[建議] 新線39 荃灣（愉景新城）←→啟德（沐安街）

eric278 發表於 2020-9-14 10:07
往啟德：
1. 愉景新城
2. 大涌道

美孚荔枝角已經有42/6D/紅小等替代品，遲d仲有屯馬線全線通車。建議葵芳邨後上三幹去海麗邨，唔經美孚荔枝角，並且食埋海麗邨/西九四小龍往返荃葵嘅雙向客源。修訂巴士站如下：

往啟德
葵芳邨
(青葵公路，深旺道)
海麗邨
(興華街)
碧海藍天
然後去啟德

往荃灣
深水埗公園
(荔枝角道直行)
蔬菜統營處
IVE黃克競
(興華街)
碧海藍天
(深旺道)
海麗邨
然後經青葵公路往葵芳廣場，再依原線返荃灣
另外建議唔入馬頭角，而改為經啟晴邨同埋太子道東。

golems 發表於 2020-9-14 11:09
同意，應行眾安街

應雙向直行青山公路，不入沙咀道

xdxd 發表於 2020-9-14 23:41
嘩大佬 人哋海麗四小龍隔離大大個荔枝角站你當無到？
而家呢種行法未必話好靚仔 夠快 但係荃葵↔長沙灣道 ...

就係有大大個荔枝角站先唔行長沙灣道，大大條荃灣線就喺長沙灣道地底。海麗邨行去荔枝角站都要15分鐘，行得嚟搭我建議嘅路線應該去到大窩口。長沙灣道去九龍城係客多，但代替品唔少，遲Ｄ沙中線全通運輸署更加有藉口唔開。但我嘅走線其實就係703延長版，開線難道細好多。

xdxd 發表於 2020-9-15 11:00
應該咁講 我同意703會有客 但係荃葵九龍城咁行法未必吸到客
個人意見都係簡單啲 長沙灣道算
唔值得同12A ...

海麗喺正青葵公路出口，去葵芳邨7分鐘左右，去眾安街都係15分鐘左右。如果搭荃灣線15分鐘只夠行到荔枝角站。唔明點解荃葵去海麗邨/碧海藍天搭鐵會快d。

至於荃灣去長沙灣道睇怕所有人去哂保鐵或者搭234X/30X。葵興芳仲有33A/37競爭。九龍城去長沙灣道已經有42行緊，呢條線無論行荔枝角道定長沙灣道都一定同半條42爭客，仲未計運吉要保鐵。

荃葵去新蒲崗/九龍城嘅客方面，我反認為無論呢條線行長沙灣道定入海麗邨都唔會俾人有好觀感。如果要快乘客會搭紅小，出年甚至會直接保鐵。行長沙灣道會比入海麗快5分鐘，但搭得巴士嘅大概唔會介意呢5分鐘。但行海麗邨可以保證有個獨市位，點都抵。

0q9w8e 發表於 2020-9-15 18:21
係開就不如南昌街>窩仔街>界限街>太子道東咁去

已經有6D同埋紅小做緊呢段路

xdxd 發表於 2020-9-15 14:51
我會覺得兜海麗而吸到嘅客跟你嘅估算會過分樂觀 咁不如行外面同其他線爭客好過
同埋唔好忘記12A
老九喺九 ...

下繁930由西隧口去葵涌廣場要10分鐘，40由葵芳廣場去眾安街要9分鐘。海麗邨上3幹去荃灣即使下繁都係20分鐘內嘅事。俾你腳程快，10分鐘就由海麗行到荔枝角站，你仲要用15分鐘搭去荃灣。我唔明點解搭鐵反而會快d。

至於深水埗內老九競爭，其實12A同我嘅建議得界限街至欽州街重疊。12A仲要唔去新蒲崗。如果行長沙灣道，就會同42由新蒲崗重疊到美孚。仲未講長沙灣道地底有大大條荃灣線喎。跟我建議嘅路線新城仲可以話找703嘅數塞哂老九同運吉口。行長沙灣道我唔知新城有乜理由說服老九同運吉

10598C 發表於 2020-9-16 15:53
定線上可以入埋富昌邨、海達邨一帶，雖然可能要面對未來屯馬線全通競爭，但填海區只到海麗邨有些少到喉唔 ...

同意可以沿深旺道去到東京街或欽州街先轉入荔枝角道，反方向亦然。如果南昌街就轉入填海區我覺得太早，我想食埋桂林街一帶傳統深水埗區嘅客源。

南昌站無論去荃灣或葵芳都係兩個站，去啟德又可以避塞車。對v walk同富昌客嚟講優勢太大，巴士唔會有客。所以我認為經東京街轉出荔枝角道會較理想，食西九龍法院同埋政府合署客之餘仲少d燈位。

10598C 發表於 2020-9-19 14:10
所以上面我都有提及係欽州街轉入深旺道，做返深水埗一帶旺區
只係覺得停麗蘿樓嗰邊，多客唔過有鐵嘅南昌 ...

欽州街轉深旺道係衰多燈，其他我冇意見