西貢區長遠應該分多個清水灣區嗎

mak5052 發表於 2020-11-29 00:24
沙田如果拆區, 不如同大埔, 西貢一齊整合?
1: 沙田區為拆為沙田西區, 沙田東區
2: 沙田西區與沙田東區,  ...

講真以後仲有無選舉都成問題

mak5052 發表於 2020-11-29 00:24
沙田如果拆區, 不如同大埔, 西貢一齊整合?
1: 沙田區為拆為沙田西區, 沙田東區
2: 沙田西區與沙田東區,  ...

你個沙田東西區劃法正正係今年分區委員會四拆六之前，東一二同西一二個分組方法。
只不過西貢北鄉事委員會應該唔會同意拆開到沙田同西貢。

至於其他區方面：
1: 為咗擺平地方意見，係改用荔景山路做區界之後(清麗苑留在深水埗區)，益葵青區人口下跌唔減位
2: 因為大上托依賴安泰安達社區設施，完全同意劃入觀塘區
3: 東區, 灣仔區，我就猖狂少少，用北角警署、煤氣公司同模範邨民新街為界，事成之後兩邊都改為四個分區委員會，順便cut區議員。
4: 馬灣劃入葵青區
5: 欣澳及迪士尼劃入離島區
到馬灣鄉事委員唔同意45呢種拆法，不過珀麗灣居民會接受，政府會不變應萬變。
P.S.荃灣用欣澳起骨灰安置所，轉咗區使唔使再搵地去起呢？
荃灣深水角徑西面興建骨灰安置所

至於觀塘區，大致都無意見，只係怕四彩劃得唔清楚，反而清水灣道係一條明顯界線。

整個比灣仔區更迷你的區做乜？

ykh 發表於 2020-11-30 18:17
你個沙田東西區劃法正正係今年分區委員會四拆六之前，東一二同西一二個分組方法。
只不過西貢北鄉事委員 ...

當年荃灣拆葵青，葵涌鄉村都留咗喺荃灣鄉委會，鄉頭當然議席跟荃灣區議會，係選區就跟返葵青區
青衣鄉委會當然議席都係跟葵青區
如果將鄉頭個位同選區劃分兩者分開處理，有機會可以減少爭議

始終元朗無可能繼續唔拆區，四五十人一人講一句都兩個幾鐘

流星☆雨 發表於 2020-12-4 11:06
當年荃灣拆葵青，葵涌鄉村都留咗喺荃灣鄉委會，鄉頭當然議席跟荃灣區議會，係選區就跟返葵青區
青衣鄉委 ...

最大問題比例唔同，葵涌只有三條鄕村(下葵涌村、九華徑村、九華徑新村)留係荃灣鄉事委員會(總共40條村)。

但係如果跟上面提議，

西貢北全部有39條村，但係十四鄉有13條村，照計西沙路沿線十四鄉人口多過淨低25條村。
馬灣仲特別，馬灣島上2條村人口最多對大嶼山島上幾乎無人住的5條村，其中一條更只有原居民代表。

ykh 發表於 2020-12-8 18:26
最大問題比例唔同，葵涌只有三條鄕村(下葵涌村、九華徑村、九華徑新村)留係荃灣鄉事委員會(總共40條村)。 ...

唔需要解散鄉委會喎
鄉頭一席如果想留返大埔咪留大埔區，純粹係區議會選區改

流星☆雨 發表於 2020-12-4 11:06
當年荃灣拆葵青，葵涌鄉村都留咗喺荃灣鄉委會，鄉頭當然議席跟荃灣區議會，係選區就跟返葵青區
青衣鄉委 ...

元朗拆嘅話我會建議新區叫「屏山」區，範圍為朗天路以西（天水圍／洪水橋傳統上都係屏山一部分），但係咁樣會唔會令廈村啲鄉下佬唔滿意？

沙田區拆嘅話我就建議係馬料水+馬鞍山+白石角+十四鄉自成一區，黃石就返西貢區，因為傳統聯繫已經唔同咗，十四鄉而家交通聯繫已經係通去馬鞍山同大學站。

觀塘分上下兩區亦都可以，區界就由安達臣道推高到山脊。

清水灣同將軍澳屬西貢區我覺得唔太理想，可以考慮撥埋入一開二之後嘅上觀塘區，因為傳統交通聯繫都係通秀茂坪／坪石／順利／鯉魚門嗰邊多過去西貢市中心，即係將將軍澳同秀茂坪撥入同一區。

馬灣同大嶼山東北就應該改入葵青區，因為街渡已經無咗，變咗用青嶼幹線出入。