對唔住,就算我覺得近年九巴嘅路線planning 進步左,呢條6P線真係plan 得好差。(214係招標線,要跟足運輸署嘅方法黎行,無辦法……)
當然,如果佢係為左呃里數,咁就算數啦。
************
1. 既然佢深水埗區嘅行法同6D咁似(只係6P深入蘇屋咁解),點解佢仲要行彩虹道?彩虹道俾返6D做,6P直衝出去啟業咪得?
2. 而家佢係想做深水埗居民往返觀塘、九龍灣返工,問題又黎啦:
(a) 九巴都學識2X、296C等等飛下站啦,點解呢條6P又唔飛下站,縮短行車時間?(下繁佢又識飛九龍城,上繁又唔飛?)另外,界限街、太子道西本身都應該飛,慳得幾多時間得幾多。
(b) 點解仲要去到油塘?去油塘唔緊要呀,但點解係要兜成個藍田山?
(c) 好啦,俾你兜藍田山都唔緊要,但你下繁係油塘開嘅時間,出到觀市都隨時過左最繁忙嘅時間。咁你做咩客?
(d) 佢做藍田山住宅區唔緊要,但最好笑佢又唔開上繁往長沙灣,同下繁返油塘嘅班次,咁對藍田山黎講,6P有咩用?