如果唔再行翠屏嘅話咪變成直接協和街上山，同34M 34S爭客， 但係聽聞好似同一間公司，都係漢華

無錯...紅綠小都係漢華

凱滙中心係咪非官方稱號?

我諗係咪小巴佬自已訂的名稱?

btw,有幾多條小巴線(包括:紅Van,綠Van)會搬去裕民坊(凱匯)個室內站.

呢段片答到你

救命。。乜 X 嘢叫「紅色小巴專線」 班友真係唔識架喎，紅色本身已經代表唔係專線，點解唔係專線嘅專線???
個站仲要預先貼好晒邊個站頭去邊度，強行將約定俗成嘅嘢納入死板嘅規劃裏面，畀人自由發揮下得唔得架啫

小巴總站預先計劃好邊啲線用咩坑有咩問題？

本帖最後由 wingho_cwh 於 2021-3-21 21:26 編輯

專線就梗係照做可也啦，但紅 van 根本唔係運輸署規劃下嘅嘢
運輸署只需要同小巴商會傾，傾掂咗班友唔會爭站頭就得，唔需要寫實乜嘢「線」用乜嘢「站」
一來所謂嘅「線」只係約定俗成嘅概念，提供服務與否根本運輸署係無 say
二來更重要嘅係，畀咁明確嘅 naming system 佢哋，就等於認可咗佢哋「擁有」一條「線」以及佔用站頭嘅「權力」，咁係違反紅 van 嘅本義

同一個原理下，其實 PTFSS 寫明邊度去邊度嘅紅 van 有 PTFSS 都係有問題，例如寫明西環去旺角有 PTFSS，咁係咪無裝八達通嘅公海車唔可以提供來往西環同旺角嘅小巴服務？仲有，係咪班司機改咗站頭就無 PTFSS？你對外公開淨係寫西環來往旺角咋喎，咁即係改站頭都得啦，咁套返落官塘個 case 度，你理得我係咪用你個新 PTI？可能旺角班司機同荃灣班司機傾掂數對調站頭呢？關你運輸署咩事？

當然，你可以話實際上單頭車自己行西環來往旺角可能會畀站頭車找麻煩，但係法例係無唔畀單頭車做，找單頭車麻煩嘅人亦都係犯法，按照法例係拉得

你都識講，人地傾好晒，搬站頭入去，唔駛你操心

有冇人知附近嘅45坐線會點?
兩條線第時近咗咁多