2024-25年度已公佈的巴士路線計劃
[多圖]JR四國火車 (特急/快速篇)
第一個post, 有咩做得唔好希望大家提點! 上個月一個人去咗日本四國玩咗8日, 作為火車迷梗係唔可以唔影JR火車啦! 暫時未見好多交通迷去四國影火車, 其實JR四國嘅火車非常有特色,而且天藍色好靚。 加上振子式氣動特急,轉彎都唔駛減速, 可惜因為名氣唔高而唔多人坐, 特急成日坐得幾個,普通車仲試過包車, 希望係度Share比大家,吸引各位交通迷去四國一睹JR橫斷山谷 瀨戶大橋線「Marine Liner」 - 5000系(223系5000番台) 每半個鐘一班,班次密車又靚,首推坐車尾睇火車過瀨戶大橋,唔駛加錢又有靚景睇。 四國內最常見到嘅特急車款 特急「南風」 - 2000系,由高知去岡山/高松 坪尻站攝 特急「足摺」行都係2000系,由中村去高知(有時會去埋高松), 雖然得兩卡車,但成卡車都係得十個八個人。 琴日喺若井站出事嘅火車正係足摺。 阿波池田站 特急「南風」和「足摺」交會。 都係2000系 - 高德線特急「渦卷」高松 - 德島 名字來自鳴門海峽漩渦,個名好正。 仲係2000系 - 特急「宇和海」 松山 - 宇和島 (一日一班由岡山去宇和島) 後來先發現原來呢架有TSE字樣嘅係2000系樣版車 「宇和海」仲有一隻氣動特急 Kiha 185系, 但近年行普通為主。 除咗宇和島之外,Kiha185亦有行德島線特急「劍山」德島 - 阿波池田, 不過今次就無坐到,下次有機會再坐。 而且來往德島-牟岐嘅特急都係行Kiha185,但可惜時間夾唔岩影唔到。 四國最豪華火車 - 8000系 行走特急「石鎚」、「潮風」,來往高松/岡山 - 松山 車內靚到好似坐新幹線一樣。 其實仲有8600系,但只係得一抽,見到呢架車唔容易。 不過另一邊車頭好核突。 當然不可不提四國最重要的列車 - Sunrise 瀨戶 日出瀨戶號用285系行,前一晚2200由東京出發, 開到岡山後會拆卡,一半去高松一半去出雲市, 其中最受歡迎莫過於nobinobi席,唔訂坐唔到架! JR四國特急篇就講到呢度, 下一次就介紹下普通車。 各位有興趣可以和我交流日本火車的呢! Thx. 4 Reading
Advertisement
師兄未有機會捕到 8600 系同埋予土三兄弟? 睇番啲相, 又勾起好多年前的四國之旅
引用: 原帖由 cky 於 2015-7-12 02:44 發表 師兄未有機會捕到 8600 系同埋予土三兄弟? 睇番啲相, 又勾起好多年前的四國之旅
講起有特色,我反而認為九州車比四國車更有特色,更豪華
引用: 原帖由 sammyleung719 於 2015-7-13 21:41 發表 講起有特色,我反而認為九州車比四國車更有特色,更豪華
JR四國係講實際,要吸日常客 玩豪華,只係一列伊予灘物語已經夠了
D圖係某大論壇見過 原來係同一個人
特急「足摺」果卡2424其實係130km/h對應試作車, 所以用舊版頭幅但係上左N2000車身色彩