老九 948 假頂閘飛閘，投訴信點寫好？

天空之神 發表於 2020-5-23 10:04
眼見車頭至中門廿個都無，車尾無人企

Btw，如果準備好手機，就有心捉佢飛站

真心討論，若是很疏落路線，乘客不企入而「假頂閘」，真係睇司機做法。
以青衣線為例，親身試過一些好師傅例子(疫情前)：


平日傍晚249X，青衣尾站入沙田，當時25/30分一班，部車到站前已經「假頂閘」，車站目測約有20人左右。
師傅到站，未開門先叫客企入D，然後開門上客，禮貌地話車疏人多放工放學，大家拍硬檔。最後全部人上得曬。
有客感謝師傅幫手，師傅謙稱通常掛牌司機知道班車爆，班客又搭慣搭熟，多會幫手，但遇著後備/替更就可能直接飛站。那師傅仲溫馨提示佢跟住果日就轉更，大家自求多福。

68A青公下游上繁出青衣，開緊10-15分一班但仍不夠載，無站助情況下，企到門口大部份師傅都照開門讓客人「自行試逼」上車，上到幾多就幾多。
聽師傅講，話上頭知道爆車多客投訴，但短期內不會加班，只能落柯打話企到黃線(多數入面仲有位企)都不准飛站，要開門給客「試逼」上車，通常都能多上幾個，甚至10個8個。

講番948；無任何指示，絕對相信會有師傅「多一事不如少一事」，企到黃線就直接飛站，理得車內仲有無位企。
以西隧口北行為例，下繁好像有站助會處理乘客上車，不准飛站，見過城新職員如930系列有特別安排。
不過自己就好似印象中未見過有九巴職員處理。

西隧北行用948番青衣南和的士速度一樣，都無其他價格和時間相對合理的替代品，隨時焗等下下班。唉。

ATENU364TC196 發表於 2020-5-26 07:36
樂哥架1753係收工單嚟，佢做完1600長安之後去到天后會泊銀幕街，到17:48就跟17:50架307P 入站，泊307P坑， ...

其實下繁返青衣，948有無比表列班次開得多左車?

昨晚大約7時10分，見到三部948(好似係2新1九)排住隊楓樹窩路左轉青衣西路上長宏，一轉燈後仲多一部九巴。
所有車都接近無客，估計已經落曬車。

其實返到青衣都幾常見拖卡，似乎都開得幾密。(估計無中途起載車吧~)