引用: castanopsis 發表於 2023-11-23 15:56
每條線獨市既角色太零碎
好多位其實都有幾條線去做
最慘係呢堆位唔係全日都有客,好處就係可以邊個時段多客就邊條線密啲,但係又有啲位係焗做,之後仲要爆多條22S嚟重疊。
例如22開線嗰陣就話係比東鐵客去兒童醫院,但係點解佢地唔用啟德站?當然就算九龍塘翻放學時間以外係需求冇咁大,但係又點都會擠到散客出嚟,係應該留翻半個鐘一班嘅 (which is依家咁),咁頭段點都會同20A重疊呀,但係後者又冇可能飛橋做旺角特快喎 (搶對家,同埋咁疏嘅特快咪又冇人搭)。又例如22M,做土瓜灣街市,但其實買餸又係咪一定要喺嗰度買呢?如果唔係淨係做買餸線,用嚟轉鐵呢,呢條線駁緊三個站,但全部都係同一條屯馬,咁之後條22S又係重疊緊功能...好似條條線都唔係點摸到自己定位咁,又到喉唔到肺 (對家食邑冇計),燒資源應該燒得好勁下。