2024-25年度已公佈的巴士路線計劃
【終極學車分享】掛接車輛!!!
小弟於本年2月中取得中型貨車(18號牌)後,便取得報考掛接車輛的考試「入場券」。 在全港為數不多(好像只剩11架)的掛接教考車中,最後小弟選擇了榮賢駕駛學校徐師傅的 M-Benz Atego 918配上40呎單擔拖架作為學習掛接車輛之用車。而經過大約一個多月的學習, 最後小弟終於在七月尾成功取得重型及掛接車輛(20號) 牌,令小弟除了電單車(3,22號)牌外, 坊間可以直接報考的車牌小弟都集齊了! 小弟用車是2001年出廠的榮賢駕駛學校M-Benz Atego 918拖頭 現時榮賢的教考掛接車輛由有24年教考貨櫃車經驗的徐師傅負責,徐師傅對學生要求是相當嚴格的! 榮賢是全港第一架使用平治作為教考車,配上40呎單擔拖架,出街比20呎難,但泊位卻相對容易 配上40呎單擔拖架,而考試時要成功一次過通過泊位>口試>路試(連操波)>拆架考試才能合格的, 所以掛接車考試合格率普遍都不高,約35%! 中控台,此車採用五前速波箱,經過徐師傅的悉心調較後,動力來得比較適中,不會像教仔學院果部咁郁d就著Turbo! 此車雖然已達11年車齡,但保養仍然是相當一流 考試當日眼見有接近一半考生因泊位失敗而即場肥佬唔洗出街,小弟當時心情非常緊張壓力不禁因此而增加, 好彩最後都順利完成泊位和路試,完成路試後當考牌官叫小弟落車拆架時,小弟的壓力作得以有所舒緩。 在此感謝徐師傅的教導和考牌官的高抬貴手! 另外提醒想學掛接車輛的朋友,如果想跟徐師傅學,但之前是受慣“教仔學院”那種「尊貴學生」教法的朋友就請三思, 未必個個人受得住徐師傅的語氣。我學車時都比佢鬧到扒係度,不過跟徐師傅真係學到什麼是駕駛(技術),真係比佢鬧多多都值。 而學掛接車輛的要求是比中型/巴士高很多,但不外乎是多望鏡和轉彎技巧有所不同,多謝徐師傅在這一個多月來的勞苦教導! 希望過多幾個月後等徐師傅的考期較疏後,小弟出街操練下開掛接車的技巧,技術提升後希望徐師傅能夠願意讓小弟駕駛 一架12米長的拖架全長14米的掛接車行走大潭道和赤柱峽道,作為小弟自己的「真正終極駕駛挑戰」! 多謝收看,歡迎討論! [ 本帖最後由 volvo_chan 於 2012-8-14 20:51 編輯 ]
Advertisement
小弟係跟另外一部BENZ 好運駿發馬師傅學, 學左40幾堂1次PASS, 請問你考轉左定轉右條線, 轉右果條難好多
請問兩位, 你地學左幾耐? total 用左幾多錢?
引用: 原帖由 oman 於 2012-8-11 10:29 發表 請問兩位, 你地學左幾耐? total 用左幾多錢?
貨櫃車真係好難考 尤其泊位果part 我早一兩年學果陣 去到考之前果日補鐘都唔係次次泊得到 p.s. 我當年跟鏗鏘學, 考轉右果條考線
欠 17,入九記放低 $3000 考埋佢啦﹗
已有9,10牌人士不用/不可再考17牌
引用: 原帖由 老劉 於 2012-8-9 21:30 發表 小弟係跟另外一部BENZ 好運駿發馬師傅學, 學左40幾堂1次PASS, 請問你考轉左定轉右條線, 轉右果條難好多
想問拖頭口試題係問什麼題目 ?THX!~
引用: 原帖由 ma2 於 2012-10-14 22:08 發表 想問拖頭口試題係問什麼題目 ?THX!~