轉載 — A4聯盟率團訪深試乘雲巴 冀港府研究引入綠色能...
看全部
立法會A4聯盟今日率團到訪深圳市坪山區，行程重點之一是考察「雲巴」系統。立法會議員楊永杰期望，「雲巴」能對啟德跑道區建設集體運輸系統，提供新思路。
雲巴是比亞迪自主研發的綠色智能低運量運輸系統，最高運行速度可達80公里/小時，由動力電池供電，爬坡能力強，最大坡度可達12%，適應各種複雜地形。考察團成員希望政府可積極研究有關技術，在香港引入各類綠色能源運輸，進一步推動智慧出行。
楊永杰表示，雲巴可以建設在高架上，只需2米寬道的建造空間，佔用空間不多，十分適合香港擠迫環境應用，而且未來成本可壓縮至1億人民幣，性價比極高。他認為，這款空中交通軌道，或能破解區域交通痛點，指目前地鐵造價較高昂，建議政府參考內地的鐵路系統運作，應用至「三鐵」鐵路發展項目，甚至引入內地的製造商及營運商。楊永杰亦期望，雲巴能對啟德跑道區建設集體運輸系統，提供新思路。
https://topick.hket.com/article/3477123/【交通系統】A4聯盟率團訪深試乘雲巴%E3%80%80冀港府研究引入綠色能源運輸?mtc=10012
=========================
如果用雲巴取代啟德單軌得唔得？按比亞迪嘅資料，雲巴建造成本較便宜，爬坡、最小半徑都比單軌好，適合於市區穿梭，話唔定可以解決單軌嘅技術問題。我建議走線唔需要夾硬駁去觀塘站，由九龍灣沿偉業街入勵業街駁去牛頭角站，已經可達至分流效果。
Advertisement
回帖數目：25
係整嘅話，成嚿打包做一個九龍版嘅輕鐵系統，一次過清走哂市區流水線，對塞車幫助更大。
云巴無接觸網同供電軌，好似電能巴士咁馱住大大舊電池行，好易無電罷街。
建造根本唔比單軌簡單
有固定路軌，但又唔供電，永世帶住舊有壽命既電池
依啲唔叫多舊魚，係多好多舊電
Advertisement
引用: slsso 發表於 2023-3-8 15:59
建造根本唔比單軌簡單
有固定路軌，但又唔供電，永世帶住舊有壽命既電池
無供電網已經少樣嘢煩啦，唔知佢訊號邏輯係點，如果係單靠自動駕駛系統而無軌道訊號，條路軌可能只係一對石屎樑。
反而佢站距咁密，用電池而唔用電容，就真係哂多咗時間差電。不過，髀罅滴最出名係電池，又無理由唔玩大佢。
呢套嘢最大賣點係自煮燃發，同爬坡力好，前者政治正確，後者對山上居民而言係幾吸引。
太天真，車站快充對電網要求高，搞得黎同起單軌拉埋電無分別，仲少左變壓站可以同車站分開既彈性
爬坡能力好？咪又係膠輪，同APM/單軌無分別
架架車拖舊電，知唔知電幾重？知唔知冷氣幾食電？
依啲野真係得啖笑
…雲巴即係用電池嘅高架有軌電車，正經俾返電車公司起咪得
Advertisement
引用: slsso 發表於 2023-3-8 09:40
太天真，車站快充對電網要求高，搞得黎同起單軌拉埋電無分別，仲少左變壓站可以同車站分開既彈性
爬坡能 ...
啱呀，電車要拖舊電就係想週圍去。
又或者係段路軌起佐十世，但本身無電網嘅權宜之計。
本身要起專屬軌道但唔整埋供電，咁我不如畫條巴士線算數？
就咁睇相，深圳個個都係人才骨格精奇，可以飛天遁地跨越任何障礙。
而南深圳要整多條逃生通道先至啱駛。
計下計下其實同既有系統無乜分別。
聽聞條路軌由於唔洗拉電，所以可以用預製組件，建造時間短好多，對於係市區現有路面上施工會方便唔少
本帖最後由 Toz 於 2023-3-8 23:23 編輯
以唔夠位為原因起單軌，消防都會以唔夠位救援為原因ban左佢
巴士就巴士啦，係都要整條軌出黎做乜
Advertisement
直達主要分板：
(B2) | (B3) | (B5) | (B0) |
(R1) | (R2) | (R3) |
(C2) | (C3) | (M1) | (V) | (A10) |
香港鐵路 (R1)
