[問]新手問: 入門機影水舞間問題(快門光圈ISO)?

本人只用 Canon SX30, 想問下影水舞間(普通及電單車場面)分別SET ISO、快門和光圈的指數？
請大家賜教！Thanks !

個人意見,因為未去過有機會答錯

首先,你將會坐邊區,如果坐下層真係唔好影相,因為分分鐘會濕身,
其次呢類表演燈光舞台效果好多,基本上真係影相係要用番單鏡機,
dc機仔唔係唔得,但單係測光對焦已經花你一段時間,坐得遠zoom得
更遠,鏡頭成像唔夠,結果影出黎效果未如理想,反而snap shot一兩張
還可以

真係要知setting,可以參考呢篇文

http://www.dchome.net/viewthread.php?tid=974844&page=1#pid11477806

不過都係同意呢篇文部分人言論,專心睇show好過影相

水舞間我無睇過, 但以我之前用SX10IS情況, CANON 呢系列的機唔會太影到呢類舞台表演,
暗環境對焦, 反應都唔好, ISO高效果亦差...(拍片反而會好D, 但應該唔俾拍片la, 呢d show)

真正點SET, 亦要睇當時情況, 如果真係要影, 都係高ISO, 大光圈, 短快門, 手動對焦, 會好D....
但唔好預影得好ga la

原帖由 orange 於 2011-10-14 01:43 發表
個人意見,因為未去過有機會答錯

首先,你將會坐邊區,如果坐下層真係唔好影相,因為分分鐘會濕身,
其次呢類表演燈光舞台效果好多,基本上真係影相係要用番單鏡機,
dc機仔唔係唔得,但單係測光對焦已經花你一段時間,坐得 ...

thanks.. 我會坐A區, 不是前幾行, 應該由頂數落去第10行
我不打算全程影, 只想影十幾廿張玩下~想問下係咪SET A mode 定TV mode 還是M mode好.. 如果係, 光圈快門ISO大約分別幾多

原帖由 blueblue 於 2011-10-14 12:54 AM 發表
本人只用 Canon SX30, 想問下影水舞間(普通及電單車場面)分別SET ISO、快門和光圈的指數？
請大家賜教！Thanks !

老實講﹐非單反相機在對焦反應係慢的﹐動作快少少的情節已經係未對到焦﹐個演員已經唔知去左邊。

在黑暗環境影相﹐不外乎係高iso﹐大光圈。動態影相可配合慢快門﹐彌補光圈不足的問題。
但舞台表現﹐慢快門這個方法便不可行了﹐必須要靠高iso 及大光圈。快門﹐臨場發揮。


我結論係﹐係未正式開場的影幾張﹐當做一個留念﹐一些固定的舞台景可以影。其他的﹐相信你的無法影到 (即使單反﹐有人講都因為表現其間太暗﹐都難以影到)

真係影舞台的﹐用tv mode﹐iso 較auto或最高(自己試多幾張﹐看看noise 是否接受到)﹐快門set到1/6 至1/4秒﹐這個時間相信都係絕大部入手持機的極限﹐慢門再慢的﹐便會因手震而影唔到。如果手唔夠"定"﹐快門要set短些少。



未去之前﹐先在晚上找一間房﹐營做一個很黑的環境﹐操多些部機﹐看看你自己隻手可以快門去到幾慢﹐ISO高的情況下﹐出來的相片質素是否可接受到。


附上香港的「水舞間」一張相﹐ISO 係SET到好高的﹐大既都係1/6 至1/4秒﹐在電腦看都問題不太。但我去晒相﹐似乎nosie 真係大左d。
相機用canon 單反 60d 配 kit lens

如果你 zoom 埋o的主角度, 而佢有好光射燈射住的話, 有機會唔需要太高 ISO, 因為射燈射住時都幾光。又由於好多時主體光, 背景黑, 自動測光好多時會過光, 可能用全手動會較好, 雖然人手校會慢, 但好過自動 mode 下通通 over。至於對焦, 我諗你可以考慮搵個和主體相近又固定又夠光o既位置對好再移去主體影, 就可避免主體郁動對錯焦。而非單鏡機最大光圈也不大, SX30IS zoom 起來是 f4-f5 左右, 景深唔淺, 對焦有偏差都唔會太矇。至於 ISO, 我估 200-400 都差唔多, 再高o的俾你影到都眼冤, 張張相變晒磨砂。

謝謝各位寶貴意見, 十分實用!