港鐵站廁所缺陷設計讓缺德乘客有機可乘

港鐵站廁所除出現屯馬綫洗手間翻新蠱惑問題外，其有缺陷設計則讓缺德乘客有機可乘，廁格門除少數（北角、油塘及尖沙咀站）外，一旦用力關上便會發出「嘭」一聲巨響，震耳欲聾，而所有馬桶被大力關上廁板亦會發出相當刺耳聲響（即使較細力關亦會有一定程度噪音），過去短短數月間本人已在多處遇上呢啲蓄意（並非唔覺意）制造呢種噪音嘅缺德者（旺角、金鐘、利東、元朗及紅磡站），香港人生活壓力大，但唔應該以咁嘅方式發洩脾氣或個人情緒，破壞其他乘客安寧並可能對公物構成刑事毀壞（用力過猛令其毀損），為免此等無謂之鬧劇重複下去，港鐵應盡快將所有廁格門更換成北角、油塘及尖沙咀站嗰款，而所有馬桶蓋則需換成不會發出任何噪音嘅油壓式。大家又有冇遇上類似嘅無品乘客？分享一下吧！

This is HK,
連Sell HK一線場廁所有時都會壞油壓，你想黨鐵好似ifc/圓方咁靚?

油壓要保養，其實最慳錢應該都係門邊裝膠邊就算。

關乜事，只係港鐵洗手間先係有咁嘅問題？望下各大商場先講啦

咁都引伸壓力大同刑毀問題
係咪樓主的寫照？

定係樓主啲鐵路發文冇乜吸引力
要開多篇車站廁所文嚟搶眼球？

cky 發表於 2023-5-2 02:18
關乜事，只係港鐵洗手間先係有咁嘅問題？望下各大商場先講啦

咁都引伸壓力大同刑毀問題

呢度係鐵路討論區，當然喺度討論港鐵問題！商場都唔係所有廁所有設計缺陷（希慎廣場、恆基、新世界、長實、新鴻基等新落成／翻新廁所就已經用油壓板及緩音門喇！）。你未遇過噪音人當然唔理解別人所受嘅苦，唔係壓力大點解要蓄意大力拍廁板？明知嗰啲板有設計缺陷都要刻意多次拍來拍去，明明可以輕力小心放板，卻要與其他使用廁所者為敵！

newlife 發表於 2023-5-2 11:55
呢度係鐵路討論區，當然喺度討論港鐵問題！商場都唔係所有廁所有設計缺陷（希慎廣場、恆基、新世界、長實 ...

Yoho Mall I 夠新啦
咪一樣唔係油壓式

又唔係港鐵先有的問題
仲上綱上線話與民為敵
似乎係閣下把事情無限擴大

如果係個人品格問題
就唔好扯落單單話係港鐵的問題

cky 發表於 2023-5-2 23:52
Yoho Mall I 夠新啦
咪一樣唔係油壓式

形點I 最後啟用已經係6年前，廁所都俾人用到污糟有啲殘，唔算新喇。自2019年起，大部份重新裝修或新開幕商場洗手間都已經改用油壓廁板及或緩音門，如K11 Musea、屯門時代廣場、嘉湖銀座翻新部份、卓爾廣場及APM等。你睇清楚人哋意思係邊個與人為敵，我從來冇指港鐵、商場，以前嘅年代邊會咁細心提供緩音設計，衹不過有人利用漏洞滋擾其他廁所用家而已。其實你係咁維護嗰啲噪音製造者，又唔覺得佢哋咁做係有問題，衹會令人懷疑你係咪一份子。

newlife 發表於 2023-5-3 03:11
形點I 最後啟用已經係6年前，廁所都俾人用到污糟有啲殘，唔算新喇。自2019年起，大部份重新裝修或新開幕 ...

「衹會令人懷疑你係咪一份子」

我諗你最好收番呢句
你呢啲信口雌黃兼且無任何實際理據而胡作推論的臆測
只會令人覺得你純粹惡意攻擊

個人沒有公德的行為，任何設計都可以出問題

cky 發表於 2023-5-3 03:28
「衹會令人懷疑你係咪一份子」

我諗你最好收番呢句

咁你「咁都引伸壓力大同刑毀問題 係咪樓主的寫照？ 」呢句又係咪應該收返呢？完全冇根據嘅推測就話我都係……

cky 發表於 2023-5-3 03:28
「衹會令人懷疑你係咪一份子」

我諗你最好收番呢句

如果你真係冇做過梗係好啦，我都唔想你係。 不認同「任何設計都可出問題」，自1998年出現月台幕門／閘門後，從未有人係嗰啲車站被列車撞死，同樣我從未喺有油壓板及緩音門嘅廁所被滋擾過，反映對策正確、奏效。