41M/49M 重組計劃

19/3日開始，九巴開辦49m 提供青富苑/長青至青衣站短途接駁服務。即使青富苑入伙後相信班次及客量會增加，以自己作為青衣島民對青衣區既認識，我認為呢條線安排上本身就不理想。主要原因如下：
1. 客源狹窄：扣除249M已經服務既範圍，49M既客源只來自青富苑/青桃樓至青衣街市/青衣站，而想吸引居民搭呢條線，相信班次上要提升到至少10分鐘一班(如果等車都等得耐，咁同搭249M坐耐啲時間上唔多分別)，但以咁窄既服務範圍，能否支持到密車絕對成疑。
2. 青衣南一區駁鐵並不只依賴青衣站。若大家留意青衣南交通，相信都知道去青衣站駁鐵並唔係想像中方便，其中一個原因係青衣站只有班次相對疏既東涌線，要去市區好多時要轉返荃灣線。與其咁，其實好多人會選擇搭42A出美孚/小巴出葵芳駁鐵，而呢啲選擇對青富苑新居民一樣方便。

我提供以下建議，希望可以更好善用資源，方便到居民之餘，九記都唔使蝕咁多錢。

49M 青富苑至青衣站
大體走線基本上不變，但改提供有限度服務，及取消循環線運作。班次主要係為返放工/返放學而設。

星期一至五
往青衣站開出時間：0730，0800（兩班）
往青富苑開出時間：1530，1600，1830，1900，1930（五班）
星期六、日及公眾假期不設服務

青富苑入伙後相信本身49M要用到兩車，上面既安排下可令繁忙時間慳一車，非繁慳兩車。慳咗既車放係拉長41M：

41M 青富苑至荃灣站
41M延長至青富苑開出，雙向加停青桃樓、工業中心、翠怡花園。班次維持不變。

49M取消非繁受影響人士：
去青衣街市：改乘41M
去機鐵站：改乘249M

計劃好處：
1. 41M 本身客量不太理想，改動後可以提升客量。
2. 美景一帶(包括青富苑)有較快捷來往荃灣的服務，而因為243M行沙咀道，41M行楊屋道，呢個改動可以開拓美景-楊屋道新客源，美景街坊可以多個地方買餸。
3. 早前43B重組效果未如理想，以致243M有供不應求問題。呢個改希望可以分流少少美景客去搭41M，唔使全部逼哂係243M 度。

歡迎提出意見！

唔反對拉長41M，但靠249M做49M去青富去青機個位係有保留；因為49M個行法真係快；係班次問題先冇人吼。

短途駁鐵/轉車線，真心車程不宜太長。

拉長41M去到青富苑咁遠
好難維持現有班次
唔加車加時根本唔夠時間跑

至於49M班次問題
而家咁疏應該只因為青富苑未完全入伙
當青富苑入咗伙
肯定唔會係而家30-60分鐘既班次

kmb71k 發表於 2023-3-23 21:25
拉長41M去到青富苑咁遠
好難維持現有班次
唔加車加時根本唔夠時間跑

青富苑入伙49M預咗會加班，但我係諗緊係咪一樣好似248M/249M咁做得起…（到時持目以待…）
所以先諗會唔會將放咗係49M既車攞嚟拉長41M

Tobia28 發表於 2023-3-24 08:56
青富苑入伙49M預咗會加班，但我係諗緊係咪一樣好似248M/249M咁做得起…（到時持目以待…）
所以先諗會唔 ...

248M 249M 初期係做緊單層 單位數班次
49M 你睇下做緊咩班次先

其實我第一眼係睇左 49X 延長青富 , 反而有得諗

天空之神 發表於 2023-3-26 12:18
248M 249M 初期係做緊單層 單位數班次
49M 你睇下做緊咩班次先

拉49X唔係唔得，問題係嗰邊擺唔擺到咁多架車，一條49X預擺5-6架車真係唔係咩奇事。

今日又見到49X青衣碼頭條坑唔夠擺，要霸埋41M條坑兼頂死後面🙈🙈🙈