九巴272E延長及加強服務消息

……無言。

成個大角咀有72X同272X，條272E落去大角咀仲有咩意思？

成班人以為270B 旺角做到少少客，就等於272E都可以。
有無對比兩者有咩唔同？

北區得270A廣華擦邊皮做旺角，咁270B仲有少少理由做埋旺角（雖然我從來都唔贊成旺角做頭站，碌哂成條長沙灣道先上公路）。
相反，大埔除左有271，仲有全日既72X同繁時272X。
有人話今次272E拉長係要做太子客，但272X唔係做緊太子客啦咩？

再講啦，就算老九幾想用272E食哂72X同272X都好，
我先唔理亞皆老街獨市位同窩打老道幫271清客問題，
272E對旺角、大角咀客黎講，車程已經大幅輸俾72X同272X，價錢牌又貴過人地幾蚊，
你覺得區議會願意通過咩？

ccchhhuuunnn 發表於 2021-1-16 01:30
咁大角嘴都係擺位
旺角先係主菜
就算經長荔深，旺角合埋眼都執都客，梗係好食過(2)72X齋做旺角

啊生，
執到一、兩個客，
同原本72X、272X既客，會唔會大批過檔去272E係兩回事。

有人係唔理車程、唔理價錢牌，但求上左車再算。
但只係一少部分人。

你咪試下叫272E全日，然後殺哂72X同272X，睇下大埔人會唔會同你死過囉。

************
當呢幾年老九都逐漸識得用旺角做尾站，開下268X、41A改線、35X等等既時候，
你仲用270B既套路，叫旺角客碌哂成條長沙灣道先上公路，
係咪大埔人同你有仇？

S3BL100 發表於 2021-1-16 00:52
去程都算，我諗成件事最大問題係值唔值得為左做太子客而塞入旺角，影響回程班次穩定性，然後倒走幾年來儲返 ...

單論太子，下繁已經有272X做緊，
實在睇唔出有必要用272E去做。
再者，如果堅持要用272E去做太子客，咁點解唔直接擺街，等夠鐘就係彌敦道開車？

個個都知旺角道係黑洞，
既然272E主打深長荔客，仲要唔係全日線，實在無理由拉去旺角搞亂班次。

******
至於你既建議，
我都有諗過72X變太子旺角循環線，
不過我會堅持272E唔落大角咀。
坦白講，大角咀係繁時先谷到客，所以繁時用272X去做呢批大角咀尾站客，我覺得無問題。
至於非繁，我寧願青沙砌到一條靚仔少少既大埔線，
然後推人去287X <-> 大埔青沙線算。

有時我係旺角西、大角咀要過北區既話，要不是270B太疏，驚係青沙轉車站食風，
我認為287X <-> 270B 係屈機既玩法。

純粹多口插幾句：

本身大埔道唔係慢，
SSP坐72去沙市，快過86多多聲。

72問題在於沙市同埔公。
沙市繁忙時間同假日隨時塞塞地，呢到已經用多10分鐘。
埔公雖然唔多上落，但同吐露港一大條直路，仍然差好遠。

以前坐72由長沙灣去大埔，捱得最辛苦既一段，永遠都係大圍至大埔一段。

我發覺同班巴膠講野真係哂 _ 氣……

成日拎其他無可比性既例子去證明272E拉落大角咀會有客：
1. 大角咀、旺角除270B外，有無其他北區線？（270A太遠，唔關事啦）
大埔呢？72X又密又快過272E，點解會覺得有大角咀、旺角客去上272E呢？

2. 然後又話68X、52X、265B一樣大把客，黎引證呢種大角咀 <-> 美孚先上公路既走線係無問題。
不如你地望下，有左268X之後，68X邊到先開始多客？
SSP呀。
已經不斷有人提出68X（特別係往九龍方向）唔應該再兜太子同旺角，應該SSP後，走後門直插大角咀。
而家你地班膠竟然支持有72X同272X做旺角、太子既情況下，再拉多條線落去？
個腦裝左屎？

3. 你地係咪無於SSP、長沙灣等過經旺角道既線？
如果你地有等過，特別係星期六下午，你地就唔會想條線塞入去旺角道呢個黑洞，搞到班次大亂，
連ETA都唔會幫得到手（只會不斷Delay）。

**********
講到尾，你地都講唔出，係有平價、車程更短既72X同272X既情況下，
拉條272E落去大角咀同旺角有咩意義。

Ricky403 發表於 2021-1-18 15:34
3嗰到，其實星期六一塞，長沙灣道南行興華街打後都會中招，而源頭可能只係深水埗站一段泊多咗兩三架車
深 ...

咁中共同港共執意要打壓香港人，
我地係咪又坐定定唔反抗，等佢將我地逐一滅聲？

同理，當老九要將272E拉落旺角，影響SSP、長沙灣堆客既候車時間穩定性時候，
我地係咪又坐視不理？

****
對於想272E全日取代72既人來講（講明先，我唔認為單靠272E全日可以取代到72……），
想272E全日，更加唔應該拉落去大角咀。
可以肯定係，就算272E全日，72都會繼續全日（如同86C / 286C）。
九公當然想谷客落272E（貴過72咁多），
但如果你條272E拉左落去旺角後，班次咁唔穩定，我點等？
最終堆客咪寧願坐返72，唔上272E囉。
咁最後，272E又食唔到旺角72X堆客，SSP又食唔到72客，得返長沙灣有絕對優勢。
咁又係咪你地班巴迷想做到既野呢？

既然咁多人都覺得272E會隨住富蝶入伙而推全日，
不如問下大家，如果你係富蝶居民，架車由總站開出，要經太和、大中同廣福先上公路，
你仲會唔會上車？

Ricky403 發表於 2021-1-18 20:00
你用香港政治做例更搞笑
而家情況係，就算美國高調支持香港民主運動，山高皇帝遠，大家都心知肚明，只要 ...

要點樣去抗爭，我唔去評論。
但如果連見到唔公義、唔公平、唔正確既野，都唔去發聲，反而去「妥協」，咁同「自我滅聲」有咩分別？
下下代入去中共、九巴既角度出發，最終只會蠶食自己既思想。

******
272E做唔做大，其實又返去86C同286C個問題。
無論馬鞍山定大埔，都唔見得係可見將來，有足夠客源支撐兩條出SSP、長沙灣既全日線。
而家86C、286C呢種並存方式，絕對唔理想。兩條線不論客量定班次，都唔見得標青同吸引。
但最大問題係單單將286C同272E全日，並唔會消滅到72同86C（因為呢兩條「舊線」各有獨特既獨市位，難以取代）。

以而家九公「少做少錯」取態，加上區議會依然山頭主義，
大重組基本上無可能發生。
最終結果就係會發生更多「42C、X42C」、「86C、286C」互相重疊既狀況，資源唔見得有效地運用。

Oliver_ME16 發表於 2021-1-20 11:50
272X服務範圍仲細過72X,時間上亦冇優勢,
可以點提升客量?

有堆人覺得搬去青沙做轉乘，客量就會自然提升嘛。
但問題係，青沙條條線都咁疏，轉條毛咩？
再加上本身大埔區對外交通網絡尚算完善，我又睇唔出72X轉做272X，客量會升幾多啦。

*大角咀得繁時先有客，非繁靜過乜咁，你擺條272X去做尾站，根本無用。
旺角既話，就算當佢同72X車程平手，咁又有咩原因要轉做272X呢？