東鐵綫本周六起加強週末及假日服務 - 第2頁 - 香港鐵路 (R1) - hkitalk.net 香港交通資訊網 - 手機版

東鐵綫本周六起加強週末及假日服務

16^# mckhgc
2024-3-20 20:56

Ricky403 發表於 2024-3-16 20:16
咁東鐵綫繁時同非繁班次個差距又無咁大，當然假設係無甩班

坦白講，照有時撳ETA睇燈個經驗，唔太認同你 ...

好認同17:45沙田特真係垃圾到極點，而且呢個安排係去年2月6日開始，即係成一年幾，龜鐵都唔覺有問題？

呢幾日龜鐵有「聽你所想」乘客意見調查，雖然都知係廢既多，不過希望多D人去反映下，睇下有冇一線希望啦

3月21日大圍
3月25日旺角東

5:00PM-8:00PM

(之前去過九巴既同類活動，完全係假到冇得再假既垃圾公關show)

回帖數目：24

15^# Ricky403
2024-3-18 10:27

TA7343@N241 發表於 2024-3-16 23:49
北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下 ...

真係要下繁頭段大埔墟以北加車嘅，北行上水、南行太和做到有兩班留後再算
甚至你話既然早10分鐘、遲10分鐘分別唔係咁大，咁其實龜可以同你拗咪做多20分鐘野去捕17:50上水起載架羅湖貨場出廠車🤭

屯馬綫󠄁大西北客主流方向咪又係日日畀佢咁玩
上繁天水圍頭班特車51要08:09先開出，之前都已經積緊客，朗屏錦上路上車嗰班焗住夾硬逼
下繁又係美孚18:40前車疏到成日留後積客，要班客夾硬逼上車

14^# TA7343@N241
2024-3-17 18:44

本帖最後由 TA7343@N241 於 2024-3-17 18:50 編輯

mckhgc 發表於 2024-3-17 13:00
再之後就係，當地盤完工後，又如何？

如果地盤起既：

地盤完晒工係講緊起碼十年後嘅事。
雖然古洞北同粉嶺北規劃主要係住宅，尤其公屋，模式同其他新市鎮分別唔大（粉嶺南有版睇），其他起緊嘅樓又多數係公屋，但十年後亦同時面對緊勞動力下降嘅問題。
粉嶺繞道亦會好快起好，鐵路外出大埔／沙田／市區會有多個選擇，當然未知成效係點。
十年後話唔定好多人會北上返工返學。
所以到時朝南夕北嘅通勤問題會唔會進一步加劇，其實係個水晶球問題。
唯一肯定係，短期（幾年內）往北區嘅逆通勤客量會持續上升。

13^# mckhgc
2024-3-17 13:00

TA7343@N241 發表於 2024-3-16 23:49
北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下 ...

再之後就係，當地盤完工後，又如何？

如果地盤起既：

係工商設施，即係加重朝北夕南既逆通勤負擔，只係到時逆通勤既，唔係地盤/裝修工人。

係住宅，就更唔使多講，進一步加重根深蒂固既朝南夕北負擔。

兩者都不見得地盤完工後，負擔會減輕。

還有某些民粹所要求既粉嶺高球場改建公屋呢？

所以新界東北綫是否應只來往粉嶺至香園圍呢？

12^# TA7343@N241
2024-3-16 23:49

Ricky403 發表於 2024-3-16 22:13
北區唔係無客，但真係有限數
17:30咁啱地盤收完工去到車站，但又要睇17:20同17:40前後呢啲時間又幾多人
...

北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下個月會收地，而剩低階段規模係大過第一階段。
和合石嗰邊又會起七幢公屋。
起完樓都唔係完，因為仲要搞裝修，過幾年隨時日日幾萬個地盤同裝修工人喺北區返工。

同我自己唔係做地盤，但屋企附近多地盤，自己目前又唔係固定返office hour，唔多唔少略知一二。
返放工同其他行業差唔多，開工時間通常會sharp，但放工時間唔會好sharp，一般過17:00做完手頭嘢埋尾就收工。
做到18:00嘅唔算多，當然有啲搏／趕工嘅可能過18:00，幾年前見過有地盤真係打樁打到18:59，因為到19:00就唔打得。
如果17:30多地盤放工客嘅話，前後十分鐘相信分別唔大，始終每個地盤位置唔同，每日做完手頭嘢時間又唔同。

11^# Ricky403
2024-3-16 22:13

TA7343@N241 發表於 2024-3-16 21:06
當日係星期五，所以都多咗客放工放學後北上過周末。

或者我對爆嘅見解有少少分別，嚴格上北行過咗大埔， ...

北區唔係無客，但真係有限數
17:30咁啱地盤收完工去到車站，但又要睇17:20同17:40前後呢啲時間又幾多人
繁時計，集中喺某一點爆嘅客量，或者某一班車爆多客，龜多數唔理，係去到持續兩三班車都清唔哂嗰陣，就會考慮攝加班車

遲啲又睇下17:45沙田特後後車如何，如果火炭都係繼續留後，或者畀到理由重檢下繁出車安排
但嗰班車唔多爆甚至有鬆動嘅話，就唔太推得郁龜做野

10^# TA7343@N241
2024-3-16 21:06

TA7343@N241 發表於 2024-3-16 19:20
金鐘北行17:30左右先開始晚繁班次，到火炭約17:50，入到大埔18:00，根本遲得好誇張，其他線基本上五點頭 ...

當日係星期五，所以都多咗客放工放學後北上過周末。

或者我對爆嘅見解有少少分別，嚴格上北行過咗大埔，好難去到真正插針不入嘅爆，通常只係郁得一兩個身位。
唯一真係爆住入粉嶺，就係某星期五黃昏近六點往落馬洲車，粉嶺落咗一堆，但上水又上爆。

而於18:45後嗰度，我自己近月都有幾次19:15-19:30坐第八／九卡大學入大埔，依然多人到只郁得一兩個身位，當然未去到插針不入嗰種爆。
有少少位只因為沙田段落嘅人多過上嘅客。
睇前車ETA都係隔3分鐘左右。
計返時間其實係六點中尾金鐘至九龍塘段上東鐵，啱啱仲係算多人收工嘅時間。

我好多年前做過金鐘SA，當時仲係得兩條線，同意你所講，18:10後爆炸式多人，不過實際最多人嘅時間其實係18:30-18:45，計返時間入到大埔都七點頭。

另外，唔好忘記北區幾百個地盤開緊工，剩係個北部都會區都有排玩。
17:30喺粉嶺已經成大堆人等南行（睇樣有唔少身材似地盤／裝修），開埔特未必咁大疏導作用。
大學都未必上到車，可能過境線南行都提早先搞得掂。

9^# Ricky403
2024-3-16 20:16

TA7343@N241 發表於 2024-3-16 19:20
金鐘北行17:30左右先開始晚繁班次，到火炭約17:50，入到大埔18:00，根本遲得好誇張，其他線基本上五點頭 ...

咁東鐵綫繁時同非繁班次個差距又無咁大，當然假設係無甩班

坦白講，照有時撳ETA睇燈個經驗，唔太認同你個客量嘅結論
17:45前北行既然係跨境學生，咁落馬洲車係應該多客啲，亦事實上係多咗架北行落馬洲車
但就算去到粉嶺上水，最多都黃色，唔係逼到插針插唔入嘅，仲有一啲車卡係綠燈嘅

17:45起其實已經有班港九早收工嘅坐，幅cap圖就因為班車遲到，所以九龍塘上到七卡紅，然後後面堆車隔得近，咪鬆動啲囉
去到北行18:45起，都係甩班先多紅，同前面隔得近或準時其實都好難見紅，過19:15後就更難見紅，見得紅都係大遲到大甩班居多
18:00-18:30北行過海其實隔3.2分鐘頭五六卡都易見兩三四卡紅，但同時第八九卡可以綠色🤣
都唔見得17:00-17:45多客過17:45-18:45，甚至17:00-17:45其實喺三個時段入面係算最唔逼嘅
covid前就真係18:10開始先爆炸多人，covid後已經多咗唔少彈性返放工，早半個鐘返早半個鐘走呢類都common好多

要改善都係搞咗17:45沙田特個問題先，呢個真係公認垃圾安排
北區同深圳南下喺17:00-17:45都係有限數，但大埔大學火炭17:30起已經多咗人入站，受唔起兩班車要隔成6-8分鐘
tonyng兄都放風可以改哂下繁出廠沙田特去大埔墟起載南行，係唔知卡住咗喺咩位

8^# TA7343@N241
2024-3-16 19:34

mckhgc 發表於 2024-3-16 10:48
真係，非工作日加幾班車，就唔好自吹自擂啦，加密到每小時卡數，補得返失去既3卡，至好再講啦。

更重要 ...

唔知好彩定唔好彩，依一年我幾乎每日搭東鐵+觀塘線，同埋咩時段都搭過，非繁極少遇到你講嘅情況。
反而觀塘線班次唔穩定過東鐵多多聲，夜晚5分鐘一班成日變7-8分鐘，跟住後車隔2-3分鐘，甚至冇咗班車變隔9-10分鐘。
無論日間定夜晚非繁都咁。
東鐵唔穩定似乎集中喺繁時，尾段遇過唔少次，無啦啦喺站停成兩三分鐘，又播幾次列車要等候信號。

上繁北疏南密，九點後南疏北密，我自己覺得問題不大。
正常返工客一定係早過北上客出發，除咗跟團，多數人北上係傾向臨午飯先過關，咁早上到去其實冇乜好玩。
9-11北上其實啱啱好。
相比下繁真係要執執佢，如果跟返客流pattern，更加應該向北出車而唔係向南出車。

7^# TA7343@N241
2024-3-16 19:20

Ricky403 發表於 2024-3-16 09:51
下繁最逼最爆都係17:45沙田特後面班車同埋同時段北行未入3.2分鐘時段嘅部分車
不過睇屯馬綫󠄂上年11月加 ...

金鐘北行17:30左右先開始晚繁班次，到火炭約17:50，入到大埔18:00，根本遲得好誇張，其他線基本上五點頭就晚繁班次。

東鐵沿線由於普遍偏離CBD，晚繁有兩批時段比較爆，第一批就17:00-17:45，第二批就18:45-19:30。
第一批主要係跨境學生、基層工人（例如地盤裝修）或者沙田火炭大埔啲工廠區。
九龍塘或之前只係一般，試過五點頭九龍塘上更加有得坐，大圍開始先多人上。
之後到大學前普遍上多過落，直至晚繁時段開始前，係爆住入大埔粉嶺。

到六點頭啱啱開始晚繁時段，第一批放工放得七七八八，但第二批打工仔（主要係放18:00嘅寫字樓工）又未快轉到東鐵沿線，甚至乎未收工，相對冇咁爆（不過依然多人）。
六點尾七點頭，第二批放工陸續轉東鐵，九龍塘已經上爆咁滯，好在大圍後就落多過上，但始終唔算好明顯。
所以19:30左右入到大埔北區嘅車其實又係幾爆下。

如果你話衝尾門返香港嗰批，落馬洲南行加密絕對好事。
好多香港人，放假留喺香港留多一秒都唔想㗎。
試過星期日晚羅湖臨收關返香港，已經係落金鐘尾二甚至尾車，但一樣好爆。
福田收關比較早，就更加唔駛諗。

直達主要分板：(B2) (B3) (B5) (B0)
(R1) (R2) (R3) (C2) (C3) (M1) (V) (A10)