自動波車輛是否真的比棍波容易操控?

請問除轉波之外，自動波車輛是否真的比棍波容易操控?
例如上斜開車、倒車操作等。

本人日前在考棍波私家車BC兩部分合併考試均不合格，上斜開車溜後和死火了數次。
導師及駕駛學校職員也建議我轉考自動波。
而本人考車主要是日後出門以車代步，
另外除電車和輕鐵，本人日後亦沒有打算駕駛其它公共車輛和貨車。

先謝謝大家意見。

上斜開車溜後﹐好明顯係你掌握唔到磨擦點(吊極力子)。

平路開車你唔掌握唔到技巧都唔係好覺﹐最多chok 一chok。

師夫教落﹐左腳鬆一半﹐右腳比油﹐再鬆手制﹐行開始行才慢慢鬆左腳﹐這樣做在考牌時基本上唔會出事。(紅字係重點﹐平路開車都係需要做的)
基本上﹐極力子鬆一半便是磨擦點﹐十部車九部九都適用﹐這個位唔會相差好遠。


自動波真係易過棍波﹐最少你隻左腳會好輕鬆﹐唔需要掛住去吊極力子。
同一時間亦唔需要去分神在適當車速去轉波﹐即係左手左腳都會得閒左﹐一定唔會出現行車期間左手左腳不配合﹐令到死火或chok 到亞媽都唔認得。


正常自動波車在學車及考牌﹐應該都係比油後﹐部車有向前/後的動力才鬆手制﹐基本上都唔會出現開車溜後問題﹐自動波車亦唔會因此而死火的。


除了轉波及吊極力子問題﹐即係死火同chok。其他駕駛係同棍波車相同的﹐沒有分別﹐唔會因為自動波車行駛cut線會易d﹐轉灣唔會行錯線位的。



以現今的車輛來講﹐如果你只係考私家車 及 將來考輕型貨車的話﹐兼且你都係買代步車﹐自動波啦﹐不用煩。
你想搵部棍波私家都唔係易﹐稍為叫做新d的私家車都係自動波。
即使將來要搵食﹐的士已經係自動波﹐客貨車都有自動波選擇。

考電車及輕鐵﹐棍波自動波都無關係的。(要求你有車牌﹐好似只係法例要求﹐目的係要你識交通規則﹐實情都係要由鐵路公司再培訓考試考牌合格﹐你才可駕駛鐵路)
去考專利巴士都無問題﹐巴士公司的車都係自動波﹐幫你考牌後﹐車牌係附帶A字﹐只限自動波車﹐專利巴士所有車都係自動波﹐一定無問題。(以九城新3間公司而論)

[ 本帖最後由 kei_hk 於 2015-4-15 23:11 編輯 ]

難聽D講, 樓主做乜咁睇唔開

棍VAN已經唔易考, 棍私家車仲難考過VAN…

原帖由 HB00610 於 2015-4-16 12:37 AM 發表
難聽D講, 樓主做乜咁睇唔開

棍VAN已經唔易考, 棍私家車仲難考過VAN…

藍字我真係好認同。


我自己當年係「買2送1」的﹐所以考輕型貨車﹐當年無自動波van的。

但係學車時已經feel 到私家車在考牌技巧上﹐唔比貨van 低。
雖說貨van 車身大﹐但係多左一塊尾鏡﹐多左一塊前鏡睇車頭﹐在泊車及掉頭真係多對眼﹐睇到部車是否去到適當位置。



認真講﹐純粹學私家車﹐真係自動波車啦﹐現今香港地想買棍波車唔易的。
將來你有需要學重型車﹐將來才訓練番左手左腳的協調好過﹐無謂再浪費金錢時間在棍波之上 (這是你提及的死因)。

棍波貨van 又易睇位, 幅偈又夠扭力真係易過的私家車好多

而家考牌都係買2送1

所以考棍私家車真係…又難考個牌又有局限~

原帖由 kei_hk 於 2015-4-16 09:47 發表

藍字我真係好認同。


我自己當年係「買2送1」的﹐所以考輕型貨車﹐當年無自動波van的。

但係學車時已經feel 到私家車在考牌技巧上﹐唔比貨van 低。
雖說貨van 車身大﹐但係多左一塊尾鏡﹐多左一塊前鏡睇車頭﹐在泊車及掉頭真 ...

本身我未學/渣過棍波私家車, 學都係棍van
但聽有駕駛棍私家車既朋友講，棍私家車係堅難...難過貨van好多

原帖由 fm1234 於 2015-4-18 14:04 發表

本身我未學/渣過棍波私家車, 學都係棍van
但聽有駕駛棍私家車既朋友講，棍私家車係堅難...難過貨van好多

因為棍私家車行汽油引擎，個扭力無行柴油引擎咁好
棍van可以唔俾油起步但棍私家車就一定要印少少油先得
而且棍私家車個極力子摩擦點係難搵少少
私家車個油門又容易高轉數(抬速轉數高)
所以棍私家車係難揸啲

不過香港地宜家都自動波當道
就算宜家啲人考貨van都有唔少人考2A號(只限駕駛自動波車)
一塞車揸棍波真係叫苦連天
我學車時練完試場返九龍塘
窩打老道大塞車
我全程只係用極力子加少少break行左半個鐘
落車果刻我左邊小腿差啲抽筋

樓主如果你真係覺得自動波會令你pass到就考自動波
始終安全最重要，如果搞唔掂棍波就揸自動波focus係道路安全上
而且我都相信就算你考左棍波牌
揸到棍波車嘅機會都唔高
最多到時3年牌考返中型貨車牌
有得揸返棍波又有埋輕型貨車仲抵啦

利申﹕棍van一take pass

先感謝以上站友意見。
請問大家由開始學習BC部分到合格用了多少時數學習？

原帖由 htwong 於 2015-4-22 03:59 PM 發表
先感謝以上站友意見。
請問大家由開始學習BC部分到合格用了多少時數學習？

我當年係教仔學院學輕型貨車﹐所有考試要一take過﹐無得話出街 & 場內試分開考的﹐先考場內試 (順序為視力﹐斜路開車﹐泊位﹐掉頭)是旦一part 肥左﹐之後便不用考。
即係斜路衰左﹐你提早收工﹐泊位掉頭便不用考。
場內試有野衰左﹐街都無得出。

而教仔學院所有course 都係指定時數的﹐上少一堂都唔比你去考牌的。實際幾多個鐘﹐我都唔記得﹐或者你可去教仔學院個網頁看看。

[ 本帖最後由 kei_hk 於 2015-4-22 16:43 編輯 ]