hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (R) Railway 鐵路討論區 港外鐵路 (R3) [CA] '20 北美獨遊記之 雪國通勤電鐵的最後寒冬 ...
開啟左側

[北美] [CA] '20 北美獨遊記之 雪國通勤電鐵的最後寒冬

[複製鏈接]
theodore.c 發表於 2020-5-7 13:58 | 顯示全部樓層 |閱讀模式

                                    Advertisement



本帖最後由 theodore.c 於 2020-5-10 03:21 編輯

小弟今年2-3月因爲學術關係去咗多一次美加,返到嚟香港嘅時候,當地嘅武肺疫情已經好恐怖咁惡化。小弟得知到喺嗰邊嘅同業、朋友大致上冇事,之後猶疑咗好耐先覺得可以開始寫呢個新一輯嘅 travelogue,向大家推介吓一啲自己喺當地見到嘅最精彩、同交通有關嘅行程、事物,同時鼓勵大家疫情過後,有機會嘅時候親身體會一下。雖然今次行程比較緊密,益火車同食好西都唔係主要目的,但係都好難得有少少空檔可以重遊幾個自己好鍾意嘅城市,同時間可以去唔少新地方。正因爲行程頻撲,今次就冇幸再乘搭長途(或者中距離)嘅Amtrak火車,但係就展開咗幾程非常獨特嘅通勤鐵路之旅,亦都好有幸坐足三程畢生難忘嘅內陸航班。事不延遲,而家同大家介紹印像最深刻嘅其中一條鐵路!
==========
2020年2月13日,充滿法國氣色嘅魁北克最大城市滿地可,氣温只有-10°C,小弟完全未試過咁凍、見到街上面咁多雪。但係因爲呢度係加拿大 (?),所有嘅交通工具仍然會正常運作,對於一個撮り鉄/乗り鉄嚟講,可以雪地上乘搭、拍攝列車,更加係一個好難得嘅機會。
成地都係雪,好緊張噉到達熟悉嘅 Montréal Centrale 站。呢個幾有特色嘅車站小弟早喺2017年已經嚟過,當時喺由 NYC 乘坐 Amtrak 嘅國際列車。(沿途風景非常靚,可以睇下上年寫返嘅 travelogue)。

好急噉買飛,之後沖落月台上車,呢張内部相係之後嗰個星期日補影嘅。Montreal 嘅通勤列車,星期六日大部分路綫都係冇車嘅。而 Canadian Pacific 公司當時擬興建穿過原住民家園嘅石油喉管,旗下嘅鐵路路綫喺原住民抗議底下被堵塞,使用該路段嘅 VIA Rail / Amtrak 長途/中距離列車全部取消。亦都因爲噉,小弟之前一日從多倫多到滿地可嘅旅程,就變咗7小時嘅 Megabus 初體驗! S0996179.JPG S0966176.JPG

返返去正題
今次乘坐嘅路綫,係已經 rebrand 爲 exo 6 嘅通勤鐵路,真正嘅名稱係 Ligne Deux-Montagnes。總延長29.9km嘅路綫,從 Gare Centrale 途經穿過 Montreal 地名嘅起源 — Mont-Royal — 足足5公里嘅隧道,再離開 Montreal 島,到達 St. Lawrence 河左岸嘅 Deux-Montagnes。長大嘅 Mont-Royal Tunnel 建於1910年,當年係整個 Canadian Northern 網絡到達 Montreal 市中心嘅唯一方法,但係後來已經完全成爲通勤路綫。位於市區嘅 Centrale 到 Bois-Franc 一段係複綫,班次一直非常頻密,之後嘅路段係單綫。不過,鑒於隧道嘅排氣問題,呢條鐵路最獨特之處,係全加拿大爲一一條電氣化嘅鐵路路綫!(當然地鐵/電車除外。) 喺 Canadian National (CN) 旗下,行喺呢條綫上面嘅 Montreal Commuter 一直使用 2400V DC 電化,極之殘舊嘅電車/電機 (呢度有相。電車竟然好重昭和初期嘅小田急風味!),直到市政府接管後,喺1995年將電壓提升爲 25kV AC,再引入全新嘅 Bombardier MR-90 EMU,成爲而家 Deux-Montagnes Line 嘅主力。每日亦有一條 ALP-45DP Bi-mode 機關車 + bilevel coach 字軌。 S0113016.JPG
呢一條加拿大獨一無二嘅電氣化鐵路,可惜時日冇多。Deux-Montagnes Line 一直都係加拿大數一數二最繁忙嘅鐵路,1960年代已經有計畫將市中心嘅路段改裝成 Métro 嘅延伸綫,但係一直都唔成事。2018年,規劃已久嘅 Réseau express métropolitain (Metropolitan Express Network) 鐵路項目終於動工,其中 Mont-Royal Tunnel 同將會昇級嘅 Deux-Montagnes Line 將會成爲呢個項目嘅核心。有別於巴黎嘅傳統近郊鐵路 RER,Montreal 嘅 REM 將會係全新嘅自動無人駕駛 rapid transit 系統,Deux-Montagnes Line 全綫亦都將會改爲 grade-separated 、複綫嘅 full metro (使用同黨鐵運營嘅悉尼地鐵一樣嘅 Alstom 科技)。換言之,Deux-Montagnes Line 而家正面臨史上最大嘅改變,2022年再開業時,加拿大「唯一」嘅電氣化鐵路已經唔再係傳統鐵路。
2月當時,改裝工程正如火如荼噉進行,呢個 travelogue 將會介紹當事嘅情況。三月開始,市中心嘅區間已經開始運休,複綫嘅尾站 Bois-Franc 成爲市中心總站,有接駁巴士駛往最近嘅地鐵站,而五月整條綫都會運休,後年先會有鐵路坐。

==========

上車!09:25 開出嘅 929レ 由10卡嘅 MR-90 擔當。冇人嘅時候影咗幾張内籠相,之後再補影多幾張,第一個感覺係,呢個内籠竟然有少少似陳相識... 唸咗好耐,發現其實有少少似九鐵黃頭嘅頭等車廂嘅色調同埋座位形狀 (當然只係巧合啦)。
MR-90 係以 Mc, Tc 同 T 嘅車箱自由編組,每卡兩邊車端玄關設有附梯級嘅車門,車廂中間設有供高月台嘅車門,只會喺 Gare Centrale 使用。全車都係 tranverse seating (ボックスシート),中間車門旁有可以改爲輪椅座位或者單車架嘅褶凳。車窗喺北美嚟講算好大,車廂整體感覺非常光猛,狀態亦都非常好,完全唔似臨退得返3個月命。

S0040004 (2).JPG S0233034.JPG S0323047.JPG S0303044.JPG S0353051.JPG S0283041.JPG S0121029.JPG

列車准時出發。通過 Mont-Royal Tunnel,需時 9 分鐘,出隧道前嘅scissor crossing 進入「錯方向」嘅路軌。
S0191036.JPG S0221039.JPG

出隧道,立即進入冰天雪地嘅世界!上年年尾開始,右邊嘅下行綫已經被圍版阻擋,進行昇級嘅工程。複綫區間已經變成單綫軌道,班次自然減少 (星期一至四21往復,星期五16往復,星期六日運休)。出隧道嘅位置,工程開始前係 Canora ('CAnadian NOrthern RAilway') 車站,工程開始之後已經同站距非常短(750米)嘅 Mont-Royal 站二合爲一,成爲臨時建喺下行綫上面嘅 Mont-Royal / Canora 站。停靠 Mont-Royal / Canora 之後冇幾耐,再通過 Mont-Royal 站。
S0231040.JPG S0271045.JPG S0321052.JPG

Gare Centrale 至 Mont-Royal 嘅區間内,Deux-Montagnes Line 與班次比較疏落,非電氣化嘅通勤路綫 exo 5 (Ligne Mascouche) 共用路軌。呢條路綫唔會昇級做 REM,但係好似Deux-Montagnes Line 部分班次噉,使用最合適嘅 ALP-45DP bi-mode 機關車。5月開始,Mascouche Line 將會以分枝後第一個車站 Ahuntsic 做總站。過咗 Mont-Royal 冇幾耐,即刻通過分支點。呢個位,會喺 REM 通車後成爲名爲 Correspondance A40 嘅轉車站。 喺 Du Ruisseau 同另一抽 MR-90 交換,之後到達(原本嘅)複綫區間最後嘅 Bois-Franc 站。3月開始,所有 Deux-Montagnes Line 列車都已經喺呢個站始發。
S0371057-2.jpg S0451066.JPG S0521073.JPG


停靠 Sunnybrooke 、對面月台有 road-rail vehicle 嘅 Roxboro-Pierrefonds 後,列車離開 Montreal 島,進入 Laval 市範圍。橫過 Rivière des Prairies 嘅桁架橋,冰天雪地嘅風景如詩如畫,好有北國風情。 S0561078.JPG S0591081.JPG
S0621085.JPG S0661092.JPG S0691100.JPG S0731110.JPG

到達
Île-Bigras 站。故名思義,呢個小站位於一個小島上面,島上嘅公共交通只有鐵路。
S0791118-2.jpg

離開 Île-Bigras 站後,列車立即通過第二坐鐵橋,到達位於 Laval 島上嘅 Ste.-Dorothée。之後途經第三同第四坐鐵橋,中間經過一個無人小島,然後正式到達 St. Lawrence River 嘅左岸,並停靠 Grand-Moulin 站。
S0851127-2.jpg S0931139.JPG S0941140.JPG S0062008.JPG
離開 Grand-Moulin 後,乘務員帶領所有喺終點 Deux-Montagnes 到最尾嘅兩卡落車 (雖然月台夠長,但係只會開啟兩卡嘅車門)。10:13 到達,搭勻全綫只需48分鐘。Deux-Montagnes 係全綫(除 Gare Centrale 之外),唯一一個真正設有站舍嘅車站,隔籬月台正停靠緊準備擔當 93610:20 往 Gare Centrale ALP-45DP+Bilevel coach consist。
S0082010.JPG S0102012.JPG S0122015.JPG S0152019.JPG

車站位於住宅區内,付近乜都冇 (15分鐘路程内有個細商場)。因爲冇嘢睇,所以仆咗去售票機 (Deux-Montagnes 係日間無人站)買飛,然後上車。
S0242028-2.jpg S0172021.JPG S0222026.JPG
車内嘅路綫圖,路綫圖上 Mascouche Line 仍然計劃中 (2014 年開業),而所有路綫依然由 AMT 營運。
S0302035.JPG
今次只乘坐一區間,10:24到達 Grand-Moulin。
S0352041.JPG S0452058.JPG
之後行去攝影點度,紀錄 Gare Centrale 往 Deux-Montagnes 嘅列車 (931レ),11:07 通過。
S0482066.JPG S0492070.JPG


再嘗試喺橋嘅另一邊,拍攝 11:25 通過,往 Gare Centrale 嘅 938レ (用車係第一程搭過果抽),不過呢個位去到先知比較惡影。
S0642116.JPG S0672127.JPG


啲雪落得越嚟越大低下,行咗半個鐘到下一個站 Ste.-Dorothée,原本唸住行埋去 Île-Bigras 站睇下,但係因爲實在太凍,打消咗個念頭。搭返啱啱搭果抽 bilevel consist 行駛嘅933,而家先留意到佢係 top-and-tail,兩邊都用機關車,冇使用控制客車 (唔知係唔係控制客車短決嘅原故)。12:05 開出,12:11 到達 Deux-Montagnes。
S0702131.JPG S0752137.JPG S0802150.JPG


喺 Deux-Montagnes 乘坐12:20 開出嘅 940レ,13:01 到達昏暗嘅 Gare Centrale。途中錄咗全段嘅前面展望,乘務員同車長都冇阻止,有時間會剪輯完同大家分享。
S0124017.JPG S0254032.JPG
應該係因爲就嚟退嘅原故,MR-90 大部分車箱仍然以 AMT 嘅身份示人。
S0123018.JPG S0364045.JPG S0264033.JPG


再買飛,上返同一抽車擔當嘅 937レ,13:30 開出。乘坐一區間,13:39 喺臨時站 Canora / Mont-Royal 落車。興建喺下行綫上嘅月台,設備好簡陋,有用夾板、膠片搭建嘅候車室,同埋橙色嘅站牌。整段路軌設喺切通内,幾有特色。
S0534062.JPG S0594072.JPG


行15分鐘到攝影點,途中經過原本嘅 Mont-Royal 站。
S0664084.JPG


13:50通過嘅 942レ。
S0834131.JPG


喺天寒地凍嘅天氣底下,等多47分鐘,使用 bilevel consist 嘅 939レ 於14:45通過。強而有力嘅機關車,索引住一抽笨重嘅 bilevel coach 喺雪地上快駛,車尾鏟起一大堆雪,好有霸氣!
S0724098.JPG S0804120.JPG


企咗喺度個幾鐘,雙手已經凍到赤痛嘅時候,941レ 於 15:10 通過。下行列車可以用非常具代表性嘅自然地標 Mont-Royal 做背景,右邊亦可以見
Université de Montréal 嘅 Art Deco 風格大樓,咁有詩意嘅畫面係 Montreal 最具特色嘅鐵路情景之一。 S0884154.JPG S0964184.JPG

非常可惜呢個情景早喺三月頭,Deux-Montagnes Line 縮短到 Bois-Franc 時已經成爲絕影,而 MR-90 亦都即將退役。不過,REM 通車嘅時候,成條鐵路將會以全新面目示人,爲百年如一日嘅滿地可交通網絡帶嚟新氣象。好期待完工時再去多一次呢個百去不厭嘅文化、美食之都,順便一邊感受下呢一個全新嘅鐵路系統,一邊比較下新同舊嘅乘車體驗!


Ted's Train Travel Tales


[CA] '20 北美獨遊記之 雪國通勤電鐵的最後寒冬
https://www.hkitalk.net/HKiTalk2/thread-1170656-1-1.html
[UK] '18歐州漂流記之 拖拉機的怒吼+臥舗列車上的夜曲

https://www.hkitalk.net/HKiTalk2/thread-1111306-1-1.html
[BE] '18歐州漂流記之 搭比利時古典電車去浸温泉
https://www.hkitalk.net/HKiTalk2/thread-1128847-1-1.html
[US/CA] '17 北美國際列車初體驗 — 東岸最靚嘅車窗
https://www.hkitalk.net/HKiTalk2/thread-1128791-1-1.html

























評分

參與人數 5aPower +14 HugeC +50 收起 理由
YY487 + 2 + 10 多謝分享
DIH + 5 + 10 大師級作品
S3BL100 + 1 + 10 大師級作品
fp8329 + 5 + 10 多謝分享
A.E.C. + 1 + 10 Huge C

查看全部評分

S3BL100 發表於 2020-5-8 01:26 | 顯示全部樓層
多謝分享。加拿大既鐵路都係避免唔到美國果種重口味,但內籠保養似乎真係好好多,至少靚過我坐過既所布 Amtrak 車

MR-90 每卡頭尾兩對門對比起中門開得低咁多,真係幾有趣,好似方便到戶外月台上落但原來上左車都要擒兩級(定三級?)樓梯。唔知去到一般室內站、正常高度月台,頭尾兩對門會唔會用?有無裝置方便乘客唔使擒樓梯可以來往月台同車廂?


fb.com/scientisthk2usa/
 樓主| theodore.c 發表於 2020-5-8 01:51 | 顯示全部樓層
本帖最後由 theodore.c 於 2020-5-10 03:05 編輯
S3BL100 發表於 2020-5-8 01:26
多謝分享。加拿大既鐵路都係避免唔到美國果種重口味,但內籠保養似乎真係好好多,至少靚過我坐過既所布 Amt ...

加拿大嘅火車小弟認爲(比較上)冇美國嗰啲咁重工業味,除咗 Via Rail 嗰堆 Budd 客車之外,個人對佢嘅印象係美國同歐洲嘅美感嘅混合體,尤其是 Via Rail 嘅 LRC push-pull set, The Canadian 嘅新型 observation car, Rocky Mountaineer 之類(當然同埋原定計劃投入喺 Channel Tunnel 做夜行列車嘅 Renaissance)。但係服務喺北美大陸嘅鐵路,要跟晒所有嘅規格同埋遷就嚴寒嘅天氣,美觀點都係粗糙啲㗎啦...而 MR-90 係加拿大唯一嘅 EMU, 採用一個(喺北美嚟講)極之 high-density 嘅 layout,同埋貫通門嘅設計,小弟未做功課之前仲以爲係東急/日車爲北美而設計嘅產品添
每卡中間嘅車門,係喺 Gare Centrale 先會用,而唔會開其它兩組門,其它站就只會開兩邊。呢個設計,其實喺北美並唔罕見,NJT 嘅 Arrow,South Shore Line 嘅日車 EMU 正正就係採用呢個 layout。而以我所知,Exo 嘅服務(除咗有高月台嘅Gare Centrale 之外)係 completely wheelchair-inaccesible 嘅... (所以高月台用嘅車門,上面嘅輪椅標誌,其實係完全冇意思嘅!)
爭啲唔記得咗講,最特別嘅地方係,MR-90 冇半自動車門,列車停靠所有中途站嘅時候,會開晒所有低月台用嘅車門,所以每卡都有玄關。(亦都因爲噉,列車到達 Deux-Montagnes 嗰時,只係會開最尾兩卡嘅車門。)反而 MultiLevel coach 冇玄關,每端都有兩組車門,停靠所有車站時只會 unlock 其中一組,而每組門都有開門按鈕。呢個比較,喺 JR 北海道 (e.g. 721 vs 731) 嘅車輛設計發展都睇到。

評分

參與人數 1aPower +1 HugeC +5 收起 理由
S3BL100 + 1 + 5 多謝分享

查看全部評分

DIH 發表於 2020-5-9 22:35 | 顯示全部樓層

                                    Advertisement



落住雪等咁耐影相,真係辛苦晒,多謝樓主帶來如此精彩分享。

加拿大風格我覺得係美歐撈少少亞,MR-90我覺得有少少似台灣柴聯自強號。

 樓主| theodore.c 發表於 2020-5-11 21:39 | 顯示全部樓層
本帖最後由 theodore.c 於 2020-5-13 01:34 編輯
DIH 發表於 2020-5-9 22:35
落住雪等咁耐影相,真係辛苦晒,多謝樓主帶來如此精彩分享。

加拿大風格我覺得係美歐撈少少亞,MR-90我覺 ...

多謝師兄嘅鼓勵 haha
知道呢條鐵路以後都唔會有機會再體驗,MR-90呢種噉獨特嘅型號以後都冇得再坐,難得嚟到,點都要紀錄好佢
而之前鐵橋嘅攝點有少少惡影,所以返到市中心後搭多程出去企咁耐其實係爲咗補鑊...
MR-90 同台鐵2800嘅設計有少少相似嘅原因,唔知會唔會係因爲 Budd 喺北美同日台嘅產品嘅影響呢?

您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 09:00

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表