巴士嗰版好多屯馬線討論,但小巴方面好似呢度比較少有討論,我只講下我了解嘅路線
呢條線應該係焦點所在,將來要同屯馬線直接競爭,喺fb group有部分人聲稱因為荃灣西站遠離荃灣市中心,而美孚站轉車又要行一大餐,所以都會繼續坐小巴,但屯馬線去荃葵個車費係少數仲平過現有車費嘅車程,而且小巴服務係供不應求,客一定會跌,但唔知實際情況會係點喇
長沙灣都有唔少返工客會搭,而由長沙灣工廠區出發,要搭屯馬線又唔係咁方便,但呢條線本身都有少少頹嘅感覺
早繁主要客路係土瓜灣,因為小巴可以避開塞車、唔使塞紅隧巴士站、唔使入灣仔道,不過始終坐小巴比較舒適,預料屯馬線通車後都不至於好似上年wfh期間咁慘淡
如果11、14、26被減班,小巴可能反而執雞機會仲大咗,但多咗鐵路呢個選擇,由佐敦道或者油塘出發,畀全費係土瓜灣落車嘅人會少咗
如果17被減班,非繁拉疏咗,此線有機會食埋17啲客
專線小巴方面
土瓜灣往來又一城可以揀搭鐵,雖然小巴比較直接,班次都頻密,但收天價,捷輝執咗之後,呢條線服務質素都大不如前
由新界東坐鐵返九龍城,自此以後唔需要再喺九龍塘站轉25M小巴,此線客量應該會大跌