本帖最後由 GX7043 於 2022-12-22 14:56 編輯

接續上一個帖文，今次的主題是798系。論壇上大部分版友都很討厭798的服務，並期望九巴的將馬、將石、將埔三線能提供全日特快便宜的服務，將798擊沉。新巴的營運條件比九巴艱難得多是眾所周知的事實，小弟欣賞新巴當初以798開拓將沙市場的勇氣，看見大家如此支持九巴壟斷馬鞍山、大埔市場，便在空閒時間親赴將軍澳，特意乘搭較少人留意的798支線，希望看看798系的客量及客源分佈，用數據說話。

此次被統計的路線如下：
798 798A 798B

閱讀須知：

• 小弟只有兩隻眼，暫時未能煉成上落車門各用一隻眼留意的技術，故在車程的後半段有可能有些許錯誤（尤其落客人數），請見諒
• 小弟選擇統計的時段乃根據自己的空閒時間及隨機選擇，並不帶任何偏見
• 路線選擇乃小弟個人興趣，請不要針對任何巴士公司或發起罵戰（不過小弟已經可以預計留言區會火花四濺）
• 小弟時間及金錢有限，亦不想爲車長帶來麻煩，故大部分路線均不會乘畢全程，亦會避免部分地點偏僻的總站
• 「到站時間」指巴士到達分站並開啟上車或落車門的時間，在起點的到站時間往往會早於編定的開出時間；如沒有上落，則爲駛過路線站柱的時間
• 「上車人數/落車人數」指有拍卡的乘客（兒童、學生、成人、長者、匯達車長），手抱的嬰孩不計算在內；小弟和友人也有付錢乘車，故會計算在內
• 「車上人數」指巴士離開分站時的人數
• 「累計上車人數」是由該路線起點起計，並非小弟上車起計
  

---

新巴 798 火炭駿洋邨 → 調景嶺站
用車：6131 UU4974
日期：20220607
班次：1550

	車站	到站時間	上車人數	落車人數	車上人數	累計上車人數
1	駿洋邨	1547	9	0	9	9
2	麵房街, 火炭路	1550	5	0	14	14
3	火炭村, 火炭路	1552	1	0	15	15
4	禾輋邨, 源禾路	1555	3	0	18	18
5	瀝源邨, 源禾路	1557	1	0	19	19
6	沙田巿中心	1600	13	0	32	32
7	田園閣, 沙田圍路	1603	4	0	36	36
8	大老山隧道收費廣場	1609	10	2	44	46
9	將軍澳隧道巴士轉乘站	1621	2	4	42	48
10	茵怡花園, 寶康路	1626	0	6	36	48
11	寶林邨寶儉樓, 寶豐路	1629	6	6	36	54
12	欣明苑, 欣景路	1632	0	8	28	54
13	景林邨, 寶琳北路	1634	0	0	28	54
14	厚德邨, 寶寧路	1635	0	3	25	54
15	重華路	1637	0	4	21	54
16	煜明苑, 銀澳路	1639	0	5	16	54
17	寶盈花園, 寶邑路	1642	0	6	10	54
18	唐明街公園, 唐明街	1644	0	4	6	54
19	調景嶺站	1649	0	6	0	54

新巴 798 調景嶺站 → 火炭駿洋邨
用車：6131 UU4974
日期：20220607
班次：1700

	車站	到站時間	上車人數	落車人數	車上人數	累計上車人數
1	調景嶺站	N/A	4	0	4	4
2	唐明街公園, 唐明街	1702	5	0	9	9
3	將軍澳廣場, 寶邑路	1706	6	0	15	15
4	新寶城, 銀澳路	1708	12	0	27	27
5	南豐廣場, 培成路	1710	8	0	35	35
6	厚德邨, 寶寧路	1712	7	0	42	42
7	景林邨, 寶琳北路	1713	4	0	46	46
8	欣景路	1715	10	1	55	56
9	梁潔華小學, 寶豐路	1717	11	0	66	67
10	茵怡花園, 寶康路	1719	7	0	73	74
11	寶康公園, 寶康路	1721	7	0	80	81
12	將軍澳隧道巴士轉乘站	1726	6	0	86	87
13	大老山隧道收費廣場	1741	8	18	76	95
14	田園閣, 沙田圍路	1745	1	26	51	96
15	沙田站	1750	0	N/A	N/A	96

旅程備註

• 兩次旅程均爲同一位比較資深的車長，在途中出現數次已關上車門但未起步而有乘客截車的情況，車長均友善地開門等候。車長的駕駛穩定，待客禮貌，且行車時間理想，是小弟乘搭十多程將軍澳路線中最欣賞的車長
  

---

新巴 798A 沙田市中心 → 將軍澳康盛花園
用車：5738 SN9738
日期：20220607
班次：1815

	車站	到站時間	上車人數	落車人數	車上人數	累計上車人數
1	沙田巿中心	1814	34	0	34	34
2	田園閣, 沙田圍路	1818	12	0	46	46
3	大老山隧道收費廣場	1823	15	0	61	61
4	將軍澳隧道巴士轉乘站	1842	4	7	58	65
5	景林邨景榕樓, 寶順路	1848	0	11	47	65
6	厚德邨, 寶寧路	1849	0	1	46	65
7	重華路	1850	0	26	20	65
8	南豐廣場, 培成路	1853	0	3	17	65

---

新巴 798B 日出康城 → 沙田市中心
用車：5223 UL9452
日期：20220609
班次：0705

	車站	到站時間	上車人數	落車人數	車上人數	累計上車人數
1	日出康城	N/A	3	0	3	3
2	峻瀅, 環保大道	0708	0	0	3	3
3	日出康城領都, 環保大道	0712	0	0	3	3
4	日出康城首都, 環保大道	0713	5	0	8	8
5	百勝角, 環保大道	0715	0	0	8	8
6	清水灣半島	0717	2	0	10	10
7	寶盈花園, 寶邑路	0719	1	1	10	11
8	將軍澳站, 寶邑路	0720	1	0	11	12
9	將軍澳中心, 寶邑路	0722	0	0	11	12
10	調景嶺站	0725	0	0	11	12
11	唐明街公園, 唐明街	0729	16	2	25	28
12	廣明苑, 寶康路	0731	1	0	26	29
13	將軍澳隧道巴士轉乘站	0743	3	2	27	32
14	大老山隧道收費廣場	0754	0	3	24	32
15	田園閣, 沙田圍路	0759	0	6	18	32
16	沙田站	0804	0	18	0	32

旅程備註

• 不多說，還是老問題：將隧塞車
  

---

小確幸

• 此次將軍澳三部曲有幸能乘搭接近全部將軍澳路線會出現的車款，包括MMC（12米舊頭、12米舊頭過檔車、12米歐五facelift、12米風筒、12.8米歐五facelift、12.8米風筒）、12米歐五鐵甲（可惜沒有歐四）、12米蛋以及罕見的鑽頭，詳情請參閱小弟之前的兩個帖文
  

---

小弟見解
將埔搶去798的東鐵客？

• 兩線在將軍澳區的服務範圍接近
• 798定線相當直接，將埔線需要入白石角
• 798往沙田方向能直上沙田站平台，1分鐘已經到沙田站閘機，而往將軍澳方向亦只需落一層扶手電梯。如果東鐵客寧可在大埔墟站步行到南運路上車也不在沙田站支持798的話，只能說恭喜九巴
  

將馬將石搶去馬鞍山、石門客？

• 這麼多年來798和682也沒有合理票價的轉乘，馬鞍山及石門客是要送給九巴的；倘若新巴懸崖勒馬，及時推出新轉乘優惠，那還有點轉機
• 大家都知道682的班次很有問題，也不能直達77區，故小弟懷疑其實不是所有將馬客都是轉乘682，而是會選擇跨公司轉乘九巴，用價錢換個方便
• 但將馬線好像不能直達調景嶺、尚德、將軍澳市中心，不知道這些地區的乘客會否繼續在觀塘專車？
  

被遺忘的客源

• 大家不要認爲798在沙田區只有沙田站/市中心有用，其實火炭至源禾段以及田園閣也提供了不少客源。源禾路、駿洋邨有不少學生和街坊出入（第一程於非繁貢獻了19個長途客），田園閣的上落也不少（第二程下繁有26人下車）
• 在部分時段，798的班次比285、88X還頻密，能夠吸引不少源禾路往返駿洋邨的乘客
  

798越做越差自己放棄？

• 依小弟觀察，在第五波疫情中後期，798非繁的班次已經是新巴將隧線中最頻密的一條（15-20分鐘一班），而小弟以上的客量統計反映798在逆市時段仍有不少乘客支持，未至於被眾人唾棄
• 很多版友一再強調坑寶客都被新巴的班次趕走，落地底搭鐵，但要知道坑寶區是將軍澳綫頭站、798尾站，港鐵的成人票價亦比798高，究竟798在時間、舒適度上輸鐵路多少？大家自行衡量
• 大老山隧道及將軍澳隧道的塞車是非戰之罪，請不要歸咎於巴士公司（不論紅公司或橙公司）
  

798沒有優勢？

• 之前小弟在回覆其他版友時說過798的營運狀況可說是將隧新巴線中較佳（尤其非繁），相信以上數據及小弟先前發佈的796系客量統計會更能表達小弟的意思。在芸芸新巴全日將隧線中，798是票價最高的一條（$11.7），但一程的行車時間只需約65分鐘，非繁客量又不錯，可謂是相當有成本效益
• 第五波疫情時798的減班可能嚇走了部分乘客，但近日798班次和客量都回升，小弟衷心希望798能維持現有的班次與收費，穩定客源
• 雖然新港城、京瑞廣場近年越來越受歡迎，但沙田市中心、新城市廣場一帶仍然是一個相當有吸引力的消遣地方
  

對798系的未來的見解

• 九巴財大氣粗，寧可虧蝕也要全日服務搶798客，搶到不少遊離客是必然的事
• 798A、798B在將軍澳區內的走線仍然有待改善（尤其798B），開車時間亦有待調整；至於大家建議全日拆線，小弟認爲如果新巴想加快倒閉的步伐的話也可以聽從
• 有版友亦建議798A、798B均延長至駿洋邨，小弟認爲未嘗不可，因爲小弟乘搭798B到達沙田站總站時看見5名乘客正在等候798往火炭方向
• 難得運輸署開綠燈讓新巴直入大圍，不用招標，小弟期望798P能做出成績
• 小弟認爲798的班次不應跌落20分鐘這個心理關口，否則真的無藥可救
• 沙田及將軍澳都是有不少學生、打工仔穿梭兩地的地區，小弟認爲798有雙向通勤的意義，建議新巴加密「逆通勤」時段，即早上往將軍澳、晚上往沙田的班次
• 聽說九巴三線的票價都是「賤價」，可能這是新巴輸蝕的地方，但也可能是優勢，因爲每程票價越低，月票的吸引力也越低，變相九巴未必能用市場佔有率來輾壓798
  

小反思

• 在沙市或沙火觀察巴士站牌，可以發現不是九巴便是龍運，而798的出現正正標示着新巴打破九巴在沙田區的壟斷。不知道大家記不記得2017-2021年間，出現了往火炭方向九巴88X能在沙田站上客但新巴798不能的情況？沙田區的持份者對798是否公平，心知肚明
• 如今新巴失落三線的經營權，大家則希望新巴的市場加速萎縮，重現九巴在新界東的壟斷，只能說有點唏噓...
• 如果九巴三線能做到全日服務、薄利多銷，還能用88、88X轉乘搶走798的整個沙市、源禾路、火炭客倉，那麼不止798，應該整間匯達公司都真的氣數已盡了
  

---

在此特別感謝友人部分時間同行及協助統計。如有手民之誤，請隨便指出。
可能hkitalk帖文有字數限制，小弟嘗試將所有內容用同一帖文發佈但出現亂碼，故只能分開三個帖文。辛苦看完三個帖文的版友
經歷將軍澳三部曲，小弟的荷包已經元氣大傷 大家短期內都不會看見小弟了
歡迎理性討論。

本帖最後由 KW2523 於 2022-6-11 16:05 編輯

"

• 如今新巴失落三線的經營權，大家則希望新巴的市場加速萎縮，重現九巴在新界東的壟斷，只能說有點唏噓..."
  

九巴同屎水都係鍾意搶客, 自己地方傾向hea做
巴迷之間自然有隔離飯香情況 (不論保九定係保屎)
其實九巴做沙田大埔嘅現有路線, 態度同屎水做港島相約
通咗兩條黨鐵, 整頓下拆到散晒嘅巴士重配資源係好事
但272X, 286呢啲方案都係為咗做新區而玩舊客

講返798, 一來有觀繞, 二來有屯馬
我諗本身搭佢轉車嘅人都嚇走晒, 最少我個人係變咗出東九轉車
康翠98A, 坑口91M, 將南296A/黨鐵, 寶林睇交通情況但都係98A多
290系就太貴了, 仲貴過冇bbi搭93A轉車, 小弟搭唔起

我認為798如果真的「衰落」，很大原因歸咎將隧及大隧的擠塞，加上屯馬線通車，令將沙居民寧願轉鐵。不過我覺得新巴唔肯乘勝追擊。既然798吸引將沙居民，應該及早（特別是2014年及以前）拆線，將軍澳分為將北及將南，沙田則分為798原有路段及大圍至田園閣路段。另外加強682與798的優惠。只要完善將沙網絡，根本上九巴在呢方面很難發圍。畢竟798直達沙田站，方便過境客。這些是將馬、將埔線不能做到的。

如果798 同港鐵做$2 轉乘，我覺得絕對有得做，冇左將埔將馬將石，可做既未必太多，不過應該做番798 轉682/682B 既轉乘，起碼河東都有優惠，呢2個星期睇到d班次都正常番，希望部分客會回流

就“如今新巴失落三線的經營權，大家則希望新巴的市場加速萎縮，重現九巴在新界東的壟斷，只能說有點唏噓..."。必須承認在巴士迷世界，擁九擁城數量是旗鼓相當的。對九巴而言，難聽講句佢係財雄勢大，但從另一方面想，佢都係善用佢的優勢。要知道九巴唔係同新城有親，城巴勇奪皇后山及54區線，城巴以及城粉有無多謝九巴？固然運輸署應該協調巴士行業有良性競爭。令每間巴士公司不論規模大小都可以平穩發展。所謂大有大做，細有細做。細公司一樣可以賺到錢。而家城巴無咗B3及A線呢啲大水喉支持，但是通關基本上是遲早的事。一旦通關，分分鐘仲賺得比九巴多（因為佢有皇后山，54區以及更多新發展區巴士線，而呢啲新線唔會因為B3及A線恢復而收回俾其他公司）。講真，如果善水唔係收車收到天怒人怨，車長薪酬出奇地苛刻，令全港市民知道新城唔掂，九粉都唔會有機會嘲諷新城吧。講起「競爭」，在今時今日的香港，我覺得政府已經唔再鼓勵這些東西了，就算有，分分鐘只是扶植「友好團體」而已。

下午放工時間火炭已經可以打爆成架車，如果可以有幾班車不入沙市，直去大老山，分分鐘可以吸引到更多地鐵客轉乘，而且可加強宣傳大隧轉682去東區或將隧轉去將軍澳其他地方

有時見到九巴沙田區既情況，可能政府都要俾小小甜頭俾老九，區內線應該有錢賺，區外線就比較難攪，因為價錢牌唔算高，變左冇肉食，客量又持續流失，最慘係無論河東河西同馬鐵沿線都跌客，變左惡做，加上老九有時又無啦啦收車，同新城港島真係有得揮，最好客我覺得係288，不過呢d 價錢牌低唔會賺太多

多謝師兄咁有心機去數客同分析，睇返 798 系幾條線既客量，似乎可以有以下結論：
1.非繁搭得既客似乎對於車程同埋係咪本區直出唔係太 sensitive, 所以見到寶林/坑口/將軍澳+調景嶺 3 區既客量上車或者落車既比例都係差唔多

2. 繁忙時間，你搭果班 798A 唔知同正線前後隔幾耐，可以睇到坑口既客量明顯比寶林多好多，咁可能係因為同正線班次相差唔太遠，寶林客大多數搭返正線。不過就咁睇，798A 回程客量都唔算太難睇，如果有坑口直出既話會比依家要經埋寶林出到多d 客

3. 798B 將軍澳調景嶺客量非常難睇，有機會係因為開得太早，將廣又同正線唔同站位，實際要睇下差唔多既時間 798 將軍澳各站有幾多人上車，特別係尚德有冇人會專登等 798B 而唔搭 798

至於將石將馬將埔三條線會搶走幾多客，要睇返本身 798 起大老山轉車既客主要係去邊度。其實搭得 798 起大老山轉車或者調返轉，呢班人都已經係對價錢唔敏感，緊張價錢牌既一早就已經去左觀塘轉車，所以呢三條線開既話會搶走幾多大老山轉車客，要視乎邊條線對佢地有最方便。798 依家仲係全日線，如果三線只係開繁時一班半班，小弟唔覺得會搶到好多客。至於將來通關後既北上火車客，好明顯 798 都仲係首選啦，因為沙田區內線走直接，係火車站門口落車，另一邊將埔線仲要經埋白石角先到大埔

另外其實運輸署對 798P 去大圍開綠燈，即係開左大圍呢個缺口比屎水。如果真係要諗拆線時話，之前見過有版友既其中一個建議幾好，就係一條新線將工康城搭坑口，另一條係調景嶺將軍澳搭寶林，前者可以經沙田市中心去大圍，後者繼續依家行法去駿洋邨。咁既話 798 現有大部份既站位唔使改，調景嶺+將軍澳可以提速（雖然實際應該快唔到好多），坑口有直出，康城有新服務，可以先拆繁時，夠客先拆全日，798A 繼續留返一班半班，而 798B 可以直接摺左佢

798依家執60K死雞不知幾好

依家798都多咗興田客坐