九巴APP車程可信度

(唔係小道消息，就無需要濫用比喻)

是咁的
而家九巴大部分常規路線都會喺網站入面有站與站之間行車時間資料，APP入面就喺車程嗰一欄（但受限於只可以睇本站之後其他分站嘅時間）
但係呢啲數據係咪等於平均行車時間（expected journey time），又係點搜集得黎，sample size有幾多，係咪cover哂全日，九巴好似係完全無講過

事關今日見啲時間data好似更新咗，點知一撳入去發現有古怪：

照道理，934平日上繁出港島比平日下繁返荃灣多唔少班次，平均行車時間會長啲，點知唔係，居然返荃灣行多咁多時間 (34.7 vs 48.7)
咁係咪因為由喺灣北或灣仔灣景一撻車就開始計呢？又唔係喎，菲林明道去下一站盧押道都只係寫2.2分鐘

咁就奇怪啦

33都有類似情況，荃灣開寫行得特別耐，但其實東九開全日計食正塞車嘅班次比率係大啲

反而40P就來回相若時間


究竟只係因為有部分方向零舍遲咗update，定係個行車時間數據嘅統計或present係有問題嘅呢？

934 個 case 因為回程行電車路, 比去程行車路線係長咗. 不過, show 果個時間係咪平均行車時間真係有點商榷, 因為就算係同一段路同一堆站位, 條條線都個時間唔同.
好似
1) 西隧去港澳碼頭, 978/934/934A/935 同一個站位, 但 show 個時間可以由 978 (5.5 分鐘) 到 935 (8.6 分鐘) 不等.
2) 金鐘去西隧一段, 934/934A/935 同一堆站位同一路線, 但 show 個時間可以條條線唔同.

九巴app車程，逢新站或者新路線，每個站距都係60秒，宜家兩個站距離太近，時間短過60秒嘅站距，一律劃一為60秒，好似沙頭角公路，青山公路，大埔公路咁車站又密而見站就飛嘅道路，已經大大減低其準繩。況且佢嘅計算準則有D就繁忙時間，有D就非繁忙時間。大家總時間可以差天拱地，就算一盞紅燈都可以相差兩三分鐘，都唔係攞中位數。只係可以講，香港嘅交通好難俾到預計車程有好嘅準繩，而且九巴無準則同個criteria咁古怪，更加令到準繩度有更大偏差。

peterkwan 發表於 2022-1-23 14:17
934 個 case 因為回程行電車路, 比去程行車路線係長咗. 不過, show 果個時間係咪平均行車時間真係有點商榷, ...

以我所知，佢係抽個別班次黑盒數據，經常都有修訂以確保盡量準繩。有時上落客多少，車阻都會影響有5分鐘左右出入不足為奇。尤其是673同373比較公路段，曾幾何時相差超過30分鐘。
只係我覺得可以優化為繁忙時間同非繁忙時間兩種，攞咁多班車行車數據嘅中位數，咁就可以照顧哂不同需要出行嘅乘客。

peterkwan 發表於 2022-1-23 14:17
934 個 case 因為回程行電車路, 比去程行車路線係長咗. 不過, show 果個時間係咪平均行車時間真係有點商榷, ...

都幾肯定唔會直接取用平均時間，否則個數太差未必吸引到人搭。如果係真實數據的話，可能用25%median個數吸引啲

KC3555 發表於 2022-1-23 14:55
以我所知，佢係抽個別班次黑盒數據，經常都有修訂以確保盡量準繩。有時上落客多少，車阻都會影響有5分鐘 ...

繁忙非繁忙時間、星期幾、天氣、長假期效應、學校假期、節日全部都有影響，要認真計可以計唔同情況

其實路面有太多唔同情況，所以未必可以比較到，寫得太差又趕客，不過我覺得如果一年出一次呢種數據就非常之好，咁樣會可以比較多d

我試過 同一路線同一路段 唔同時段既車程 (例如日與夜) 時間有分別

peterkwan 發表於 2022-1-23 14:17
934 個 case 因為回程行電車路, 比去程行車路線係長咗. 不過, show 果個時間係咪平均行車時間真係有點商榷, ...

都唔駛去到48.7分鐘咁耐，所以懷疑數據收集方面有啲問題
全日線或半全日線同繁時線顯示嘅行車時間有唔同反而解釋到
因為繁時線100%班次喺哂行車時間比較長嘅繁時，全日或半全日線個比率一定低過100%

確實如果要考慮一致性，其實可以將全日線或半全日線分開番至少繁時同非繁
喺繁時睇出繁時數據，非繁睇就出非繁數據
預定班次個時間好似直頭做到一個鐘一個鐘咁分，但係又唔識分日子

KC3555 發表於 2022-1-23 14:55
以我所知，佢係抽個別班次黑盒數據，經常都有修訂以確保盡量準繩。有時上落客多少，車阻都會影響有5分鐘 ...

唔係全日？
ETA預定班次都做到每條線每個鐘一個數字
其實呢啲數據已經用得

除非，九巴仔計完數發現乘客喺到站時間嗰度碌碌碌撳撳撳賺得仲多