建議九巴251B更改服務以開辦新線64八鄉路—梧桐寨(循環線)

接駁大欖隧道巴士轉車站與錦田公路的九巴251B，受限於沿途通勤需求量低，居住人口亦遠低於錦上路，部份路段另有九巴54和77K提供往返港鐵錦上路站、元朗市，以致客量低迷。

建議九巴更改251B周末及假日服務，日間班次延長至梧桐寨，以便遊人利用大欖隧道巴士轉乘網絡前往著名景點嘉道理農場和梧桐寨瀑布群，同時照顧到原有錦田公路乘客。

建議往返梧桐寨的班次使用另一個路線號碼64，以作識別。


詳情

251B 八鄉路—上村(循環線)

逢星期六、日及公眾假期之服務時間更改如下

八鄉路開：
05:30-07:50及18:50-01:20（每25-30分／班）

其他服務細節維持不變

64 八鄉路—梧桐寨(循環線)

只在星期六、日及公眾假期提供服務

八鄉路開：
08:00-10:40（每20分／班）
10:40-14:50（每25分／班）
14:50-18:30（每20分／班）

收費：
全程 $8.9
八鄉路往上村 $6.2（須以現金支付或於下車前以同一電子支付方式再次輕觸收費器，適用於轉乘51往荃灣）
八鄉古廟往八鄉路 $6.2

路線轉乘計劃：
轉乘優惠條款以251B為基礎，往返八鄉路與上村甫、黃竹園、凌雲寺、嘉道理農場、梧桐寨需多付$2.7，最高連續轉乘次數為2。（轉乘龍運A線除外）
乘搭往梧桐寨之班次時，於上村或之前下車的乘客，須以同一電子支付方式再次輕觸收費器，方可享用該優惠額。
- 例子１：以八達通繳付車資，乘搭由觀塘開出之268C到大欖隧道轉車站，在八鄉路轉乘64往錦河路至上村沿途各站，下車前再次拍卡，64車資為免費，否則為$2.7。
- 例子２：以八達通繳付車資，乘搭由青衣開出之279X到大欖隧道轉車站，在八鄉路轉乘64往錦河路至上村沿途各站，下車前再次拍卡，64車資為回贈$4.1，否則為回贈$1.4。

途經站點：
沿251B走線及停站至上村後，經林錦公路上村甫、黃竹園、凌雲寺、嘉道理農場，並於梧桐寨路口調頭折返，然後經林錦公路梧桐寨、嘉道理農場、凌雲寺，八鄉古廟起跟251B走線及停站回八鄉路總站。

第一個問題係，本身251B咁改本身就已經換細車，雖然佢好多掛牌都係細車；但其實真係冇乜見過嗰三架ATSE真係行251B。。。

仲有樣好尷尬嘅位，251B個走線係佢客量咁低落嘅主因之一；單純地延長佢其實係無助解決問題；呢個係地理位置問題。

如果想大欖隧道有直車過去，你搵251A開特車會有效率好多；雖然假日錦上路塞車問題的確係有D嚴重嘅。

行錦上路車程慢D, 而且客量多, 班次密D, 如以251A特班去做林錦, 走線跟64K重疊, 而且亦係用番細車, 所以64之建議班次幾乎係同251B持平.

林錦公路嘉道理一段大斜路, 巴士公司亦唔想投放更多資源落去, 拉251B過去變成64, 車費提升至64K水平(雖然有雙向分段), 只係希望幫補到一下, 亦想藉此減一班64K(可以畀251A), 錦上路站-梧桐寨可以上64, 大埔-梧桐寨有大需求時可以加班車形式去做.

因為收費緣故, 用251A特班名義唔會比251B拉長變64有所簡化, 錦上路只係多左車往返林錦, 而錦田公路(錦田市 八鄉一帶)就係由冇變有, 對於假日遊(如有)來講, 後者係比較有用.

提供大欖隧道轉車站接駁的好處就是從大埔墟 太和 錦上路三個港鐵站奪走市佔, 增加欖隧路線客量, 提高轉車站用量, 對巴士公司有益.

至於如何平衡各利弊, 則很難單純在此討論.

EX-TL 發表於 2023-3-21 14:36
行錦上路車程慢D, 而且客量多, 班次密D, 如以251A特班去做林錦, 走線跟64K重疊, 而且亦係用番細車, 所以64 ...

上村去八鄉路大欖計，251B用嘅時間係251A嘅超過兩倍喎，除非成條錦上路塞死，否則睇唔出八鄉路去悟桐寨要經哂全條錦田公路嘅合理性，仲唔講錦田公路要去八鄉路，係無論如何都要先到錦上路西鐵站呢個先天道路網缺憾。

同埋用細車個決定點係喺上林錦凌雲寺段度，所以用64K特車兜上去或者251A拉長，其實冇乜所謂。

如果錦田市去嘉道理農場打後嘅地方；其實係有元朗大埔小巴同埋14年俾54轉64K呢組無用轉乘取代咗嘅第一代64P；問題係呢個組合適唔適合搭埋大欖隧道轉乘一齊做呢；我同你覺得唔同睇法就係呢個位。

HB00610 發表於 2023-3-21 17:16
上村去八鄉路大欖計，251B用嘅時間係251A嘅超過兩倍喎，除非成條錦上路塞死，否則睇唔出八鄉路去悟桐寨要 ...

啱, 因為251B要兜埋錦上路站再由蒙養開始去, 而所謂兩倍時間, 可能你係常客會清楚啲, 查九巴官方車程得出呢兩倍時間, 其實係13對22, 251B比251A用多9分鐘.

若八鄉路只有251B到梧桐寨, 呢個比較已經唔存在, 客唔會因251A較快到上村而搭A出去轉車, 但由251A去做呢件事, 錦上路係從中得到額外資源(特班係另外加車?), 不過突然有特班攝中間, 容易造成班次唔平均.

至於有紅色小巴做緊錦田-林錦, 建議中的64可以話係順便做埋, 巴士主打係欖隧轉乘, 巴士公司宣傳錦田市+嘉道理+梧桐寨令市民多啲認識, 知道可以在欖隧轉車站, 當然咁會令到錦上路冇左額外資源機會.

以便遊人利用大欖隧道巴士轉乘網絡前往著名景點嘉道理農場和梧桐寨瀑布群

林村許願樹：你係咪歧視我？

kmb71k 發表於 2023-3-21 21:15
林村許願樹：你係咪歧視我？

路程差太遠, 中間有10站距離, 許願樹近吐公, 循環線一來一回要行多20個站.

EX-TL 發表於 2023-3-21 20:15
啱, 因為251B要兜埋錦上路站再由蒙養開始去, 而所謂兩倍時間, 可能你係常客會清楚啲, 查九巴官方車程得出 ...

其實以而家順車計，實時報站251A由上村球場去大欖係8分鐘；但251B上村總站係要20分鐘車程，你可以計計數有冇兩倍。

再講超過20分鐘先到轉車站；再計埋行+上面等車時間；閒閒地30分鐘甚至以上先叫做上去市區嘅巴士；以轉乘呢講；呢個時間一定唔係合理時間，仲未講有其他少一半時間去到西鐵站嘅選擇。

其實問題係251B個低效能走線係根本唔適合做宣傳線，結果一定係倒米

講真做呢樣宣傳梧桐寨同嘉道理去大欖隧道；其實唔係好需要額外資源落去甚至改動班次；懶D直接俾251A同64K呢兩條線加個轉乘優惠梧桐寨落車拍卡分段；其實已經非常夠做。

當然你話錦田公路全段唔駛特登兜東匯路有車直行哂；呢個係合理訴求；但我覺得咁定位最多係社區責任線就好。

HB00610 發表於 2023-3-21 23:16
其實以而家順車計，實時報站251A由上村球場去大欖係8分鐘；但251B上村總站係要20分鐘車程，你可以計計數有 ...

假日日間同平日午夜前冇得直接比較, 學似你咁比, N619同619比時間可以差九條街, 亦都可以話相差無幾, 應該就住本建議關鍵時間去比.

入嘉道理你用太和轉64K, 時間都係20分鐘左右, 大埔墟計就更耐, 遊人一樣接受到, 怕遠嘅已經唔會去, 梧桐寨-上村4-5分鐘車程, 計落都係合理.

如果用251A轉乘64K BBI搞掂嘅, 欖隧線最高轉乘次數要提高到3, 間接令不同地區乘客都得益, 巴士公司會唔會因為一個預期客少, 仲要唔係日日, 而去做出明顯會令自己收入少咗嘅舉動?

至少本建議251B變成64那些班次收$8.9, 而預期客量不多下, 乘客走到車頭拍多次卡係輕而易舉, 亦唔影響其他與此無關的轉乘優惠, 無損巴士公司利益, 乘客唔再拍多次卡仲賺多啲, 當然你又可以話由251A特班做都一樣.

EX-TL 發表於 2023-3-22 02:13
假日日間同平日午夜前冇得直接比較, 學似你咁比, N619同619比時間可以差九條街, 亦都可以話相差無幾, 應 ...

你不如睇下Live報站，平時兩條線實際差距只會更大；而家251A同B同樣比較係車程12分鐘 vs 28分鐘

唔好唔記得上村同梧桐寨仲有多6-8分鐘車程（4分鐘你有冇睇過官方時間作定係咩？）；而且20分鐘係去到火車站有同只係到一個轉車站，係唔可以混為一談；太和衰極仲係個屋邨；唔搭車有野食有得抖下；甚至有火車搭；大欖除咗企喺度排隊食西北風外仲有咩？