電動巴極限

電動巴潮流基本上不可逆轉
但巴士公司仍處於三心兩意階段
想買電動巴又想試氫能巴
連隧道唔批就揀唔駛經隧道既線行氫能巴為由

根據HK01近日一篇專題報道

城巴表示電動巴基於電池限制
最多只能每次行走300公里不足應付日常需要
而氫能巴續航力及充氣時間亦較電巴優勝

而氫氣車最大問題是安全問題
文中有兩個方向
包括研究氨氣
另外教育大眾正確認識氫氣=/=氫彈

城巴話2027年就會大規模電巴
得返5年時間就要決定都無得好似以前咁試黎試去

朋友最近在伙記間吹水, 有某工程師講開行電個架唔得, 行氫個架都係唔得, 夾硬用又吹到架車好勁一定可以, 營運及實際落地時, 可靠及耐用程度與油渣相比, 係完全無得比.
  
佢地自已傾開, 歐三+歐五 Cumminus, 及歐五 B9 車頭係最可靠, 家陣上到歐六 Cummins 及 B8 好多小問題, 唔係成熟產品又大量使用做死後防.

唔係電動車不能逆轉，而係放棄石化燃料汽車本身係西方國家，以至歐盟共識。
要如何達致2050年歐盟目標，即停產石化燃料車輛呢一度，對歐洲好多車廠黎講都仲係搵梗方向。


咁你要搵替代能源，電能只係其中一個比較通用嘅方法。而且，當眼前歐洲發覺能源問題上俾俄羅斯脅迫得咁犀利時，長遠而言又會唔會令佢地自己對內嘅國策上，加快新能源車輛嘅研發亦冇人知。


而今日距離2050年有大約27年嘅時間，其實講梗嘅係一兩代車之後就到。

所以你見近呢幾年歐洲車廠動作多多，應該要聞到味。

tridents 發表於 2022-10-25 00:58
朋友最近在伙記間吹水, 有某工程師講開行電個架唔得, 行氫個架都係唔得, 夾硬用又吹到架車好勁一定可以, 營 ...

現在新公司營運方針除了節省成本，還有推廣新能源巴士，對他們來説是一定要做。

估計他們想著初期要磨合，只要逐步調校就問題不大，所以才這麽有信心。

da93 發表於 2022-10-25 01:12
唔係電動車不能逆轉，而係放棄石化燃料汽車本身係西方國家，以至歐盟共識。
要如何達致2050年歐盟目標，即 ...

未搞得掂雙層冷氣巴同商用重型車

ccchhhuuunnn 發表於 2022-10-25 02:02
未搞得掂雙層冷氣巴同商用重型車

平治等研發梗e-truck，但相信要一段時間。

而且，歐盟仲未建立到一個好清楚嘅規格

唔似得柴油車，佢有一個完整嘅指引可以參考。

而且，就算話Tesla如何成功都好，始終佢係美帝產物。

其實氫氣等同石油氣, 極易燃及當遇上火種會發生猛烈爆炸, 所以我經常諗起`現時使用中的石油氣的士及公共小巴, 假如遇上嚴重交通意外車身起火, 後果可能不勘設想! 言歸正傳, 要電動雙層巴士在香港普及使用, 只要解決以下幾點就可能:

1) 每叉一次電, 續行力要達 500 公里或以上, 就可以行走大部份全日路線 ;

2) 每次叉電時間在十五至二十分鐘內 ;

3) 巴士載滿客(包括企位), 上山下海及跑公路仍可來去自如 ;

4) 加強電池的耐用性及壽命 ;

5) 巴士引擎及電池可以克服香港比歐洲國家更漫長及更炎熱的夏季

PC2625 發表於 2022-10-25 03:00
其實氫氣等同石油氣, 極易燃及當遇上火種會發生猛烈爆炸, 所以我經常諗起`現時使用中的石油氣的士及公共小 ...

咁事實上的士咁多嚴重意外亦冇乜點聽過話撞到起火

反而堆mk 車就久唔久燒死人

其實氫氣車拎去行 50，55，56 ，56A 咪算55 改行荃灣路都無事啦

東北就周圍都隧道唔使諗
唔通叫 79X 行大埔道咩

港島就成個北岸同薄扶林道既線都用得
其實都好唔錯架啦
但係就會影響到派車

如果做到 12.8 米新能源車其實係補償到本身用多左空間既問題既