2024-25年度已公佈的巴士路線計劃
[2014/2019 舊相] Llanberis 隨攝
本帖最後由 JH_LE4612 於 2023-1-2 09:11 編輯 踏入2023,先祝各位版友新年快樂,身體健康,去牛河去旅行去移居嘅都旅途順利! 長假期又係睇翻舊相嘅日子,有時揀相 post 都係想揀啲有回憶又冇太多人 post 過嘅地方。今次主角係 North Wales 嘅一條村仔 Llanberis。 深山中嘅 Llanberis,配套唔多,但偏偏有唔少景點。最為人所知嘅應該係呢兩個: 水力發電站 Dinorwig Electric Mountain (滲少少2014年第一次去嗰陣影嘅相),如果想入去參觀就要搭佢地嘅巴士,14年就係用呢架 Plaxton Primo,共兩架。 到 2019已經變左呢款 Citroen FlexiLite。 另外就係 Snowdon Mountain Railway,太出名所以唔介紹太多住,始終巴版就唔貼太多鐵相。 比較少啲人知嘅就有 Llanberis Lake Railway,遊湖小火車。 為左貼題,加翻幅小火車門口嘅 Dart 仔,同樣係 2014年嘅留影。不過留意呢間公司 Padarn Bus過多一個月度就摺埋左。 至於點解 Llanberis 咁出名,主要係因為佢位處 Snowdon 嘅山腳,而 Snowdon,正正就係全 Wales 最高嘅山,頭先提到嘅 Snowdon Mountain Railway 都係用嚟登頂嘅,所以好多遊客都係嚟行山嘅。 火車係由西北面攻頂嘅,但都有唔少人經東北嘅 Pen-y-Pass 行上山。至於由 Llanberis 衝上海拔 365米高嘅 Pen-y-Pass,係有得搭巴士嘅! 巴士地圖: 冇錯,呢架前倫敦嘅 DAF DB250真係會上山,仲上埋廣告 - 即係佢係上山線嘅掛牌? S2 都上山,用 Optare Solo SR。 村入面嘅其他線,Gwynfor Coaches 似乎主力係 E200。 雙層上山咁神奇,即管會下佢。 內籠仍然保留 Arriva 設計。 跟住十五分鐘基本上都係山水間穿插,掛住拍片所以 snip 翻少少景色出嚟,抱歉當日有啲雨所以唔係太清,但巴士好好力,所以都好滿足。 當日嘅 S1 上到頂就會 u-turn 落翻山翻 Llanberis。隔離係 Pen-y-Pass YHA Hostel。 企上山坡影落山,仍然覺得用雙層跑山幾黐線。 轉個頭,有去另一個方向 Betws-y-Coed 嘅 S2 E200。 抱歉變左情景相簿,但真係幾適合。 過左陣,搭翻另一個方向嘅 S2落 Llanberis,係頭先見過嘅 Solo SR。 會合翻去左發電站嘅朋友,就搭 88 出 Caernarfon,都係頭先見過嘅 E200。 Caernarfon Bus Station,Gwynfor Coaches 嘅集中地。 附送翻 Caernarfon 靚靚嘅 Welsh Highlands Railway Station,服務 Heritage Railway 但站體比大多現有車站都新。 所以,如果大家下次去 North Wales 玩,強烈建議大家唔好淨係玩海邊,因為深山嘅村仔都可以有唔少驚喜!
Advertisement