全球首艘波音 Jetfoil 噴射水翼船「水星」號近日被移往昂船洲宏德船廠，有網友提供本星期初的相片，顯示船身尚未被拆，但難言何時面臨被拆解。「Jetfoil 噴射船保育關注組」對此感到憂心，並緊急籲請噴射飛航重新考慮相關決定。該組亦引述波音方面回覆指對該船面臨被拆毀感到遺憾，波音的歷史部門希望情況可行下能保留該船的銘牌或重要部件留念。

相片由西九龍公路乘客提供

原來咁細隻，金光飛航大隻咁多

波音講到好遺憾，咁點解佢唔直接買返部船？

雖然我都好鍾意jetfoil, 不過睇到有個「Jetfoil 噴射船保育關注組」,點保育? 係咪真係買隻船返黎欣賞? 依家乜都保育, 香港仲要唔要進步?

成件事根本就冇衝突
唔明做咩要拉埋一齊講打稻草人
如果你剩係想你既下一代剩係睇相
先知道自己呢個地方既歷史同含意
識望前唔識望後
你既進步完全係落後思維
就算唔講咩歷史價值
以功利d 講
咁樣既思維都係破壞緊香港旅遊業

本帖最後由 joeli16 於 2020-10-14 23:38 編輯

八,九十年代, 個時可能D人冇錢, 邊個會提保育呢D燒錢玩意? 依家好多人有錢唔知點用, 個個就出黎話保育,
保育本身冇意見, 保育原意就係為紀念, 不過都要睇下題材, 如果係出黎洗幾十皮買架退役巴士返黎養幾年之後又係走去湯, 呢D都冇問題
你話Jetfoil保育, 可以點樣保育? 係咪買隻船返屋企? 我覺得不切實際
我本身一樣好鍾意Jetfoil, 如果有人可以出架Jetfoil模型作為紀念, 我覺得比呢類保育仲實際

如果呢個Jetfoil保育真係想做野, 咪諗下買左隻船, 再賣俾波音擺係西雅圖Museum of Flight, 咁就真係有保育效果, 不過波音連國泰隻B-HNL都冇收, 要佢收隻Jetfoil我諗都幾難
如果擺係香港, 唔駛幾年又係走去湯, 香港呢種功利社會邊有人會咁樣燒錢

保育隻船
如果唔係長期灣水既話
要行得走得既話

每年都要留筆驗船開支,一年都可以洗你6位數

如果唔打算行既話,搵地方長期泊,都應該要比租位錢

比保留一架巴士更複雜

當年鴨靈號船主唔再搞落去
都要香港仔搵地方安置
仲要隻船沉左

本帖最後由 kitarolo 於 2020-10-14 23:51 編輯

假設有金主有地方有財力保留
最大風險係波音產品有機會係
軍工規格,拎許可遠比舊巴士嘅
門檻高得多,話就話4、50年前嘅
科技但細節公眾一般無從得知。

另回#4,波音而家好掂咩……
一係就搏打仗賣軍火,二來如果
製造商提出回購,持有人隨時開天價。

呢隻水星都可能擺左10年, 想佢行得返我諗都幾難, 所以係基本上用幾十萬買隻1:1模型返黎, 之後保養費用我諗都幾金, 仲未計究竟香港邊度有咁大地方安置呢隻船

考慮各種因素後就覺得呢個Jetfoil保育根本就係齋talk, 根本唔可行