有無人覺得608九點後走線好多餘?

自從608延長至筲箕灣後，星期一至五九點後同星期六、日都要停宏通街，然後經常怡道、宏照道上觀塘繞道。問題係宏通街呢個站係比邊D人用?對於九龍灣商貿區黎講個站太邊皮，無乜人會願意行一大段路過去。對於MegaBox黎講608收費太高，沿途都有更平既替代服務，去MegaBox既人都慣左常悅道落車行過去，更何況土瓜灣下路近排都有22M，就算要由果度去東區都坐606或者接駁巴+地鐵啦

根據我幾次觀察都無見過608停宏通街，常怡道同宏照道既十字路口都成日塞車，唔好彩紅燈既話又要等多幾分鐘，白白咁浪費左好多時間，點解唔全日啟福道直接上橋?

未加站已經覺得個建議多餘, 以為雙向megabox都有站, 客會明顯多啲, 但又唔理常怡道成日塞車, 影響班次穩定, 仲有啲人以為會食埋606啲東區客, 根本繁時先出到可觀客量嘅商貿區, 一日會食多幾多客成疑.

以前日中東隧轉車去東區, 608係早啲到站, 而家經常同606 613一齊嚟, 結果最早到站就食到班客.

城巴想攞埋megabox停車用觀繞特快過去北角嘅客，懶理路口塞車問題。78X去皇后山方向一樣經呢個塞車路口。

前個星期日下午坐 608，宏通街有客。

下繁可以排幾十人既
就算非繁一班都有幾個上

不過停埋依個站，至少耐三分鐘，重則八分鐘十分鐘都有

咁想改走咪搵人mark數囉，數幾個星期，將完全零上落嘅時段改行原路囉。一味講車程，又唔講上落人數，不過九商最塞車嘅時段就係最多人上落嘅時段，你都改唔到啲乜嘢。同埋608九龍服務範圍已經一般，連出到客嘅megabox都改走埋，咁人哋唔使做生意？屎水同你有仇？

可以嘅話，我想608跟606行完Megabox上東廊添😂😂😂

608改唔經鯉景灣的機會大過唔停宏通街

limited 發表於 2022-8-24 23:02
608改唔經鯉景灣的機會大過唔停宏通街

608 鯉景灣落客的機率不比宏通街上客低。

ccicoltd 發表於 2022-8-24 23:05
608 鯉景灣落客的機率不比宏通街上客低。

純按樓主邏輯, 可以坐返606, 608同2A/77/99又有免費轉乘
唔好彩紅燈既話又要等多幾分鐘，白白咁浪費左好多時間，
為呢兩個站兜多3-5分鐘似乎都係「多餘」