乘客角度唔係免死金牌,唔通乘客認為黃埔下個站應該係炮台山就真係起到過去炮台山咩?
荒山野嶺起通勤用嘅鐵路,畀你起好(仲要唔延誤唔超支)都蝕到破產,車都無得你搭仲講咩「公共事業」、「社會投資」
就算真係要鐵路「凌駕」巴士,直接指派鐵路公司做接駁車已經解決問題
深井同西貢條線一半地方人口密度都係低嘅,就算真係畀你起都唔洗起咁多個站
小西灣條線直情好似自己打自己咁
成個建議得屯門南延東涌係叫正常少少,坦白講邊有討論空間
仲有,睇D定線嘅走向,就算畀你起到,果D轉乘站(eg 葵興、荃灣、荃灣西、青衣、南昌、旺角、牛頭角、油塘、錦上路、大水坑),一係要由天台走到地底做轉乘,一係就鰂魚涌、九龍塘式轉乘,轉得嚟搭原本條鐵路甚至搭巴士都已經到咗
同埋,大和-富亨-白石角果度,你兜去富亨又點屈返落去白石角,停得白石角又停乜嘢大學?