解構恆康街仍未成為大帝區原因

AVW28 發表於 2020-12-31 09:02
如果夾埋你講既種類，成個馬鞍山巴士路線的定線組合分分鐘超過10個，
當中馬市和恆耀康街係「收視保證」 ...

砌晒所有組合當然得啦, 但路線規劃都係睇大區連接, 呢個係我講有兩種主要行法嘅原因

烏溪沙發展地段都已經起到八八九九, 除左規劃落黎做大專宿舍個塊地可能有變數之外, 基本盤已經成形, 但人口都仲未夠市中心同恆耀咁多。加上道路設計同發展先後次序使然, 一定係將十四鄉+泥涌+烏溪沙做一組咁樣睇

另一個變數就係新近增加個一批住宅地, 樟木頭村以西個堆可以放埋入十四鄉+泥涌+烏溪沙呢一組, 但馬鞍山村路沿線嘅通勤需求會唔會放左落恆耀定市中心呢一組, 就真係要睇詳細規劃先至知。就算馬鞍山村路擴闊到雙線雙程, 應該只會支持到小巴落馬鞍山再轉車, 但人口唔多又唔少都幾頭痛