新聞：大嶼山擬建「兩隧一橋」打通經脈

港府近年一直適度開拓大嶼山，惟島內交通配套不足，一直只是依靠東涌道貫通南北。可持續大嶼辦事處最新完成研究，提出在島內興建「兩隧一橋」，打通大嶼山的交通經脈，當中包括兩條新行車隧道，將分別梅窩連接至小蠔灣或愉景灣，以及將石壁連接至大澳道；當局又提出建造高架行車橋梁，以取代現時一段連接石壁和大澳道多彎狹窄的羗山道，為南大嶼提供替代行車路。研究亦建議改善水上公共交通運輸，以輔助陸路交通，包括改善現有萬角咀碼頭，以及研究在南大嶼海濱，如塘福、長沙及貝澳一帶，興建新碼頭設施。


詳情：https://std.stheadline.com/daily/article/2469167/%E6%97%A5%E5%A0%B1-%E6%B8%AF%E8%81%9E-%E5%A4%A7%E5%B6%BC%E5%B1%B1%E6%93%AC%E5%BB%BA-%E5%85%A9%E9%9A%A7%E4%B8%80%E6%A9%8B-%E6%89%93%E9%80%9A%E7%B6%93%E8%84%88

隧道問題唔大
但高架橋會唔會影響南大嶼的景觀？
歡迎討論

> 據了解，在作出整體性考慮後，當局認為可以建造一條新行車隧道，直接連接梅窩和小蠔灣；或建造一條新行車隧道，連接梅窩和愉景灣的現有道路或隧道，因現時愉景灣隧道還有剩餘容車量，車輛可經愉景灣隧道往返梅窩及小蠔灣。為改善羗山道、東涌及大澳的道路連接，當局亦提出建造一條新行車隧道連接石壁和大澳道，以及建造高架行車橋梁，以取代現時一段連接石壁和大澳道多彎狹窄的羗山道。

愉景灣俾區外車入？

唔係開放禁區就咪搞咁多野啦
樣樣工程都億億聲

梅窩隧道似乎直接出去小濠灣會較理想
一嚟唔需要打擾愉景灣
二嚟亦可以直接改善大嶼南北之間嘅連接
當然，出小濠灣路程上較遠，造價會相對高

石璧同大澳有替代連接係好事
到時11可能會用得到雙層車
從而改善現時單層車喺假日供不應求嘅情況
但可以再研究下用咩方式起

NA4179x賢 發表於 2022-6-14 07:54
唔係開放禁區就咪搞咁多野啦
樣樣工程都億億聲

唔搞多啲基建，點做到
1. 收買勞動階層支持嘅心
2. 名正言順嘅南水北調

梅窩至小蠔灣隧道有需要興建，始終南北大嶼之間多一條道路好過得一條東涌道

至於梅窩至愉景灣隧道由於涉及私家路問題，除非政府收購愉景灣區道路路權，否則香港興業有機會反對

石壁與大澳之間以天橋方式興建，會不會破壞景觀、影響生態？覺得環保人士有機會反對天橋方案

從衛星地圖上看，從石壁去大澳道嘅最短距直線（約1.6km）
中間有一個峽谷，所以一定是橋隧混搭；
而且預定工程範圍景觀一般，應該唔難過審。

至於小蠔灣去梅窩隧道，眾所周知愉景灣一定會反對外來車入場。
而且愉景灣南部被高爾夫球場嚴密包圍，難以開路落梅窩。
可選起點有二：小蠔灣或者白芒。（前者可以用愉景灣隧道連接路，在實際隧道口前任何位置）
另外梅窩村落密集，附近嶼南道也多斜多彎，要揾位開隧道口也有一定困難。
暫時見到最靚嘅位應該係鹿地塘村南面，相對平坦開闊而且有路去銀灣邨（開隧道時一併拓寬）。
假設鹿地塘村南面就是隧道梅窩終點，去白芒的路程會稍短，但也長達5公里。

qunow 發表於 2022-6-14 07:13
> 據了解，在作出整體性考慮後，當局認為可以建造一條新行車隧道，直接連接梅窩和小蠔灣；或建造一條新行車 ...

真係整新路駁去愉景灣﹐借佢地隧道出市區。

政府自然會同愉景灣商討﹐例如出錢買某一段路的公眾使用權。

所以﹐唔需要太過擔心此問題。

商討不成﹐新路咪唔會去愉景灣囉。
一拍兩散﹐等偷景灣都少條路去梅窩﹐繼續要坐街渡往返。

HR1377 發表於 2022-6-14 09:45
梅窩至小蠔灣隧道有需要興建，始終南北大嶼之間多一條道路好過得一條東涌道

至於梅窩至愉景灣隧道由於涉及 ...

梅窩<>愉景灣﹐這個建議是否會被居民/香港興業反對﹐都係睇下條路點走線。

如果係以愉景灣隧道出口附近做新路的接駁點﹐令到梅窩出市區的的車係唔會進入愉景灣的住宅區﹐其實對愉景灣來講﹐其實係有著數。

1. 多條路去梅窩﹐居住唔再需要限時限刻坐街渡。
開條巴士線﹐吸引遊客玩完梅窩/嶼南﹐轉車入愉景灣再銷費。


2. 佢條隧道多左潛在的收入。

hellomato 發表於 2022-6-14 10:10
從衛星地圖上看，從石壁去大澳道嘅最短距直線（約1.6km）
中間有一個峽谷，所以一定是橋隧混搭；
而且預定 ...

我想知由石壁去大澳道邊度有峽谷
你係咪睇錯哂啲等高線