引用: 原帖由 AD15113 於 2013-2-4 17:25 發表
沿途基本上無分叉路所以唔覺有指示。所以指示牌也不覺有(除開頭及伯公㘭的交匯點附近)。也無記得指示上所指的時間。
少少題外話:
唔係話科技唔好, 有陣時覺得行山抑或市區行街都好, app呢樣野始終發展未成熟, even電子地圖資料亦有不足,
現階段完全靠科技產品認路真係行唔通.
舉個實例: 平時有時會搭船, 之後由觀塘碼頭行去麗港城, 上月某一日如常沿榮業街準備轉右出偉業街(宏利對面),
突然有三名妙齡少女晌街角迎面而來, 一齊望住部手機話「係呢度啦, 係呢度啦」, 回頭就見佢地入左榮業街!
當時我真係
, 呢條街直通落海, 一邊係牆另一邊係工廈車輛出入口, 盡頭係車房, 究竟佢地點解非入呢條街不可呢,
真係耐人尋味, 返到屋企上網搵下G字頭o既網上地圖, 赫然發現地圖所指的榮業街係轉埋入碼頭前面.
不過, 實情轉角位之後只係一條可同時容納兩個人過o既巷仔(近來做外牆維修仲封左一半), even行慣附近o既人
亦唔會貿然行入去(多數經LU Plaza正門出入偉業街), 街盡頭會有釣友在觀塘繞道橋底流連, 車房亦只有數名男子,
其餘只有風和垃圾.
小弟唔清楚依家有咩app可循, 連山徑同行程時間都show到出來, 不過現階段個人就唔prefer跟網上資料遠足,
始終係荒山野嶺, 人生路不熟, 跟番有一定可信性o既地圖/官方網頁介紹去行會比較好.
或者不如樓主講下係咩app, 睇下跟唔跟得過.