黎形容 - 係環保意識抬頭及火車服務改善下, 也許 Regional Flying 既大勢早已過去。

唔似得 Loganair 既網絡般 (搭飛機以外既唯一選擇就係搭船), flybe 既航線網絡同火車競爭其實係非常激烈 - 英格蘭及蘇格蘭主島既火車服務係近年開始變得更舒服及準時。尤其係 flybe 既重鎮 英國西南區, Newquay, Exeter, Cardiff & Bristol 等城市, 係 GWR 引入新車提升載客量及服務準時度之際, flybe 既客量無疑係有流失既。同時, 係 'flygskam' 既影響下, 相信呢個運動亦加快咗 flybe 客量既流失既。

同時, flybe 既結業亦唔能夠 100% 歸咎於脫歐以及武漢肺炎帶來既經濟衰退 - 雖然 flybe 係一個 Regional Airline, flybe 係 2010年掛牌及集資購入 35部 ERJ 175 , 以壙展其路線網絡及進軍英國既 Holiday Market, 開啟前往法國南部及西班牙等假期目的地既航線。可惜係英國既 Holiday Market 早已飽和既情況下, flybe 壙展航線既計畫好快就觸礁, 而 flybe 亦只好取消 20 部 E175 既訂單, 及 defer 四部 E175 既 delivery. 呢個過度進取既策略無疑係加重咗公司既財政負擔 - 即使 flybe 於 18 年再度進行一次機隊整合, 安排 05年買下既 E195 退下火線及盡量賣走手上既十一部 E175, 可惜呢d挽救措施都係 too little too late - 呢d行動已經改變唔到公司命運...

咁讀到呢度, 你亦可能會問 - 咁維珍又點解咁捨得俾 flybe 倒閉呢 - flybe 既 LHR/MAN slot 照計應該幾值錢吖? 可惜唔係 - 雖然倒閉前 flybe 係有 12x slot pairs, 唯呢十二個 slot 係由 BA 擁有, 並唔可以私自轉讓既。事源 BA 係 2012年收購 British Midlands 時, 英國既競爭監管機構為咗防止英航係希斯路既地位構成壟斷, 要求 BA 讓出 12x slot pairs 予其他航空公司以開辦短途航班, 而 flybe 則於 16年使用呢十二個起落時段開辦前往 Newquay 及蘇格蘭既路線。現時呢 12x slots 已經被英航收回, 而英航係原有既計畫亦會用 A319 服務 flybe 原有航線。

同時間, 英國既左翼環保團體亦大大打亂咗維珍對希斯路發展既未來計畫 - 維珍原本收購 flybe 時, 係希望善用 flybe 既內陸航線網絡以支配  Virgin 原有既國際航班, 除做可以鞏固 Virgin 係 MAN 既地位之餘, 亦能更全方位挑戰英航位於 LHR 既 '一哥' 地位。唯呢個計畫係大大取決於 Heathrow 既三跑計畫順利執行 - 係希斯路三跑計畫現被環保人仕無限期扣起既情況下 (之前睇過新聞話最樂觀都要等到 2028 年先會起好), 維珍對維持 flyBE 運作既意欲亦大減, 而係一個機場發展極度不明朗既情況下, 相信維珍放棄 flybe 另覓機會亦算係情有可原既...

而就係呢幾個原因, 呢間係過往半年一直都被英國人稱為 "flymaybe" 既航空公司都係逃不過進入歷史書既命運。 而時至今日, 小弟只可以懷念 Dash 8 係小弟大學上空飛過既咆哮聲, 同埋懷念呢間因管理不善而被時代淘汰既航空公司。




Amsterdam Schiphol - 同整個荷蘭一樣, 呢個機場既設計係非常簡潔, 而機場設施又華麗又實用



Schiphol Station - 呢個機場係有非常方便既鐵路接駁, 而基本上全個荷蘭都可以係三小時內到達。近年 KLM 亦開始試驗同鐵路公司合作, 以 Thalys 既高速火車班次服務 Brussels - Schiphol。係 Schiphol 已經飽和既情況下, KLM 正研究取消 AMS-BRU 航線, 並將呢個 5x Daily 既航班升降時間分配俾其他航線~~



Schiphol Plaza - 呢個 DC-9 既機頭係真貨黎, 唯想進內影相就要俾 €5 入場費。



Concourse C - 雖然呢個客運大樓間隔比較窄, 同樓底相對上比較低, 不過機場既告示係做得非常清晰 - 就算小弟係第一次黎呢個機場,小弟都無蕩失路~~



Rijksmuseum - 正如係文章內提到, 呢個 '博物館' 係 50% 賣紀念品, 50% 博物館黎 - 想睇荷蘭既 Delft Pottery 同油畫既, 都係去翻位於 Amsterdam 市中心既正館睇啦~~



KLM Crown Lounge - 呢個貴賓室經過翻新後於半年前重開, 雖然小弟無 Status 入唔到去, 不過網上對呢個貴賓室既評價係幾乎全部正面既~~



步行登機 - 小弟聽過美國既航空公司都會用俾 Dash 8 駁登機橋 (例如 Horizon 等) - 其實美國版既 Dash 8 登機門係咪同正常版有分別?



flyBE Dash 8 - 雖然座距只有 30', 不過座位既既承拓係做得好好, 就算小弟差唔多一米八, 小弟都坐得舒服~~



Dash 8 同 ATR72 一樣都有單引擎滑行既能力 - 當日機長用 Engine #2 滑行至跑道, 並係起飛前五分鐘才開啟 Engine #1



機上刊物 - 安全卡, 餐牌同飛行雜誌



//祈求讓你了解  自問成就我也不過是零
能維護你樂觀心境任性 談一次夢想追一次星
年月是冷酷 還是有情 仍樂於新一天馳騁//
周國賢 陽光燦爛的日子



降落後, 小弟有幸獲邀參觀 Dash 8 既駕駛艙



今回 遇溺記 就黎到呢度先 - 下回 遇溺記小弟會前往 Imperial War Museum Duxford 參觀, 拜訪一部協和號超音速客機同睇二戰時期既軍機 - Stay Tuned~~






如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~

第七回 BE7671 NCL-BHD-IOM 尋找 Jetstream 41 的故事 - 不日推出
第八回 BA3287 IOM-LCY 一個避完稅走去翻學既故事 - 不日推出
第十八回 BE1094 AMS-EMA 重逢 Dash 8 的故事
第十九回 拜訪協和號試驗機 - IWM Duxford - 不日推出
第二十回 拜訪 RAF Museum - Cosford - 不日推出
第二十一回 拜訪協和號試驗機 - Brooklands - 不日推出
第二十三回 SN2093 BRU-LHR 初嘗布魯塞爾航空 - 不日推出
第二十四回 EI283 LCY-DUB 尋找 Avro RJ 的故事 - 不日推出
第二十五回 FR534 DUB-EMA 初嘗瑞恩航空的故事 - 不日推出





評分

參與人數 3aPower +4 HugeC +30 收起 理由
YY487 + 1 + 10 多謝分享
DIH + 2 + 10 多謝分享
S3BL100 + 1 + 10 大師級作品

查看全部評分

1萬

iPower

3339

aPower

4902

HugeC

Level 5

PhD = piled high and deep

Rank: 5Rank: 5Rank: 5Rank: 5Rank: 5

積分
22621
發表於 2020-5-20 23:57 | 顯示全部樓層
其實而家 flybe 既金主 Virgin Atlantic 都可能有好大麻煩⋯

一場武漢肺炎將成個航空業生態改寫,好多我地以前坐開、坐過既機型,甚至航空公司,以後都唔會有機會再坐。就算美國呢邊,而家都估緊六大航空公司入面可能有一大今年之內清盤收場。好多野都只能透過相片回味。

btw AMS 機場真係幾吸引幾靚

fb.com/scientisthk2usa/

3494

iPower

985

aPower

354

HugeC

Level 2

Rank: 2Rank: 2

積分
4773
發表於 2020-5-21 01:14 | 顯示全部樓層
本帖最後由 KV8948 於 2020-5-21 01:19 編輯

AMS除左天台架FOKKER之外,仲有架前KL 744 PH-BFB係距離機場一公路之隔既Corendon Village Hotel

8067

iPower

605

aPower

681

HugeC

Level 3

Rank: 3Rank: 3Rank: 3

積分
9237
發表於 2020-5-23 10:22 | 顯示全部樓層

                                    Advertisement



當年要飛一轉London-NCL都有唸過貪得意坐flybe, 一check, 貴人地差吾多2倍, 不了

1489

iPower

1533

aPower

1030

HugeC

Level 2

Rank: 2Rank: 2

積分
3243
 樓主| 發表於 2020-5-23 13:39 | 顯示全部樓層
其實 AMS 既設計係幾好 - 佢既客運大樓係一棟過,而對於經 AMS 轉機既旅客而言係方便既。可能佢比較大既 drawback 係佢閘口比較有限,而唔少 regional flights 都要用 outer bay 上落客,不過佢既效率係高,而小弟亦相信 AMS 係世上少有做到 50m connection 既機場之一~~

其實 AMS 周邊都有唔少好野睇 - Schiphol 周邊係有唔少地方可以 spotting 之餘,佢既後勤區亦有部廠色既 Fokker 27 - 有興趣睇既可以係機場搭巴士或踩單車去睇
P.S. 記得睇埋小弟之前寫既 Aviodrome 博物館報告~~

咁呢個就好睇 火車公司同 flyBE 各自既目標顧客群咯 - 如果你係由市中心去市中心既,咁當然搭火車係會比較方便同划算,不過如果你係去 Docklands,而你張機票係可以俾公司 claim 數既,咁當然搭 flyBE 會係一個幾吸引既選擇,何況本身 LCY 既定位係以服務倫敦 docklands 既公司為主。當然來往 LCY 既機票本身都唔平 記得佢好似每個 departing flight 都會收取大約四十英磅既附加費,再加上英國政府十三磅既 APD,其實做英國國內航線無你想像中咁多肉食 (而某程度上 APD 亦係 flyBE 既死因之一)




您需要登錄後才可以回帖 登錄 | 會員申請加入

本版積分規則

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2020-6-6 00:21

Powered by Discuz! X3.3

© 2001-2013 Comsenz Inc.

快速回復 返回頂部 返回列表