今天小弟在荃灣考大巴肥了,肥的是泊位尾撞駁(車快).其實,如何操好大巴呢?尤其是吊極力子及兩下極力子..........

泊位,你後得好快咩?

2腳踩極力子,如果係難..都係2轉1,
好易chok, 要睇你左腳,放得輕d,同埋補油果下,要快同埋爽

比大少少空油先踩極力子拖波, 我考果陣上葵盛要2轉1...

泊位, 寧願慢d, 因為得一次機會, 而且全睇你自己.

做學神, 佢唔expect 你快o既.
出街都一樣, 正常速度就得ga la.

想做兩下極力子, 拖波做得好d, 最緊要個人放鬆, 個人一緊張就咩都做唔到.
鬆極力子時, 要鬆得慢, 吊一吊先鬆晒.
比一下空油時唔怕踩大D, 最怕考官聽唔到你比油.

埋站都要1波架啦..呵

唔係好明, 其實既然要轉低波減速, 點解仲要踩多下油?

二腳極力子呀....
拖低波要補腳油...配合引擎同波箱個轉數...
如果唔係就會chok

荃灣個泊位好邪，我五年前考荃灣大巴，焚化爐操泊位
十次有十次泊得到，師傅都話我泊得好，點知考試o個
日，第一手望住左鏡鏡支棍到雪榚筒扭，第二手望實右
鏡又係跟足位扭，點知第三手望電視，嘩！乜咁後既？
幾乎已出界咁濟，到扭番正部車時梗係已經出晒界，衰
左。我懷疑荃灣個位有少少暗斜車快左會唔知。

好彩四年後再戰柴灣，順順利利攞左個牌。

回復 8# 的帖子

柴灣易考d.

不過我都考左兩次先成功.

第一次衰係巴士站, 架巴士似出唔出原來唔出, 我以為佢順住前面架小巴出, 點知自己齋望右鏡, 再望左鏡時先發現太近, 自己dup 到但停得好急好埋, 咁就衰左. 重有一出試期門口就因為整路, 去舊中巴車廠o既燈位兩線變一線, 大排長龍, 又難出.

第二次就排快期, 輕鬆過渡.

係...