啱啱考到牌,想平平地買架二手車,有咩介紹?

原帖由 hkbw 於 2009-7-8 17:35 發表
新牌操車, 5萬-6萬絕對唔算平平地...

個人建議, 如果唔係成日用, 純粹操車的話, 可以將目標價下調一兩萬..
JAZZ個波箱, 唔係保養慣車/有相熟車房跟的話, 最好唔好要...

豐田車粗用好多, 對新牌來講亦都較易上手,  ...

EK 唔適合新牌我真係第一次聽。

原帖由 arhang2001 於 2009-7-9 01:42 發表


EK 唔適合新牌我真係第一次聽。

係呀, 我講既..
EK油門敏感, 部車去得快, 收得慢, 車頭長, 車尾難睇..
再加埋鋼水, 有辦大家睇, 一年幾多後生死係EK手上..

台CVT, 冇熟人跟, 真係好易玩完...

[ 本帖最後由 hkbw 於 2009-7-9 04:18 編輯 ]

原帖由 arhang2001 於 2009-7-9 01:41 發表


你唔當jazz 係跑車咁渣的話根本唔麻煩，係d 人以訛傳訛，你話唔襟我又話唔襟，講個d 分分鐘渣都冇渣過。

jazz 係 lum 波箱lum 得咁緊要，就唔會到今時今日都一街都係。 ...

JAZZ個波箱, 02年頭批, 就連HONDA自己都認有問題, 但唔會回收吧了..
JAZZ LUM波箱, 十個九個係唔識養, 唔識保養出事...

恆兄, 你D客如果返足你地度做維修, 問題應該不大, 只係拎出街乜都唔識亂換野個D,
以我所知, 你地廠都做唔少呢類ORDER...錦田價就6000一台波箱二千公里保養...

我而家手上都有部CVT EK, 亦都有部CVT JAZZ放盤中 (有興趣可以PM小弟), 仲KEEP得唔錯架..
老實講, JAZZ個CVT一般駕駛係唔錯, 不過相對EK的那個就慢少少,
仲要識得維修保養, 唔好亂換野落去, 夠里數就一定要換波箱油,
相對豐田既一般波箱, 確實冇咁耐用..
ES EXI HONDA都轉返四前, 甚至乎日本本土版FIT, 頂級版都用上新款七速CVT,
相對外銷的呢台CVT, 確實係好唔少..

[ 本帖最後由 hkbw 於 2009-7-9 04:13 編輯 ]

其實civic..好多新手渣....
"太"輕,冇咩技術都渣得快,
一買即飛,唔係未試過下,



cvt波箱係d人唔識,用一般波箱油出事多姐,
不過cvt敢正,我就唔識欣賞啦!

[ 本帖最後由 mira 於 2009-7-9 09:45 編輯 ]

原帖由 hkbw 於 2009-7-9 04:04 發表


係呀, 我講既..
EK油門敏感, 部車去得快, 收得慢, 車頭長, 車尾難睇..
再加埋鋼水, 有辦大家睇, 一年幾多後生死係EK手上..

台CVT, 冇熟人跟, 真係好易玩完... ...

講到尾都係因為你接觸既車種有限。或者咁講，係香港你接觸既車種有限。

係既，每逢 H 車有親事就一定有大把人出黎抽水，T 車出事就當睇唔到，呢度幾時變左Disxxxx  個d垃圾討論區？

後生死係 EK 手上，你不如話佢地死係自己手上會唔會比較好？我同意 H 車係多後生既選擇，但炒唔炒死唔死睇自己，
死左賴部車做乜？早兩個月大埔道夠有AE110 跣胎過對面線，死一個唔見你拎出黎講？

再者唔係一定CVT 就一定會壞， Corolla 就一定唔會壞，我夠收過 99 Corolla 壞冷氣兩邊橫濕齊齊響，97 年 Corolla 70000km
成個嘩佬蓋濕到透，多部EK Civic 100000km +  波箱極健康，用唔用壞係睇你自己點樣用同保養部車。

我講多次，Honda 台 CVT 你唔係死谷佢起步，唔係下下D-S-L 甚至 D-L 咁用，20000km 換原裝HMMF 波箱油，其實係好襟用
就算話開始柴柴地呀，換多轉波箱油就大部份都救得返，再者行起上黎一定慳油。

至於話部車唔夠收，得罪d講你部車年份都咁大，不如你去check 下你部車既迫力總泵同埋四隻分泵先啦，話晒泵係損耗品，
用到咁上下泵拍漏油唔夠收係正常喎。

[ 本帖最後由 arhang2001 於 2009-7-9 19:58 編輯 ]

原帖由 hkbw 於 2009-7-9 04:10 發表


JAZZ個波箱, 02年頭批, 就連HONDA自己都認有問題, 但唔會回收吧了..
JAZZ LUM波箱, 十個九個係唔識養, 唔識保養出事...

恆兄, 你D客如果返足你地度做維修, 問題應該不大, 只係拎出街乜都唔識亂換野個D,
以我所知 ...

換錯油死波箱，到底關部車乜野事？

eK 車頭一D都唔長,至於車尾就...有尾車都係難睇,
DB8.豐度,就叫車頭長啦,其他大CC車我就少渣唔識講

豐田車,AE110同樣都係敢垃圾,門板薄,前期尾COME,果FEEL似紙做,尾期好少少,重DD,可能係多左2眼尾燈,
佩服,仲可以賣2萬,110吸引力唔知係邊度,改極都係慢,都有大把FAN屎捧場,搞笑
岩岩先有朋友買左架返來改,好野!

110唔係襟用,只係一手轉一手,個個都投資過掛...

部車唔夠收,好多人都係覺原裝碟,鮑魚唔岩用...加上車房SELL下.又賺一筆,
主要係個人渣法,又係好難講.

CVT名產,一代CRV,HRV.仲有幾多用到呢?經典野.
我錦繡朋友就仲有一架..

[ 本帖最後由 mira 於 2009-7-10 01:29 編輯 ]

原帖由 arhang2001 於 2009-7-9 19:57 發表


講到尾都係因為你接觸既車種有限。或者咁講，係香港你接觸既車種有限。

係既，每逢 H 車有親事就一定有大把人出黎抽水，T 車出事就當睇唔到，呢度幾時變左Disxxxx  個d垃圾討論區？

後生死係 EK 手上，你不如話佢地死係自己手上會唔會比較好？我同意 H 車係多後生既選擇，但炒唔炒死唔死睇自己，
死左賴部車做乜？早兩個月大埔道夠有AE110 跣胎過對面線，死一個唔見你拎出黎講？

再者唔係一定CVT 就一定會壞， Corolla 就一定唔會壞，我夠收過 99 Corolla 壞冷氣兩邊橫濕齊齊響，97 年 Corolla 70000km
成個嘩佬蓋濕到透，多部EK Civic 100000km +  波箱極健康，用唔用壞係睇你自己點樣用同保養部車。

我講多次，Honda 台 CVT 你唔係死谷佢起步，唔係下下D-S-L 甚至 D-L 咁用，20000km 換原裝HMMF 波箱油，其實係好襟用
就算話開始柴柴地呀，換多轉波箱油就大部份都救得返，再者行起上黎一定慳油。

至於話部車唔夠收，得罪d講你部車年份都咁大，不如你去check 下你部車既迫力總泵同埋四隻分泵先啦，話晒泵係損耗品，
用到咁上下泵拍漏油唔夠收係正常喎。

講到尾恆哥你做緊H記SALES, 點都會捧返H記車...

我又唔知點解你話我接觸既車種有限, 無論係英國, 甚至香港, 小弟都夠膽講句, 1.5公升上下既車種, 小弟就算掂唔齊, 都掂左八九成..
你做SALES每部都可能係駕一轉半轉; 埋單計數, 短時間接觸既車, 小弟可能唔夠你多, 但長用既車, 小弟駕既一定唔會少過你...
好多野唔係你駕一次半次就知, 特別係保養問題, 唔係成日跟部車, 你根本無可能完全清楚...

再者, 賣得車俾你換車既, 多少都會有問題先換, 好少話無啦啦換車既..
或者得罪講句, 你做呢行, TRADE-IN車, 十部九部有問題, 十分正常..

至於AE110, 唔好意思, 當年小弟搵緊AE100時, 有人撩我要部AE110, 我都一口拒絕, 打死都要返100仔...
110前期真係好唔妥, 尾期99年精裝版用料亦真係唔好, 冇計, 當年十萬有找有部COROLLA..
98, 2000年尾期豪華版, 問題就少好多, 不過始終唔夠100仔可靠..

110而家真係好多人執來飛, 用料咁差, 死多幾個都唔出奇..
不過論死得人多, EK就真係拋離成條街....
之前有陣子, 每晚都炒部, 可惜部部都爛到乜咁,
唔係既話入去湯房尋下寶都幾好...

公道講句, 你如果識正常保養, HONDA CVT係OK架..
不過問題係, 香港地新牌既, 有幾多個識保養部車?!
我自己手上而家都有兩部啦...識養咪冇事LAW, 唔識? 多多錢都未夠死...
但係豐田車夠膽死N萬公里唔換油都冇事, HONDA車就死左十世啦..

仲有, HONDA車個波箱油, 如果真係如你所言2萬先換, 真係要自求多福...
而家小弟就好保險既, 換偈油就換埋波箱油, 費事壞既時候就煩..
部100仔就可以唔駛咁, 不過都用全合成靚油, 話晒都仲要KEEP著...
呢D野, 唔係話駕部車一轉半轉就知, 要係用家先知...

至於小弟既車, 一向保養良好, 唔夠收係我係機件正常下比較所得,
不過可能小弟部100仔一向TUNE得比較好, 而之前部大發仔又係四輪碟煞,
就顯得呢部飛得真係幾快既車個BRAKE係差D啦..遲D驗車, 一定要TUNE一TUNE...

呢幾日用部POLO, 四輪碟煞, 不過又係唔好收..歐洲車個BRAKE始終唔及日本車好就真..

耐用與否, 就唔會係我地係度講就會變成真既..
呢個世界睇口碑, 睇事實的, 唔係SALES講兩講就係..

當然, 香港地, 唔知頭唔知路信SALES既都有唔少, 早一個星期有個T記SALES想耍我,
咁上下年紀啦都, 職業操守都仲係咁, 唔得WO...

原帖由 arhang2001 於 2009-7-9 20:04 發表


換錯油死波箱，到底關部車乜野事？

豐田車(普通波箱個堆), 乜油都冇所謂, 唔換都死唔去,
呢D咪叫粗用LAW..

指定一定要某隻油先得, 呢D都算係 "嬌生慣養", 唔算係新手就會識養既車..

原帖由 mira 於 2009-7-10 01:17 發表
部車唔夠收,好多人都係覺原裝碟,鮑魚唔岩用...加上車房SELL下.又賺一筆,
主要係個人渣法,又係好難講.

CVT名產,一代CRV,HRV.仲有幾多用到呢?經典野.
我錦繡朋友就仲有一架..

呢兩款真係經典, 計下數, 仲在生的話, 都只係十年車樓下..
可惜, 係錦田見多過係馬路見啦而家...

BRAKE既問題, 小弟咁多年駕法都係差唔多..
個系統有冇事, 駕一陣就知...
小弟甚至試過部AE100有次行行下BRAKE油總泵出事, 攪到冇晒BRAKE, 面對新清水道落坪石大斜路,
真係...個次都算經典

不過可以公道咁講, 用EK對比返AE110, AE110個BRAKE更加係有等於冇啦...
真係勁唔夠收...
不過同小弟部100仔相比, 部EK個BRAKE又真係差少少..TUNE一TUNE可能會好D...

[ 本帖最後由 hkbw 於 2009-7-10 02:11 編輯 ]