2025-26年度已公佈的巴士路線計劃

許久都沒有行過山了
今次既目標係呢個座落於大嶼山花坪的一個荒廢地方－藍鯨灣。

先簡介一下「藍鯨灣」這個地方的來由和他的過去。
話說珀麗灣在興建中的同時，發展商亦都在大嶼山花坪的一個普通沙灘以1000萬購下來，並作為私人會所的沙灘。
而珀麗灣亦會提供遊艇地方來往這兩個地方。
然而，不知道甚麼原因，這個地方最終被發展商放棄
令到這裏一直荒廢至今。
而雖然這個地方理應為私人地方，普通人等不得進入
不過實際上這裏經已無人看管，而許多行山客都會經過這裏。

好啦唔講咁多，先從青馬收費站出發


行左約九個字既梯級，終於發現目標了

行山，帶走自己的垃圾本應是公民意識
可惜沿路所見的垃圾愈來愈多
有些垃圾被棄在這裏，不知已經有多少個歲月。

在臨到藍鯨灣的時候
發現了一個廢棄的（屋？）

徐步入去，只看見甚多的垃圾堆積在這裏。
但是 .... 為甚麼會有個喼係到的？

行左個幾鐘，終於到達藍鯨灣了  


完全不明白點樣會棄置係呢個地方


應該是作為會所的地方。

係呢到，你會望哂2條「世界級」的大橋
水清沙幼，又會望到自己既屋企－珀麗灣
要廢棄這裏實在可惜！







重門深鎖，無法進入。





會所後面的山頭為一塊農田

和一些經已爛尾的建築物

不知是甚麼年代的東西

本來諗住想沿住山頭後面的小徑繼續行去迪士尼
可是有其他由呢到黎的行山客同我地講，話水漲已經好難再行
再加上路程比原來的更艱難的情況下，決定沿路回程算。


再次走過這個沙灘，發現這支經已退哂色既可樂  

沿路回程途中，逐發現一條分叉路
查看地圖得知另一路可能經過草灣、三轉、二轉並經過橋底返返去收費站
由於經地圖得知條路不需上山落山，應該會好易行
所以決定又盲鐘鐘咁摸呢條路走

路途經過草灣，發現了幾座已經荒廢了的村屋。



元全飽覽汲水門大橋和青馬大橋
可惜今日天公不造美，否則則是一幅美圖！！

係行到終點之際，卻竟發現是一條通去青馬管制區的道路
但基於就快入黑，無理由拆返原路的情況下
決定硬着頭皮咁經過青馬管制區，並沿住北大嶼山公路返去青馬收費站


成個行程咁就結束
諗返起都有種戰戰兢兢既感覺
好彩係青馬管制區無人阻止我地行
不過我亦都唔知比唔比行

後來返到屋企之後上網search下人地既行蹤
發覺有D人都會用呢條路去行既時候
終於鬆左淡氣

謝謝點閱！

[ 本帖最後由 S3BL417 於 2013-1-12 22:00 編輯 ]

沙灘上的垃圾應該是由海沖上岸的。

個支經已退哂色既可樂......... 可能係尿

每次路經青馬大橋都會留意到呢一個地方，上網查地圖又唔知點去，而家終於知喇，謝謝!!!

打過咁多次風, 自然積左好多垃圾~

睇怕過多十年八載個頂都會淋落黎

果個喼入面會唔會有....

個喼可能係機場沖過黎

搭單問：部擺渡車係咩廠出咩型號？好似唔係N922