[多圖] 日本升學鐵道見聞錄・2021 九月號

2018【四月號】【五月號】【暑假篇】【九月號】【十月號】【十一月號】

【2018 十二月 → 2019 一月號】

2019【二月號】【三月號】【四月 → 五月號】【暑假篇】【九月號】【十月號】【十一月號】

【2019 十二月 → 2020 一月號】

2020【二月 → 三月號】

2021【上半年】【十月 → 十一月號】

巴士見聞錄
【2018 春夏篇】【2018 秋冬篇】
【2019 春夏篇】【2019 秋冬篇】

踏入九月下旬，日本既武漢肺炎感染數大幅下降。除左所謂既集體接種效果之外，有學者亦帶出病毒自身弱化、自滅既假設，希望生活好快可以回復日常。今次內容圍繞九月下旬既新潟之旅以及四國既高松琴平電鐵一日遊，亦係久違既[多圖]帖。

一早計劃喺敬老之日既三連休直去新潟，但係颱風去緊關西嗰邊，所以提早星期五晚搭新幹線出發去東京住一晚，而呢個時期啲酒店平到一個點。我已經好耐無搭新幹線，今次好好彩搭到呢班由N700S行走既のぞみ（希望）254號，時刻表本身亦無標示出黎

新既座椅挨後設計改善背脊承托，加上1號車改用全主動懸掛系統，就算係坐喺隔離既2號車，座感已經比以前穩定好多，上落斜、過彎無以前咁拋（不過車內新車既膠/消毒味好濃）



對面JR東日本新幹線月台得返最後一班車——11點開去高崎既たにがわ（谷川）477號（E7系）

返到東京既車

第二朝颱風就去到首都圈，不過只係帶黎大雨。我先去到大宮影新幹線，雨勢唔算好大（E3系2000番台+E2系）

8+8卡既E4系

今次我既新潟之旅趕喺10月1號之前出發，當然係有「送殯」意味

今年新落地既F40編成

E2系+E3系

當時JR東日本賣大包，襯退出定期運行之前都安排頗多班次用E4系行



少見E5系會從呢邊既上越・北陸新幹線常用路軌入大宮站



可能因為落雨既關係，無乜人喺大宮站呢邊影

呢邊就多啲人影（E6系+E5系）

E3系1000番台+E2系





我就搭呢班去新潟，因為嗰個時段上越新幹線連續都係雙層E4系班次，就算多左人喺呢個三連休搭車，自由席走廊位都有位坐

我搭上層，喺武肺之下多數人都避免坐落去3+3既中間位

「上層係咁搖」呢個E4系既特色以後都唔會體驗到

到達新潟

站內便利店既E4系精品攤位非常人氣，當時正好係午餐時間，兩款E4系便當擺滿雪櫃，好多人都喺攤位大手掃貨

我食既呢個版本係神尾便當製造，主要係舞茸飯配基本既鮭魚、照燒雞、肉丸、燒賣呢啲配菜（三間便當公司都係用同一個容器，餸菜唔同）

新潟站新幹線大堂有現美新幹線展櫃，以前車內既梳化亦擺出黎比人坐

現美新幹線指定席座椅

開始有新站舍雛型

喺附近万代シティ（萬代City）既巴士總站食過非常有名既平民「美食」——偏螢光色咖哩飯之後（只係以又平又大兜做賣點，味道一般），我就搭新潟BRT去到青山，轉另一部巴士去月潟。
題外話：新潟BRT只係將以前唔同運行系統重複既路段統合成一條叫BRT既路線，都係一般車型行返普通馬路，用掛接巴士行走既快速班次亦唔係特別密

搭大約一個鐘巴士去到以前新潟交通電車線既月潟站，同車搭到呢度既亦有另一位鐵路迷

新潟交通經營既BRT亦行返併用路段嗰邊

93年最先廢除月潟～燕一段，令成條線頭尾都唔再接駁其他鐵路

月潟站起喺河堤上面，宜家保存左一小段路軌同埋幾部車

暱稱係南瓜電車既モハ10形

日本車輛製造設計既一款標準車體

新潟交通有架巴士復刻呢款塗裝

モワ51形有蓋電動貨車，80年代貨運完結之後變成除雪車既動力來源

從國鐵讓度過黎既キ100形



從蒸汽船轉變成沿河堤建設既鐵路，可惜最後唔夠錢經萬代橋起去新潟站，廢埋連接弥彦線既月潟〜燕段之後變成完全孤立既鐵路，最後比同公司既巴士取代曬


今次酒店住燕三条，其實從月潟搭的士係好快，不過我最後都揀巴士搭返青山（巴士總站一落車就係A字頭商場）。喺商場試埋另一款平民小食「イタリアン（Italian）」——日式炒麵配薑絲配肉醬意粉既肉醬，食完真係為當地人味覺擔心，佢地都係專注喺米飯、海鮮料理好過啦。最後去返新潟站，我對返弥彦線班次之後，發現嗰陣經比較慢既越後線去燕三条仲快過從信越本線轉過去。

第二朝一早去到燕三条站，大堂有一個仿照彌彦神社鳥居既裝飾

石板一路通去弥彦線入口（就算呢度係新幹線轉車站都無閘機等等設備）

單線月台

預留空間？



三条市嗰邊既出口

二次新潟色既115系

架空電纜從呢度開始變成直接吊架式



弥彦色115系+後面3卡懷舊新潟色，可以見到呢度直接吊架既電纜墮向下

懷舊新潟色嗰列入面保留接近原裝既車內風格，特別配返國鐵時代既色調、深藍座椅布、圓形吊環