獅隧改善工程環評報告

終於有齊整份EIA報告
https://www.epd.gov.hk/eia/regis ... 022/Index/index.htm

就咁睇紅梅谷燒烤場嗰邊個visual impact大到呢... 不過未仔細睇究竟份報告係點寫

要去到2034Q4？

qunow 發表於 2022-8-17 07:43
要去到2034Q4？

預計25年第1季開工﹐即是工期大約係9年半至10年。

要整完一條全新隧道﹐才可以做現有其中一條的擴闊工程﹐工序上不能重疊。
新隧道又要提供4條輸水管﹐都係增加時間的因素。


按路政的工程圖說明﹐仲有窩打老道映月台一段北行﹐都會有擴闊工程。九龍方向落龍翔道觀塘方向支路。
沙田一邊﹐由新田圍村去到隧道入口﹐2個方向都會做擴闊。

全部野加埋﹐9-10年我覺得都係合理的。

kei_hk 發表於 2022-8-17 16:27
預計25年第1季開工﹐即是工期大約係9年半至10年。

要整完一條全新隧道﹐才可以做現有其中一條的擴闊工程 ...

t4會否同時動工？

99MAN 發表於 2022-8-20 04:39
t4會否同時動工？

份報告預T4會早過獅隧完工

我一直都好唔明, 起一條三管北行, 另外兩條變晒南行咪得
點解又要用多D時間擴闊其中一條管道再將另一條管變做水管隧道?
舊隧道的確要重建, 問題係擴闊同重建工程量都差幾遠
搞十年先增加一半容量...

Toz 發表於 2022-8-28 18:07
我一直都好唔明, 起一條三管北行, 另外兩條變晒南行咪得
點解又要用多D時間擴闊其中一條管道再將另一條管變 ...

個人推測 :

新建3線行車的隧道是位於2條隧道中間﹐報告入面好似講左係最短的。

另外﹐獅隧九龍出口2邊都係配水庫﹐可能係技術上比較容易﹐減少影響其他設施﹐減低工程風險。


當確立新隧道位於現有2條隧道中間﹐係一個不二之選後。

佈局就會係 2 + 3(新) + 2 ﹐這樣就做唔到2邊同時都係3線行車(除非中間新隧道做單管雙程行車)。
另外﹐仲會有其中一條線會屈曲去另一隧道﹐車流會減慢。

結果﹐就得唔到最佳的效果。


最後﹐政府都表明獅隧狀況其實幾差的﹐繼續維修會越來越困難(針對日常晚上封管道)。

其中一條話就話做擴建﹐實際上都係拆晒現有隧道結構﹐去到天然石層﹐再進行擴闊﹐重新做一個隧道結構。
變相﹐同一條全新的隧道相同﹐全面解決舊隧道的嚴重老化﹐令到維修困難的問題。

所以﹐點都係要大攪其中1條舊隧道。
於是就得出現時方案﹐1條全新﹐1條舊隧道做擴闊。
最終成為2條各3條行車線的相連的隧道 + 1條備用隧道(現時沙田方向)。

Toz 發表於 2022-8-28 10:07
我一直都好唔明, 起一條三管北行, 另外兩條變晒南行咪得
點解又要用多D時間擴闊其中一條管道再將另一條管變 ...

樓上位磚家真係勁，長篇大論完都係不著邊際

無論係對上一個方案（新建一條雙線隧道，並擴闊現時兩條管道至最新闊度標準），
或最新方案（新建一條三線隧道，並擴闊現時南行管道至三線，現時北行管道備用）
其中一個重點係增建跨管逃生通道，以滿足最新消防要求。

剩係起一條新三管隧道，另外兩條唔郁的話，
就滿足唔到呢項消防要求，可以即時打靶。