[2022 歐洲行] 回港了 - 土耳其航空 TK1786 + TK70

經歷過依兩個月係外國一個人既生活，係時候要返香港啦
搭地鐵 M2 線去到哥本哈根機場，我個邊出發唔洗轉車


到機場，TK 係 Terminal 2 (Terminal 3 係 SAS 主場，多數其他公司都係 Terminal 2, CPH 無 Terminal 1)，打算試下 check-in 失敗左，搞退稅同食飯先




Check-in counter, 排左成粒鐘



過 immigration 後 duty-free shop, 丹麥名產




買完野其實都差唔多夠鐘，即刻去過關，但邊檢人員對我留成兩個月有啲疑惑，最後知道可以就放我過，同時都收到下一程機 delay 既 SMS 通知


TK1786 CPH -> IST
執飛航機：A321neo TC-LTC
預定 boarding time 部機先到




新 cabin 黎，連個 mon 都係 touch-screen，不過冇左腳踏









Flight path


Mood lighting



飛機餐，有雞同通心粉（同 TK70 返香港個程一樣），應該 IST 回頭餐黎


泊 outer bay



[img]https://live.staticflickr.com/65535/52295150507_73e73df1ee_k.jpg[[/img]


Delay 了的 TK70...... 要諗辦法度過依五個鐘.......


當晚一共有五班機都係咁 delay 法，terminal 人頭湧湧，唔少人走去 service counter 查詢，有開放 lounge 比有小朋友既乘客，有啲人嘈兩嘈竟然有水同三文治拿










幾得意，影張先


TK lounge 係離境層最頂，有得睇冇得入


行左陣，買左啲手信孝敬屋企人之後，決定去 Starbucks 買啲嘢飲坐低抖下



0450 出左 gate number, 返去叫醒同行同學之後一齊行過去



去到 gate 已經大排長龍....... 都排左大概半個鐘先輪到我地，keep 住都有七八十人排隊
職員逐個逐個人手 check 之後影相落電話做紀錄




之後發生一幕非常驚險既情況：同行有位同學係香港轉華航返台灣，但香港機場要求行李一定要跟人 transfer，結果 TK 地勤唔肯放行，要問香港華航先
結果即刻幫佢打去華航問，華航唔肯，同 TK 都係屬於 *A 既長榮就肯幫佢 transfer 個寄艙行李，即刻叫同學訂張 refundable 既長榮機票同埋不停搵 backup plan (香港檢疫酒店、IST 直接返台灣既機票......)
好彩最後關機門前一刻，香港華航肯幫佢 transfer 件行李，上到機....... 真係嚇死
好彩因為太多人排隊，都叫有一個鐘時間處理
班機亦都因為 check 文件 check 太耐 delay 多一個鐘，變 delay 5hrs

TK70 IST -> HKG
執飛航機：B77W TC-JJJ (謝板友幫手查返)

見到同學成功上機，真係鬆一口氣






早餐，冇得揀


FA 要求所有窗口位乘客拉遮光板，同時調暗燈光，應該係比啲客調節 jetlag

之後就昏迷左...... 冇訓成日又岩岩處理完突發事件，好攰

起身見到 mood lighting





晚餐（原本既午餐）：雞同通心粉，感覺上通心粉好食啲


去埋個廁所




返到香港，橫風橫雨










落機，冇諗過個 Business 竟然係 Regional 款 2-3-2


搭 APM (返回線，姐係得兩卡車個條線) 去中場撩鼻 (x3) 撩喉嚨 (x1) 再拿檢疫令









搞完都距離落機 2hrs, 最耐係排拿檢疫令
之後再搭 APM 去入境、拿行李同上巴士去檢疫酒店，上到巴士距離落機 2.5hrs/降落 3hrs










去到檢疫酒店，距離降落 4hrs....... 凌晨三點，沖完涼食個杯麵就訓

後記：
回程反而對 TK 有啲失望，除左 TK70 遲五個鐘之外，仲有覺得 cabin product 好似都幾舊下......
冇去程咁 surprise 同 rate high

Overall reflection:
依兩個月對我黎講都算係一種歷練，始終我第一次離開香港咁長時間，又未住過宿舍
外國既教育系統真係同香港好唔同，好講求自己問問題、自己諗辦法、自己 seek assistance、自律學習，好著重 in-class interaction，甚或可以見到 professor 同學生爭論，好似街市買餸咁，同香港既咩都比晒你真係南轅北轍。如果各位後生既板友有機會既，真係應該去一次 exchange，雖然係 CV 上未必咁 valuable，但一定係令你難忘、多得著既 life-long experience
要同成班同學一齊去旅行，要令每一個人都滿意其實都唔係咁容易，特別係去一個你從未去過既地方，網上又未必好多資料，大家又有唔同既期望，但自問自己都盡左力去做
雖然我係個交通迷，但自問歐洲既交通（包括：航班延誤、取消、唔見行李等等）真係令我大開眼界；雖然都知道要點做，但實戰起上黎都真係有啲 challenge! 北歐其實已經算好啲 haha~


感恩今次歐洲行都叫去到大部分想去既地方、想搭既車，慶幸見到好耐冇見既老師、同學，要相聚、夾到真係唔容易
多謝每一位同我傾、陪我癲既朋友，如果有咩做得唔好都希望各位多多包涵、指教
都希望未來一切順順利利，無論短期或者中長期既目標都可以達成，不論學業事業或者其他野都可以有成就~ (KK dorm 既各位: 我會努力唔會令你地失望 ga! )
遲啲會逐步 upload 返歐洲境內既火車、巴士同 flight reportsss, stay tuned!

多謝分享。TK A321neo 內籠真係好正，新 IST 亦好靚。

想知道上機前 PCR test 係咪唔一定要展示 paper copy，電話屏幕 electronic copy 都可以？

呢個暑假，基本上成個歐洲同美國航空業都係亂七八糟，武肺後各大航空公司裁減人手，而家應付唔到乘客暴增，咪咁囉⋯


1000% 同意最後果兩段。十幾年前我 undergrad 果陣，去美國加州某大型公立學校 exchange 一個學期，當年香港慣左用 powerpoint 教書，去到美國原來係教授直接喺黑板寫 notes，學生要自己執生，唔再係畀人餵飯食；然後教授鍾意教得有幾深得幾深，自由度好大，咁先至真係學到野。

但大開眼界又何止呢樣？學生自發活動，搞組織、搞示威、派傳單，一手包辦；對社會議題的論述與說服力，比起當年香港學生，實在高幾班。當日見聞令我深深感受到，民眾力量，可以帶來改變；亦徹底改寫我的世界觀。

如果有機會的話，個人認為去一個學期甚至一年 exchange，會比起去 summer program 更佳。


出到去，會發覺呢個世界好大，唔係淨係得香港。共勉之。

S3BL100 發表於 2022-8-20 21:04
多謝分享。TK A321neo 內籠真係好正，新 IST 亦好靚。

想知道上機前 PCR test 係咪唔一定要展示 paper cop ...

PCR 個個，係，同行同學拿 ecopy 都過到關
但每間公司唔同，同埋有時都會遇到啲 unpredictable 既情況（例如：IST free Wi-Fi 得兩個鐘），所以小弟都係拿返 hard copy 以防萬一

最後個兩段，只能講「家家有本難念的經」
其實去 exchange 一路都係小弟既心願，由中學開始已經有既諗法，當然 semester exchange 係最好啦，但的確小弟係 undergrad 期間遇到一啲事，甚至可以話係我人生中既低潮，連朋友都唔係好想見
But anyway，依個 summer programme 都可以話係小弟既「安慰獎」，有機會當然想再去多次（我又冇咩大 preference 去邊），更加深入體驗唔同地方既文化（我覺得佢哋嘅考試方式唔會話框死答案，變相唔會抹煞每一個同學係考試卷寫落去既野，其實係好事）
小弟都好慶幸得到幾位貴人相助，仲有屋企人同朋友既支持，先有機會去到今次既 exchange，可以話係小弟既 game changer，亦令我相信「堅持努力不懈，希望就在眼前」，藉依個機會多謝佢地一路以來既支持（雖然佢地應該睇唔到haha）

UTC time..應該就係樓主個部
其實十幾日前個機編唔難搵既

mingfai31 發表於 2022-8-21 05:12
UTC time..應該就係樓主個部
其實十幾日前個機編唔難搵既

免費通常7日，幫樓主查過，啱啱過咗

近年坐飛機，覺得舊的座位大都比新的座位好坐
TK 的延誤處理算可以
你報了 EC 261 拿錢未?

cruisesnet 發表於 2022-8-21 02:14
免費通常7日，幫樓主查過，啱啱過咗

有個免費嘅網叫flightera.net ，2018下半年嘅機都睇到👍

對樓主三個report的整體comment：
—真係好耐冇去機場，香港登機閘口頂改用彩芒顯示、海外HSBC廣告改變配色我都尚未有幸親眼目睹。
—無論邊隻機型、是否廉航，前排座位之間條「斜撐」真係好阻埞，搞到好夾腳，唔知將來會唔會有改善。
—TK去程晚餐有兩個沙律，份量睇落都唔錯。整體上似乎去程兩個餐好過回程。
—香港入境仍然好煩，幾廿樣文件排幾廿次隊真係人都癲，唔知到11月會唔會再放寬。

我都因為曾經去過德國個半月而對人生有另一番體會，趁年輕擴闊眼界點都係好事。
我個人就唔只「趁年輕」，幾時都想環遊世界。

yuenpo 發表於 2022-8-21 13:14
近年坐飛機，覺得舊的座位大都比新的座位好坐
TK 的延誤處理算可以
你報了 EC 261 拿錢未? ...

咦，我依個case 都 applicable 拿 EU261？
因為我查過土耳其唔算 EU，而土耳其本身有個類似 EU261 既航空例，但係唔包 flight delay compensation

DIH 發表於 2022-8-21 15:20
對樓主三個report的整體comment：
—真係好耐冇去機場，香港登機閘口頂改用彩芒顯示、海外HSBC廣告改變配色 ...

幾時都想環遊世界 🤣🤣🤣 hahahahaha

係，唔知點解覺得去程好似好過回程，可能個餐、去程 TK71 隔離無人坐、個陣第一次搭 TK 都有關係

啲 requirement 係幾煩，不過嗰陣已經搭咗咁耐飛機，冇晒反應，只想快啲上床瞓覺