本帖最後由 DIH 於 2021-10-14 18:27 編輯

話咁快，港龍呢個品牌已經消失一年。我搭過四次港龍，包括2002年去華東、2009年去北京及2011/2012年兩次去福岡。之前分享過搭快運去福岡的相片，今次就來回味一下將近十年前的港龍體驗。

這兩次旅程之前都分享過巴士同鐵路[2011 2012]，呢個飛行報告實在隔得太耐。貼埋今次我冇乜貨喇，希望盡快通關可以有新材料。

2011年

去程
日期：2011-11-24
航班：KA386
時間：11:20 HKG – 15:25 FUK，03h05m（表定時間）
用機：A320 （編號不詳）

當年仍然搭巴士去機場（近年改為搭的士），搭中E22P可以快唔少，除了入一入國泰城之外車程與A車無異，但只收$18，當時A29才剛開辦兩個月。




快運未轉型做廉航之前已經有機去日本，唔知係點，係咪飛737？當年完全冇留意。


大快活食早餐


68號閘


我地隻機


左邊中後窗口位


巡航高度


香港本地公司係得國泰集團legacy carrier有餐牌


澎湖群島七美嶼，左上方係七美航空站。


臺中清泉崗國際機場，客運大樓在左上角與跑道相隔幾塊田的地方，中下方係空軍基地。


近海處係新竹市，左方河流係頭前溪，右方係鳳山溪。


遠眺桃園機場，在中上近海處。


臺北市，松山機場在右下方雲間。


我食牛肉飯，前菜有烏冬，而家見到張相都回想起那點點薑蓉味。


另一選擇係雞肉薯蓉


Häagen-Dazs雪糕


長崎市深堀町


長崎市女神大橋，2017年自駕時駛過。


鳥瞰長崎市


將近降落，福岡市志賀島。


西戸崎：福岡市北面有一些島嶼及沙洲，除傳統村落外多數劃作休閒用途，無須離開「市」便已有大量旅遊資源。


博多港：博多係此地本名，建成福岡城（城堡）後逐漸形成福岡城下町，最終於1889年定名為福岡市，但「博多」此名仍存在於繁華的博多区（包括福岡空港所在地）、博多港、博多駅、博多拉麵等。


有油庫的地方係東浜


博多港塔


博多駅，後方係福岡都市高速環狀線。


飛到南面U-turn後於34跑道降落


左下可見南福岡車両区


當年未有功能較好的相機，所以起飛降落冇拍片。降落後泊在菲律賓航空A320 RP-C8613旁。


回頭望


迎賓山笠


搭穿梭巴士去國內線大樓


富士重工FA-300 JA5258私人飛機


全日空B777-200起飛


當時氣溫只有9度


披上ARASHI Beautiful World彩繪的日航B777-200起飛

自駕遊行程相片

未被2016年地震破壞的熊本城


阿蘇火山



湯布院金鱗湖煙霧迷漫




由布岳


九重夢大吊橋



耶馬溪


太宰府天滿宮賞紅葉





櫛田神社


黃金銀杏


宮地嶽神社



福岡空港國內線大樓頂樓設有歷史展覽及觀景台


日航B777-200 JA771J


世界最初的航空標識燈，位於福岡市天神區一座百貨大樓天台上，攝於昭和7年，即1932年。當年未建成現時的福岡機場，而係供1919年在福岡東南建成的「大刀洗陸軍飛行場」之用。


客運大樓早年模樣


1970年3月31日JA351劫機事件，主角係一部727。當年此航班由東京飛往福岡途中被騎劫，劫機者要求飛往北韓。航機在福岡加油並釋放部分人質，然後飛往朝鮮半島，南韓方面以金浦機場扮成平壤機場但被劫機者識破，最終該機帶着自薦作人質的運輸政務次官飛往北韓，劫機者在北韓取得政治庇護，航機及人質獲釋返回日本。順帶一提，日本戰後第一條民航航線係1951年10月25日開辦的東京—大阪—福岡航線，可見福岡空港在日本航空史上佔有重要地位。


777主輪胎


福岡機場layout


登機橋操作盤


全景俯瞰

本帖最後由 DIH 於 2021-10-17 11:07 編輯

回程
日期：2011-11-30
航班：KA387
時間：16:20 FUK – 19:15 HKG，03h55m（表定時間）
用機：A320 B-HSJ，2000-05-24首飛，同年6月29日交付港龍航空，於2020年3月封存

搭地鐵到國內線大樓



再搭接駁巴士到國際線大樓


如我之前所講，在航班起飛時間前兩個鐘（廉航三個鐘）才開放check-in櫃位，所以一定要排隊。



10年前的螢幕顯示比較原始


55號閘


回程用機B-HSJ


旁邊係中國南方航空A319 B-6195執飛CZ334往廣州，該機於2009年交付，現時仍在南航服役。


JAL推機車


16:24 push-back，拜拜福岡



16:33於16跑道起飛


東面海上有冷鋒


我地隻機越飛越近，drink run時突然有氣流，成隻機向左下沉一下，空姐不幸倒瀉茶，我表姐坐走廊都中招，好彩大家冇事。機長即刻着安全帶燈，直至去到台灣。


接近台灣時雲層變成雷暴雲




派晚餐，我食日式魚飯。


雪糕


19:20左右在北衛星客運廊落機



要搭巴士過去T1等行李

本帖最後由 DIH 於 2021-10-15 10:33 編輯

2012年

2011年去過九州之後，家人意猶未盡，一返香港就計劃短期內再去，於是好瘋狂地在四個月後，即2012年3月尾就再出發去福岡。航班資料大同小異，去程係2012-03-31，回程係2012-04-06，回程航班編號由KA387改成KA385。其實相片都係大同小異，不過景物隨季節改變，希望冇悶親大家。

出發時香港機場擺緊蘭花展



顯示去31號閘


食Popeye’s早餐


31號閘就諗住行過去


點知轉成44號閘而且delay


好vintage


兩座控制塔



泊位指示，有幾多已經成為歷史？


原定起飛時間11:20，部機在11:16才到閘口。


香港航空737、捷星航空A320


擺渡車


拖機車


見到自己件行李上機


另一款拖機車？我唔係好識。


大約12:25於07R跑道起飛，圖中上方係沙田，下方係長沙灣。


九龍塘及黃大仙


當時點會諗到係最後一次與龍共舞


今次我食雞肉薯蓉，家人食牛肉飯，同上次調轉。



Häagen-Dazs雪糕


海之中道，上面天橋旁白色建築物係福岡航空交通管制部，該用地在1936-1972年間係「福岡第一飛行場」，又稱「雁ノ巣飛行場」。


運河旁邊橙色建築物係購物中心Canal City，左後方隔幾條街較高的玻璃幕牆大樓係博多駅。


都係兜去南邊用34跑道降落





山笠同四個月前一樣


櫻花迎賓



當日氣溫12度


都係搭接駁巴士去國內線大樓


上觀景台望下先，後：日本航空B767-300 JA8980；中：全日空 B777-200 JA8199


全日空B777-200 JA702A


日本空中通勤(Japan Air Commuter)的Saab 340B JA002C


日本航空B777-200 JA8985


全日空B767-300 JA8289

本帖最後由 DIH 於 2021-10-17 11:01 編輯

送一些櫻花相，呢次係目前為止睇到最多櫻花而天氣又好的一次。

小城公園




福岡西公園







福岡運河一景


大濠公園、舞鶴公園







能古島




回程再上觀景台買雪糕



天氣好好


全日空B777-200 JA8199，幾日前到埗時又係見到佢泊呢個位。


跟住搭返接駁巴士去國際線大樓







當年都未有香港快運塊牌


港龍同快運好似都係用同一個位做check-in


中國航空B737-800 B-5179，後面係披上復古塗裝的全日空B767-300 。


青空


而家算係古董的顯示屏，可見航班編號係KA385。無論係387、385定381，時間都係差唔多。


今次用機係A321 B-HTE，印象中係我第一次搭A321。


大韓航空A330-300 HL7525


上機


杯架


頭上小電視


由34跑道起飛之後右轉向南，圖中係福岡県古賀市，較遠處為福津市。


三郡山


国土交通省航空局福岡航空交通管制部三郡山航空路監視雷達


筑紫野市


鳥栖交匯處，左往福岡、上至大分、右通鹿児島、下接長崎


2010年版安全卡



一切已成歷史


巡航高度


冬菇牛肉飯


櫻花蕎麥麵


蕃薯蛋糕


麵包


雪糕一樣


步入黃昏


又係泊北衛星


感想：
當年未有咁多途徑飛日本，呢兩次去福岡係家人搵travel agent報價，來回連稅好似要三千幾。港航及快運轉型之後，無謂同錢作對，除跟團外自己去日本都冇搭過國泰系，結果2012年4月就係我最後一次搭港龍。個人感覺，港龍空中服務員態度比國泰友善，而家成個品牌都消失，實在可惜。現時通關仍然無期，各航空公司都在苦苦掙扎，待得開關之時，不知航空市場會是何模樣。

（全篇完，多謝觀賞）

本帖最後由 S3BL100 於 2021-10-14 23:52 編輯

多謝分享。睇返遠古時期既飛行報告，回味 good old times，特別有意思

好奇想知樓主到底仲有幾多遠古時期飛行報告未出過？
我手頭上好似有兩個遠古時期 roundtrips 無出過 report，一次係大概 2013 年 KE 744/388 LAX-ICN-HKG，一次係 2016 年美國內陸機，但前者因為飛過超過一次呢個航線同機型組合，後者因為係一個月內兩次飛同一條航線來回，於是懶寫。如果得閒搵返自己 photo database 睇返，可能又係另一番味道

我喺香港既屋企人同樣係住 E22/E22P（當日未變成 E22X）/A29 沿線，因為慳錢同老人家坐 A 線無優惠緣故，一次 A29 都無坐過；就算今日我消費能力高左，都唔會咁坐；咁多年來都係 E22 來回，E22P 都只係十幾年前有次夾到時間，坐過一次咁大把

港龍我一次都無坐過，國泰都係。有中學同班同學考左入港龍做機師，渣 A330；當年仲要因為係果期少數入職港龍既女機師之一，而出過新聞稿報道。結果今日轉左行開寵物店，佢自己就無乜所謂，但我覺得始終係好可惜

本帖最後由 DIH 於 2021-10-15 11:14 編輯

我係2005年開始擁有見得人的數碼相機，每年都去1-2次旅行（近年癲起上來可以一年3次），都可能有幾次可以執到相出來。不過我係自2015年購入新相機後先開始影更多相同拍片，第一次貼飛行報告都係2015年，之前未必好着意留相做report，所以有些「最後一次」就好可惜地無留到記錄。其實我都整理緊，有些旅程本身都有重要意義，例如第一次自由行、第一次凌晨機等，可以砌到report都會嘗試整合，最遠古可以追溯到2005-2009年。。

我都識至少兩個同學做機師，唔係經常聯絡，唔知佢地而家點，不過佢地有其他專業才能，搵食應該不成問題。