港鐵交待市區綫列車及訊號系統更新進度及時間表

港鐵在今日下午的記者會中交代市區線 93 列新列車（中車青島四方市區綫願景列車, Q-Train）共耗資港幣 60 億，新車投入服務的次序為 #觀塘線、#港島線、#荃灣線 及 #將軍澳線，全數新車預計於 2028-29 年投入服務，並暫時沿用現訊號系統。新車有 6 大新設計，其中一個新設計為每排減少 1 個座位以擴闊車門通道，相關設計曾於屯馬線國產列車使用，引起不少乘客爭議。

而新信號系統 Advanced SelTrac CBTC 的硬件工程已大致完成（荃灣線已完工、其他三線 >90%）。不過軟件方面，港鐵決定改為採用承辦商 Thales 及 Alstom 所建議的「軟件核心標準產品及配置」，在海外鐵路已經使用的標準軟件上外加為港鐵而設的必須功能，不再採用特別設計的非標準及獨特的訊號系統結構（包括中環站撞車事故中出問題的備用電腦系統）。有關方案已由第三方顧問證明計劃可行，預計 2025 - 2026 年於荃灣線開始正式更換，其後以「一年一線」推展至其餘三條市區線，期望可以應付 2031 年後的客量增長。



參考資料：
2019年中環站事故調查結果 - 港鐵新聞稿
2019年中環站事故調查結果 - 機電工程署調查報告

慢過東鐵MFO大把

去到28/29年即係平均一個月換1-2部？？

又拆位，然後扶手同吊環扶手擺位差過而家
扶手擺位最好都係IKK，然後係韓國東鐵，之後係市區非願景車同東涌線，最鬼差係屯馬長春，位又少，吊環頂頭，企柱增加做成更多柱男柱身女又唔願行入去

係唔係暗示最初到港的一批車﹐唔需要改裝現有舊訊號系統﹐一直擺到去荃灣線做新訊號系統測試/正式上線後﹐便直接投入服務?

rickywk 發表於 2022-11-22 20:50
又拆位，然後扶手同吊環扶手擺位差過而家
扶手擺位最好都係IKK，然後係韓國東鐵，之後係市區非願景車同東涌 ...

前KCR 車及MTR的車﹐又唔可以直接比較。

主因係車窗位﹐KCR 係窄過MTR的。

唔想門神位突出車門阻礙乘客上落車﹐就係cut走一個位﹐令到門神位縮入﹐就唔會突出車門阻礙上落。
屯馬線的國產車﹐真係做到此效果﹐我係buy的。

只不過﹐KCR車的設計係車窗位窄﹐由4人變成3人﹐就真係相當難睇。
但係MTR就由6位變成5位﹐雖然都係少了1個位﹐但係就無咁難睇。


至於日本車﹐扶手擺位我就唔覺好好。
人夠高未必察覺到唔理想﹐矮小的人唔夠高用吊環就......﹐唔夠MTR車咁多直柱可以渣手囉。

kei_hk 發表於 2022-11-22 21:41
前KCR 車及MTR的車﹐又唔可以直接比較。

主因係車窗位﹐KCR 係窄過MTR的。

擴大門神位實際根本對上落無幫助，因為道門無大到，個人唔肯郁，企正中間，你拆晒所有位都解決唔到件事。

做大門神位只係紙面數將可企面積增大，然後谷大紙面上可載客數字去壓低乘車率，但若果你問我呢幾年日日坐豚馬長春車，其實係上得更少人，上落唔方便更易撞到人同柱

kei_hk 發表於 2022-11-22 21:30
係唔係暗示最初到港的一批車﹐唔需要改裝現有舊訊號系統﹐一直擺到去荃灣線做新訊號系統測試/正式上線後﹐ ...

之前業績報告話過鐵路公司
「會分階段為93抽新車裝SACEM系統」噃⋯

rickywk 發表於 2022-11-22 22:50
擴大門神位實際根本對上落無幫助，因為道門無大到，個人唔肯郁，企正中間，你拆晒所有位都解決唔到件事。 ...

立柱同櫈邊條柱平行咁滯 企4個人已經足夠塞住條路行唔到入去扶吊環

s20131417 發表於 2022-11-22 23:13
之前業績報告話過鐵路公司
「會分階段為93抽新車裝SACEM系統」噃⋯

有咩咁出奇 你公司啲計劃永遠都千變萬化 東鐵MFO已經有前科 話改就改