[經典紀錄片]九巴反對輕鐵專區

[經典紀錄片]九巴反對輕鐵專區

(7-6-1986)無線電視-新聞透視(輕鐵,九巴,城巴)
http://www.youtube.com/watch?v=aOxv6GX1eQc (Part 1)
http://www.youtube.com/watch?v=yncz6F_8mus (Part 2)

九巴當年強烈反對設立輕鐵專區,
但同時都反對城巴開辦第一城巴士線, 究竟他們是歡迎還是反對競爭?

呢集新聞透視應該重有第一城 82X 大戰 62R 一段o番......

原來當年九巴都有反對過..不過政府當年既理由又好像幾合理，
無輕鐵都係得九巴做，只不過用輕鐵代九巴...
不過如果現在再用依個理由肯定被插死....

樓主幾時UPLOAD埋CITYBUS第一城果PART>?

原帖由 Swedenscania 於 2009-2-23 20:18 發表
原來當年九巴都有反對過..不過政府當年既理由又好像幾合理，
無輕鐵都係得九巴做，只不過用輕鐵代九巴...
不過如果現在再用依個理由肯定被插死....

樓主幾時UPLOAD埋CITYBUS第一城果PART>? ...

始終當時九巴擁有專營權, 又點會冇反對既聲音。
不過九鐵提既理由都好清楚, 如果政府唔係有輕鐵專區呢個誘因,
根本就唔值得去起。經過廿年經營, 我諗冇乜邊個做過輕鐵會覺得
呢個投資係正確, 付出幾多心血都係白費, 可以話冇乜外人會懂得體諒,
與市民之間既爭吵從不間斷, 不管是誰是誰非, 總之只有一肚氣。

所以九十年代有一班經常鬧輕鐵既區議員建議輕鐵拉出荃灣, 輕鐵
裏面班人都唔會理佢地, 根本都唔知佢地想點。

政府起輕鐵原意係應該一讚，可惜生不逢時！

輕鐵當年只係一套孤立鐵路系統，只能做區內接駁，唔可以通市區，就好難有盈利。

政府一心發展到屯門、元朗新市鎮可以自給自足，居民毋須出外返工返學，但又事與願違呢。

呢種環境下，輕鐵、巴士並存無疑只有累鬥累，叫巴士讓路俾輕鐵，似乎係無可避免o既選擇，但係好難贏到居民o既贊同。而且輕鐵票價上無法令居民歡天喜地咁棄巴士轉用！

原帖由 KR1691@102 於 2009-2-23 21:23 發表
呢種環境下，輕鐵、巴士並存無疑只有累鬥累，叫巴士讓路俾輕鐵，似乎係無可避免o既選擇，但係好難贏到居民o既贊同。而且輕鐵票價上無法令居民歡天喜地咁棄巴士轉用！

當時仍是熱狗既天下, 換左全空調既輕鐵, 車費貴巴士一截本來係理想當然既事,
不過市民一般係唔會接受呢個差別, 於是區內一直以非空調巴士收費作為輕鐵格價
不合理既理由。再加上輕鐵一開始已出現擠迫既情況, 輕鐵一直只係一面倒帶給區內
負面到爆既形象。更遺憾既係, 輕鐵本以開放式月台方便乘客, 卻令不少居民多年來
不習慣新既交通模式, 議員一而再, 再而三責難九鐵採用呢種模式。於是就連逃票等
違規既行為, 輕鐵方面經常成為理虧既一方。

呢排見到板上不時有人話劉德華果句野累到服務業人士好難做, 但恐怕輕鐵入面既人早在
呢句話出街之前已經長時間深刻體會到呢句話帶出既反效果 (即使呢句話本身意義係好)。

呢集新聞透視全長25分鐘,另一部份為食物中毒的報導,有關交通部份已全部上載!

原帖由 fw1321 於 2009-2-23 20:54 發表


始終當時九巴擁有專營權, 又點會冇反對既聲音。
不過九鐵提既理由都好清楚, 如果政府唔係有輕鐵專區呢個誘因,
根本就唔值得去起。經過廿年經營, 我諗冇乜邊個做過輕鐵會覺得
呢個投資係正確, 付出幾多心血都係白費 ...

但倒轉如果當年政府向九巴提出, 叫佢自己起 LRT
咁九巴又唔會話被人奪去專營權, 同時九鐵又唔需要話因巴士公司與鐵路競爭而冇盈利 ~

外地0既輕鐵系統，係以載客量低0既車箱、配合頻密班次來運作，服務人口密度低至中0既地區，而輕鐵系統係作為都會鐵路系統0既分支，而唔係獨立0既一個交通系統。
新界西北0既「輕鐵」，根本唔算係一個「輕鐵」0既概念，實際上係一個城市電車系統。
用電車來作為以住宅為主0既中密度地區0既區內交通系統，係好罕見0既，呢D電車0係外地只會0係人流繁忙0既城市中心先會見到。
以前提起規劃新市鎮，就好多時會同時提及「衛星城市」0既概念，但今時今日，已經極少0係新聞傳媒同政府公文中見到呢個字眼。

[ 本帖最後由 Jeffrey 於 2009-2-24 09:22 編輯 ]

原帖由 Thomas 於 2009-2-24 07:44 發表
呢集新聞透視全長25分鐘,另一部份為食物中毒的報導,有關交通部份已全部上載!

即係最後TVB無播城巴果PART???