由61系列、114看5A延至啟晴

leo_ku 發表於 2021-1-6 13:29
屯馬線一期暫時3.5 分鐘一班，全通就係3分鐘一班，拎非繁計6至7分鐘一班車都仲密過5 5A 14 26 , 它唔駛塞 ...

呢四條線加埋都唔會落到極疏嘅地步（例如10分鐘一班），本身基本盤都有（26順利，14觀市，5仔斧山彩虹道），仲有消息指5P會參多一腳。
另外鐵路站位不及巴士就腳，紅土區內如是，佐敦如是，尖東旺區如是。
就呢兩點已經睇得出巴士仍有其競爭力。

YY487 發表於 2021-1-6 13:16
去月台嘅時間係固定可控制
死亡交叉塞車時間係不可控制
道路情況會影響，碌神定車手都會有影響

咁總有人沒有咁著重時間既(每個人的時間成本唔同，著重的東西亦不同)，
繁時307經東隧大隧塞車塞到喊才回到大埔，仍然一樣有客坐307返大埔

xdxd 發表於 2021-1-6 12:26
點解要咁執著喺正日延長呢個論點...
因鐵路而出現路線變動呢樣嘢好多時候係同鐵路通車一齊做，喺行政上點都 ...

香港公交歷史上所有在鐵路通車正日進行的巴士路線重組(已經包括開辦新線)：
1979年12月16日：修正早期系統由石硤尾延至尖沙咀，九巴開辦3M、15M線，並將91A線改為91M線。
1979年12月31日：地鐵旺角站啟用，九巴開辦33M、36M、70M線；九巴2B線改組，由白田延至大窩坪(沿途經石硤尾地鐵站)；九巴37往葵盛及44A往長青繞經旺角地鐵站。
1980年2月12日：修正早期系統過海段啟用，中巴開辦5M、10M、22M線，並將20A線拆分為20M及22線；九巴開辦45M線；中巴37線中環遷總站；中巴40線由中環延至灣仔碼頭。
1982年5月17日：地鐵荃灣綫全面通車，觀塘綫縮至油麻地，九巴開辦43M線；中巴則開辦72A線，並令72線不再繞經黃竹坑新邨(與鐵路無關)1983年4月7日：九廣鐵路電氣化大埔墟火車站啟用，64、74線、綠小20後面加「K」字；開辦綠小21K、22K、23K、25K線。
1985年2月15日：九廣鐵路電氣化火炭火車站啟用，綠小65K、九巴82K遷至火炭火車站；九巴72B、74A由大元遷至大埔中心(大埔中心巴總恰巧同日重用)。
1985年5月31日：地鐵港島綫金鐘至柴灣段通車，(自己睇料啦，唔得閑抄錄)，全部同地鐵息息相關，無一例外。
1986年4月23日：九廣鐵路電氣化大圍火車站啟用，80K、88K同埋綠小63K、64K改道。巴士大典講到明係「配合大圍永久火車站啟用」。
1998年6月22日：地鐵東涌綫通車，新機場既有新巴士線，亦有新鐵路，亦有不少巴士總站同日啟用，新巴士線及路線重組恕不一一抄錄。
1998年7月6日：新機場啟用，機場快綫通車；同日啟德機場停用，舊機場巴士線取消。
2014年12月28日：港鐵西港島綫(港島綫由上環延至堅尼地城)通車，城巴M47線改為43M線；同日新界專綫小巴84線開辦(恰巧)。
2016年10月23日觀塘綫延綫、同年12月28日南港島綫先後通車，當日巴士路線重組恕不詳談。
最後就係2020年2月14日：港鐵屯馬綫一期通車，九巴5A線由九龍城(盛德街)延至啟德(啟晴邨)，同日與港鐵增設轉乘優惠。

如有缺漏，歡迎補充；以上改組絕大部分均與鐵路通車息息相關，有恰巧與鐵路通車同日，但沿線地區尚未有鐵路者，亦都極難洗脫相關重組與鐵路通車之關係。有幾多巴士路線重組係咁啱得啱橋同一日做，路線接近新通車之鐵路，又可以「同鐵路無關係」，「純粹為行政方便」呢？Coincidence? I think NOT!

仲有大把同鐵路通車息息相關嘅巴士路線重組唔係喺正日做：
九巴首批M線(6M、13M、21M、40M)在1979年9月30日開辦，是地鐵修正早期系統通車(10月1日)前夕；
地鐵將軍澳綫一期全綫通車(2002年8月18日)後一周，8月25日，新巴796M線取消；

你同我講只係為咗「方便行政」？係嘅話，早一兩個禮拜就扯5A去啟德會死㗎？我打死都唔會信，我堅決認為佢喺正日延長路線，只係代表嗰條路線要做返港鐵冇做到，來往啟德至紅磡段鐵路嘅接駁啫。

睇返巴典，原來701和971開辦係關西鐵事，都幾令人驚訝

leo_ku 發表於 2021-1-6 16:00
有咩咁驚訝，當年西鐵淨到南昌，開來比人轉西鐵啫。

至少佢地開線同鐵路開通有關(雖然目的係做填海區)

不過，後來一條變左海麗專線，一條經彌敦道起死回生，都沒有駁鐵的影子

S3bl430 發表於 2021-1-6 20:14
至少佢地開線同鐵路開通有關(雖然目的係做填海區)

不過，後來一條變左海麗專線，一條經彌敦道起死回生， ...

咁兩鐵合併冇左轉乘，都令 701 減少左轉乘鐵路既功用既