長勝巨巴拜見小甜甜 (長文, 多圖注意)

(麻帆良市時報記者キズナアイ報導)
はい、ども! キズナアイです~♥
12.8m 嘅雙層巴士喺香港依家已經唔係乜野新鮮事啦,
事實上原本香港一直以來雙層巴士嘅 12m 三軸規格,
隨住乘客嘅乘坐舒適要求提高而轉用 2+2 座位編排,
加上新式巴士使用超低地台同直樓梯等規格,
都令現今一架 12m 三軸巴士嘅可使用空間顯著減少,
只有將巴士車身再加長先至增加巴士嘅可使用空間。

踏入 2016 年, 龍運巴士營運初期引入嘅機場巴士已屆法定退役之齡,
龍運喺引入新巴士以替換舊車之時, 亦銳意革新其企業形象。
而新車嘅選取方面, 雖然依然係目前香港巴士市場普遍採用,
由 Alexander Dennis (ADL) 生產嘅 Enviro500 MMC "Facelift" 版雙層巴士,
但係新車唔只換上全新嘅車身色彩,
車廂更配備多項以往龍運車隊前所未見嘅嶄新設備
㤡如 USB 充電插座、椅背雜誌網袋、車廂天花落車鐘、
巴士預計到站時間顯示屏、低透光度車窗等，
內飾亦改以灰色、卡其色同橙色配搭,
而當中 39 架新巴士 (1501-1539) 為 12.8m 規格,
亦令龍運成為首間採用 12.8m 客車版 Enviro500 MMC 嘅機場巴士公司,
呢批批新車設有 82 個座位 (上層 55, 下層27) 同 47 個企位, 總載客量為 129 人,
車廂下層亦設有大型行李架, 方便乘客擺放行李之用。
新車喺 2016 年 6 月首航之際, 龍運亦於同日全面更換制服設計,
車長制服由以往嘅白恤衫改為剪裁貼近九巴制服，
並以深灰色配橙色為主調嘅上衣,
龍運同時亦起用模仿九巴嘅全新標誌,
以增強兩間姊妹公司形象識別嘅連貫性。

今日, 麻帆良市正式歡迎龍運 ADL Enviro500 MMC "Facelift" 12.8m 版雙層巴士登場!!
今日到埗嘅呢架 UD 6053, 車隊編號 1506 嘅 Enviro500 MMC "Facelift 12m 巴士,
就係龍運換上全新車身色彩嘅新巴士嘅其中之一, 市長 Super Bus 話,
雖然龍運巴士革新形象係好事,
但係當佢第一眼見到架新巴士成個好似 "抽油煙機" 嘅車身塗裝,
覺得有一種 "說不出的怪", 始終唔及舊款嘅橙白配飛機圖案嘅
"通天巴士 AIRBUS" 拉花來得咁好睇,
但係過多一段時間再睇多幾眼, 又覺得隻拉花其實都唔係咁差,
不過亦正因為呢批新巴士嘅 "抽油煙機" 拉花,
加上 Super Bus 最鍾意以龍運巴士嘅英文名字 "Long Win"
取其意譯而戲稱為 "長勝", 因而將呢批新巴士戲稱為 "長勝牌流動抽油煙機",
名字雖長但係不失令人會意一笑嘅綽號。
早前入左架行 A37 嘅12m 版嘅佢,
今次呢架行 A31 嘅 "長勝巨巴", Super Bus 自然亦鼎力捧場,
Super Bus 仲話, 龍運最新一批 12.8m 嘅 Enviro500 MMC "Facelift" 版雙層巴士,
配上 "改良版" 嘅車身塗裝, 比 "抽油煙機" 拉花更好睇,
希望喺不久嘅日子, 有機會推出模型,
到時佢一定會鼎力支持咁話!

隆重歡迎! 龍運 ADL Enviro500 MMC 12.8m "Facelift" 版雙層巴士, 1506, 見參!!










證書編號 0812, 限量推出 1200 架


正式落地!! 小惠惠嘅一身裝扮同龍運巴士嘅新車身塗裝睇落又幾匹配啵~ ^^










大家仲記得人稱 "小甜甜" 嘅龔如心嗎?
如心廣場 Nina Tower 就係以佢嘅名字來命名嘅










當 12m 遇上 12.8m












本文主角





Thanks for reading~