~NQR學神車~

原帖由 fai 於 2008-6-10 18:52 發表
聽人講中型會比大巴鬆手。親眼o係考場見過有部中型泊車
車尾突出黎條膠hi晒左邊條壆，個考官開門(冇落車)睇左陣
就叫個考生繼續出街，放佢一馬。(當然出界就冇人幫到你)

...

運輸署考牌官都有分兩個級別, 初級的負責監考私家車, 貨VAN同中型貨車. 高級的負責監考巴士, 重型貨車及拖頭, 其中合格率最低的是重型貨車, 所以好多駕駛學校都叫有心考取重型貨車或拖頭的學員不如先考中型, 然後直接報拖頭, 以避過了考重型的一關, 而且考中型學費都比重型平, 考埋拖頭又乜貨車都楂得.

原來如此，不過1月考中型o個位考官個樣同把聲有d
似四年前o係荃灣考大巴肥左我o個一位(當時泊位出
界，點都打唔甩架啦)，唔知係咪真係同一個人，不
過依你所說高級既人去做低級既事都唔係冇可能既。

原帖由 牛奶仔 於 2008-6-12 12:33 發表


運輸署考牌官都有分兩個級別, 初級的負責監考私家車, 貨VAN同中型貨車. 高級的負責監考巴士, 重型貨車及拖頭, 其中合格率最低的是重型貨車, 所以好多駕駛學校都叫有心考取重型貨車或拖頭的學員不如先考中型, 然後 ...

其實重貨難考o係邊呢？點解合格率咁低？

客觀事實：車大部左，睇位一定難d，行駛中太過接近物體(例如路邊)
既機會大左，用風逼力較難控掣，另外重型係考五手太調頭，做既動作
多左，出錯機會自然高d。

主觀情況：愈重型車輛出事後果愈嚴重，考官評核自然會嚴格d。所以
拖頭同重型都會係難考。而巴士因為係載好多人，亦都會嚴格，所以
有人話重型、拖頭同巴士一樣咁難考。

原帖由 FX8173 於 2008-6-13 14:07 發表
其實重貨難考o係邊呢？點解合格率咁低？

[ 本帖最後由 fai 於 2008-6-13 14:28 編輯 ]

原帖由 FX8173 於 2008-6-13 14:07 發表
其實重貨難考o係邊呢？點解合格率咁低？

頭先打俾我老友問過, 但佢講只係在上的士課時導師循例介紹各種車輛課程時及學費時有咁講過, 話重型係眾多課程中最難考的, 叫人如果想考拖頭最好由中型入手, 以取得報考拖頭的資格, 因為考拖頭的先決條件係要有中型或重型貨車牌 (重型牌則會送埋中型牌, 但無重型牌考到拖頭牌亦可送埋重型牌) 先可以考, 而且此舉亦可以慳學費, 因為重型牌學費比中型貴唔少.

我唔知道重型學神有無師傅迫力, 但拖頭係無o既, 考官/師傅要急停係直接拉手掣停車, 而且拖頭副波箱係同一般商用o既亦無分別, 但考試一般係用二波開車, 直路用到五波, 但有一段直路係要考生由靜止, 由一至五波逐個波轉上去, 再由五至一波逐個拖落o黎, 整個過程通常係由插桅桿街, 由近銀城街起至牛波沙街附近要完成, 以考驗操作波箱, 極力子及呼油的純熟程度, 太長距離先做完都會肥佬.

原帖由 fai 於 2008-6-13 14:16 發表
客觀事實：車大部左，睇位一定難d，行駛中太過接近物體(例如路邊)
既機會大左，用風逼力較難控掣，另外重型係考五手太調頭，做既動作
多左，出錯機會自然高d。

主觀情況：愈重型車輛出事後果愈嚴重，考官評核自然會嚴格d。所以
拖頭同 ...

拖頭及格率比重型貨車高, 而且拖頭係不用考調頭, 但要考倒後泊S位, 拆架及裝架.

拖頭唔駛考調頭都係駕駛學校叫人先考中型直接考拖頭既
原因。(中型三手重型五手)，不過拖頭有兩截車身令佢泊
S位俾其他車複雜，唔係就咁先左太後右太兩手咁簡單，
我未學過拖頭，不過以我所知第一手係先扭右將接口位推
出馬路及將拖架推成斜入個泊位既方向，之後係點我都唔
知。

拆架裝架係考完所有路面項目返試場先做，如果考官叫得
你拆架裝架即係佢9成9準備俾你及格，只要照足程序做好
少人o會死係呢part度。

另外拖頭會有一part考口試，主要都係一d機械常識，例如
考官會問你廢氣剎車有乜作用，你答之前背熟既答案就得。

原帖由 牛奶仔 於 2008-6-13 14:48 發表


拖頭及格率比重型貨車高, 而且拖頭係不用考調頭, 但要考倒後泊S位, 拆架及裝架.

原帖由 fai 於 2008-6-14 09:02 發表
拖頭唔駛考調頭都係駕駛學校叫人先考中型直接考拖頭既
原因。(中型三手重型五手)，不過拖頭有兩截車身令佢泊
S位俾其他車複雜，唔係就咁先左太後右太兩手咁簡單，
我未學過拖頭，不過以我所知第一手係先扭右將接口位推
出馬 ...

拖頭拖住個架倒車扭軑係要扭相反方向, 即係要泊向左邊就要將個頭扭向右, 令車頭同拖架呈曲尺形, 之後再逐步將個頭慢慢扭返向左, 當中還要留意個架個走向, 不時要用個軑調返正個架o既方向. 好似泊S位咁, 由於要就返個頭要向右推個架向左移, 所以右邊要留返空間俾個頭入.

至於口試, 我老友當年就無呢關, 而家唔知使唔使, 但照計考實戰o既o野, 照計就唔會再考理論, 唯一要考問答o既通常就係考視力測試, 因為萬一個考生係啞o既, 咁咪唔使考? 視力測試就算寫個答案都易D.

我老友比較唔好彩, 佢考拖頭最終考o左三次先pass, 第一次本來一切都做得好靚, 但就係到拆架裝架一part輕率o左, 裝架後唔記得上車拉前個頭以確定裝實就起腳架, 咁就肥o左, 勁唔抵! 第二次又撞正佢考巴士時個神經官, 出路口左轉時就撲埋o黎拉佢手掣, 話太近其他車喎! (之前佢考巴士時佢行右線, 有架3.3o係左線行過, 條神經官又無啦啦踩腳掣, 原因又話係太近其他車, 大佬, 兩架車都無駛出界喎! 咁都話近? 都唔知佢係咪剛升職做大車考官, 唔慣大車梗係比細車闊, 真害人不淺!)

原帖由 S3BL121 於 2008-6-10 19:09 發表
O個支波棍應該改過嘛
正常NPR同NQR直接推上的係2波

師傅講過話架車o既1, 6 波係封住唔用.

原帖由 oman 於 2008-6-15 02:50 發表
師傅講過話架車o既1, 6 波係封住唔用.

即係而家個波箱係 H 型？行2345波？