建議專線小巴103加開將藍隧道支線103X

為配合將軍澳藍田隧道及跨灣連接路通車
建議專線小巴103加開將藍隧道支線103X
同時方便環保大道居民往返清水灣及觀塘碼頭一帶

觀塘碼頭開：經觀塘碼頭通道，偉業街，迴旋處，偉業街，茶果嶺道，藍田交匯處，將藍公路，環澳路，環保大道，昭信路，坑口道，清水灣道及大坳門路。
清水灣開：經大坳門路，清水灣道，坑口道，昭信路，環保大道，環澳路，將藍公路，藍田交匯處，茶果嶺道，偉業街及觀塘碼頭通道。

觀塘碼頭開：每日0600-2200
清水灣開：每日0620-2220
班次：20-30分鐘一班

全程收費：$10.40
雙向分段：
觀塘碼頭至將軍澳醫院 $6.60
環澳路至清水灣 $9.00
昭信路至清水灣 $6.60

環保-觀碼有797, 環保-清水灣如果有需求的話, 叫103M開支線做將工/未來137區就得, 無需出埋九龍.

依家條103都隨時甩到有緣人
仲開多條103X？

小巴本身已經唔夠司機唔夠車，仲想增加里數拆爛個班次？
另外，新巴797變咗透明？

我覺得專線小巴103應該加開特別班次往返布袋澳，於星期一至五上下午繁忙時間及星期六、日及公眾假期服務，便利市民大眾前往布袋澳一帶郊遊，同時方便布袋澳居民往返觀塘市區及觀塘碼頭、西灣河一帶。

現時康城區人去清水灣係要坐的士，車費和轉車相差不遠，真係要小巴的話，應該分冬天/夏天線，冬天開條30分鐘一班，將軍澳匯豐大廈至清水灣郊野公園循環線，夏天此線就係將軍澳匯豐大廈往返大清水循環線，雙向途經康城站，叫16號個間做，起馬車多好多，週六、日、假期服務，車輛從17M因應假日用車減少而來，夠客就開20分鐘一班。行將藍就冇乜意思啦。

LauCT 發表於 2022-12-1 18:38
我覺得專線小巴103應該加開特別班次往返布袋澳，於星期一至五上下午繁忙時間及星期六、日及公眾假期服務， ...

布袋澳其實16的班次，開10分鐘一班就夠晒，那個總站停左一部車，就唔太夠位調頭啦，搵兩條線去就一定鬧交收場

JX9097 發表於 2022-12-1 14:47
依家條103都隨時甩到有緣人
仲開多條103X？

應該係直接將架103改經將中，然後行將藍去觀碼，咁會順路過而家行將隧。

cx838 發表於 2022-12-10 21:24
布袋澳其實16的班次，開10分鐘一班就夠晒，那個總站停左一部車，就唔太夠位調頭啦，搵兩條線去就一定鬧交 ...

所以103布袋澳特別班次開得成嘅話，班次唔可以太密

AE367 發表於 2022-12-10 21:28
應該係直接將架103改經將中，然後行將藍去觀碼，咁會順路過而家行將隧。 ...

其實冇話順唔順路嘅, 改經將藍順路即係取消晒觀塘其他站位, 除左下繁同假日個別班次總站打爆之外, 冇可能唔靠油站/觀塘站 泳池 警署吸客.

就算總站打爆的班次, 直上繞道入將隧, 同茶果嶺道入將藍, 基本上分別唔大, 將藍分薄將隧車流後, 將隧落景林邨同將藍經寶順路落景林邨, 後者喺茶果嶺道有燈位, 如果有車停泊左線, 更只是單線行車, 簡單啲講就係將藍可能更慢.