國泰航空全新空中巴士A321neo

據維基，國泰707在1983年退役，即係國泰相隔38年再次有自家窄體機。港龍滅亡，航空市場大萎縮，不勝唏噓。

DIH 發表於 2021-7-26 12:58
據維基，國泰707在1983年退役，即係國泰相隔38年再次有自家窄體機。港龍滅亡，航空市場大萎縮，不勝唏噓。
...

自從 CX 收購左 UO 之後，就預左會有動作搞 KA，不過咁岩撞正肺炎搞埋去其實根本對佢公司黎講未必係一件壞事。始終都叫精簡左個架構先。何況而家要做 Cheap 基本上推哂去 UO 到一了百了 (大前提係 CX 唔該真係做返佢所謂嘅 Premium 定位先)。

不過 CX 同 SQ 真係對好兄弟，兩個旗下嘅地區線公司又會咁岩同時期收檔，又係咁岩差唔多時候大家又會接收返冇咁 n 年嘅 narrow body。而家堆窄體機其實已經唔同以前 range 短，最起碼而家 A321neo 都可以飛到成 7400km，呢個數基本上都已經 cover 哂成個亞洲甚至去到澳洲北部。例如之前比人 cut 走左嘅 CNS。何況肺炎過後，其實航空交通會唔會返到去以前咁旺仲係未知數。但係 A321neo 始終營運成本係低過 wide body，但係同時間又可以飛到咁遠；其實真係好適合開拓新市場試水溫。尤其堆二三線地方，其實搵 A321neo 做 niche market 真係有著數。

其實我自己認為 A321neo 黎緊幾年真係會大賣，尤其 A321LR、A321XLR 可以去到咁遠真係可以比堆 LCC 玩長途線，而傳統航空公司又可以用佢黎開堆本身廣體機冇肉食但係又有客嘅中長途線。CX 如果係要拎 A321neo 玩中長途，其實只需要改一改個商務艙做 180 度 Flat Bed，之後經濟位減幾個走已經搞掂。何況以而家 CX 堆 A321neo 個經濟客艙產品黎講，根本就已經去到 A350 個級數；對於坐經濟客艙黎講未必真係咁難受 (最少應該比一行十個位嘅 77W 舒服少少先)

AVD1 發表於 2021-7-27 15:02
自從 CX 收購左 UO 之後，就預左會有動作搞 KA，不過咁岩撞正肺炎搞埋去其實根本對佢公司黎講未必係一件壞 ...

HKG、SIN在航空市場上環境相似（冇國內線，封關之下基本上廢武功），所以取態相似都正常。

水晶球問題：三跑起好時都唔知開得關未。

DIH 發表於 2021-7-28 12:28
HKG、SIN在航空市場上環境相似（冇國內線，封關之下基本上廢武功），所以取態相似都正常。

水晶球問題： ...

勝安併入SQ係疫情前已經落實.

當然大家既取態都係無必要花錢維持一個regional brand.