大長塞年代,巴士如何應對

當塞車已經成為每日慣常的事﹐當乘客自己醒水﹐提早出門口避塞成為眾人選擇﹐自然會做成相關線路的繁忙時間(最多人的時段) 自動提早﹐巴士公司就自然會慢慢調整繁忙時段﹐提早開始繁忙時間的班次﹐配合番乘客的高鋒時間。

巴士公司其實沒有什麼野去做﹐已經可以應對慣常塞車的問題。


至於代替道路方面﹐以前就選擇唔多﹐而家道路網增加﹐係可以適量地增加。
但係﹐車長臨場點選擇﹐巴士公司又控制唔到的。

siupy 發表於 2020-10-17 01:21
其實唔洗玩篤灰
又唔洗麻煩執法人員
咖啡人手唔算多，黑_又唔係得炒牌一樣野做

外判抄牌/拖車的成效﹐好睇班司機停車的目的。

2個情﹐1個會好有效﹐1個只會帶來反效果。

情況1 :
某大型公園﹐有單車徑﹑大量康樂設施﹐吸引到唔少人駕車來為小朋友放電﹐結果就係大量車違泊。
部份就係想慳泊車錢﹐部份就係附近車位已滿。

這個情況﹐外判抄牌拖車係有效的。
迫人去搵泊車位去安置部車。


情況2 :
直接講埋位置﹐楊屋道街市附近一帶道路。
班司機違泊目的係去街市買野﹐部份人唔會單拖的。
有人趕車就所有車齊齊兜圈﹐附近道路(內街)本身已經繁忙﹐仲要加多一堆車不停兜圈﹐結果就將慢車塞車問題擴大到附近區域。

正所謂﹐你有你趕﹐佢有佢兜圈。
內街及附近所有燈位都係頂唔順這批車不停兜圈﹐令其他位置塞埋一份。