失業以來所見所聞
自從8個月前辭工專心進修之後, 發覺搵工好困難, 並唔係正苦所講咁好環境......冇錯而家打開份報紙係多左好多工比大家選擇, 但係經過小弟不下三幾百次既見工經驗所得, 勞工市場已經有咁既趨勢:
1/. 寫字樓/行政工作已經唔再接納男性, 女性工作回報進一步提高, 男性搵工, 只能夠接受輪班輪休/長時間工作/通宵工作, 或者長註內地, 除非你係碩士生, 可以勝任管理層工作, 如果唔係, 就連一份小小文員仔都未必考慮你!
2/. 男性工資進一步下降, 女性工資進一步提高; O係小弟每日閱報十多份既觀察所得, 部份男女均可既工作中, 工資幾乎可以相差一倍! 又拎番文員出黎講, 男性需負責文職工作以外, 更要負責搬運或者外勤/跑街, 甚至北上, 而工資平均只得6-7K; 女性嘛? 擔擔抬抬梗係唔使做, 人工竟然可以過萬!
小弟就曾經O係勞工署搵到一份文員, 月薪$12,000-, 而且條件亦符合, 但係通過勞工主任致電該公司負責人, 佢話:"淨係請女仔咋! 不過, 你有時間, 咪上黎見下囉!"
3/. 勞工署經常幫助一D"上左年紀"既人士搵工, 呢個係十分好既行動; 但係, 佢地舉辦既課程, 只適合40歲以上同埋完全冇技能同學識既人士而設; 但係, 現今勞工市場傾向僱用年輕人, 取其人工低同聽話, 所以超過30歲既人士, 除非有DIP或者異常專業既技能, 否則你手上有幾多張CERT都好, 只要見到你有3字頭, 你封求職信一定投籃!
除左以上既親身經歷之外, 眼見女性亦越來越吃香, 秘書, 登記護士, RECEPTIONIST一定係女士之外, 好多CUSTOMER SERVICE, 文職工作, MANAGEMENT已經唔再考慮男性, 就算女性學歷不高, 做FASHION SALES GIRL閒閒地都10K以上; 男士? 楂貨櫃楂巴士啦! 嫌時間長呀? 搬貨跟車囉! 再唔係做食蕉囉! 12粒鐘都有6K架! 不過要考牌先丫唔該! I'm currently unemployed also.Yes, I note the "female-first" trend too.Some of my friends (girl) have changed their job for several times in the last couple years, and their salary is now around 13k something (they're not college graduated).
I can feel your disappointment or even anger, as sometimes I have similar emotion.But no need to envy.I strongly believe that the current Disney and tourism bubble will blast in a few years or sooner.I suspect it will be a meltdown-scale, even worse than our last depression.
[ Last edited by Rick on 2005-8-17 at 12:46 ] Rick在 2005-8-17 12:35 發表:
I'm currently unemployed also.Yes, I note the "female-first" trend too.Some of my friends (girl) have changed their job for several times in the last couple years, and their salary is ...
好開心有人同意小弟既想法!
我姨仔由今年1月至今已經轉過兩次工, 每份工都超過15K, 佢每次轉工既理由都係: "唔鍾意個老細咪唔做囉!" 最諷刺係佢既工作能力只係一般, 強項係八卦!
至於我太太嘛? 佢都有19K! 仲係工作量超低!!! 若果該僱主話只請女仔，已經觸犯性別歧視條例，建議樓主向平機會投訴。 香港很多中小型公司, 屬全女班寫字樓
男上司; 女下屬, 已成趨勢. ASV66在 05年08月17日 11:13 AM 發表:
O係小弟每日閱報十多份既觀察所得, 部份男女均可既工作中, 工資幾乎可以相差一倍! 又拎番文員出黎講, 男性需負責文職工作以外, 更要負責搬運或者外勤/跑街, 甚至北上, 而工資平均只得6-7K; 女性嘛? 擔擔抬抬梗係唔使做, 人工竟然可以過萬!
小弟唔係要反對閣下既意見，其實你講呢Ｄ野係人都知，只係唔明白以上呢一段，閣下係如何從「閱報十多份觀察所得」？報紙上既招工廣告，冇可能會寫呢Ｄ野
其實對男性唔公平既野，社會上極少會有所討論，
就算有，都往往俾某Ｄ人一句「做得男人，大方Ｄ啦！咁都計冇女仔鐘意架」就打沉
而家既社會上，女性賺錢能力已經高過男性，但男性傳統既經濟責任卻未有減輕，女性亦冇體諒男性搵錢艱難。
好簡單，一個男人失業、或低收入，有冇資格講情情搭搭？
答案係冇，「冇錢就唔好學人拍拖啦，吃喝玩樂點都要使錢，就算行山行沙灘都要車錢啦，就算AA制呀，都要俾得起自己o個份先得架，唔通要個女仔出埋你o個份咩」、「你估真係有情飲水飽咩，成熟Ｄ喇，貧賤夫妻百事哀，冇錢味盞餓死老婆瘟臭屋.....」，呢Ｄ說話我唸大家唔會陌生。
但當女人失業、低收入，又會唔會有呢Ｄ說話？唔單止冇，佢既伴侶仲要負起經濟上照顧佢既責任(雖然如閣下所講，同樣係要賺咁多錢，男比女係困難得多)，有心但冇力，就好似以上咁講，如果連心都冇，就更加係十惡不赦的死罪！
你係要唔信的話，不妨去任何一個 love板， newsgroup也好web forum也好,
問「我一係失業，一係就搵得雞碎咁多，窮到仙都唔仙下，好彩我女/男朋友有份搵定既工，人工都唔錯，所以拍拖行街食飯睇戲次次係佢俾晒錢，但而家佢話我又冇出息又食窮佢，所以同我分手，你話佢係咪好衰？佢係愛我就唔應該介意幫我俾錢........」，同樣呢個問題，分別以男性及女性身份問，我保證反應會係180度唔同
再加上小六升中的混合派位，亦勢令女性搵錢比男性多/容易的情況加劇，但卻不見任何跡象顯示女性對男性有所體諒。以往男尊女卑男強女弱的社會，男性視女性為弱者，歧視之餘，都仲會給予體諒同保護，例如女性冇獨立經濟能力，男性唔單止唔會由得女人餓死，反而會視賺錢養活老婆為天職。但現在遂漸轉變成女尊男卑女強男弱，女性不單有獨立經濟能力，賺錢仲易過男人，女性對男性卻冇絲毫體諒，只有不斷提高的要求，男人做不到，就一沉百踩落井下石，未來的兩性關係，實在不容樂觀
其實香港既情況已經算好Ｄ，o係大陸同台灣仲差，有Ｄ直情一係講明淨係請女性，一係就男女都請，不過就講明對男性有較高入職要求，例如同一份航空服務員，學歷要求女性要高中，男性要大專，唔通同一樣工種，女性就讀到高中就可應付，男性就要讀多個大專至做得黎？又例如同一份網吧場務員，講明「男性須具基本處理PC故障能力」，唔係應該「具基本處理PC故障能力」優先#:`(？
[ Last edited by mckhgc on 2005-8-17 at 21:57 ] barking在 05年08月17日 09:15 PM 發表:
香港很多中小型公司, 屬全女班寫字樓
男上司; 女下屬, 已成趨勢.
咁又未必，我已經係連續幾份工要跟女上司
如果真係你所講咁的話，睇怕平機會之流又會嘈
「而家普遍既趨勢，係男上司配女下屬，可見高級職位多由男性出任，基層職位卻以女性居多，證明香港女性仍受歧視.......」
#:-/ eric278在 2005-8-17 05:12 PM 發表:
若果該僱主話只請女仔，已經觸犯性別歧視條例，建議樓主向平機會投訴。
字面上話「男女均可」，
唔代表心入面都係咁諗……
正等於上面個例子，
間公司唔係唔 in 男人喎，
不過係 in 完都肯定唔會請之嘛～～
就算係平機會都應該係「咬佢唔入」，
除非投訴人係 outstanding ，
而且知道最後成功入職o既人係比自己差好多，
咁平機會先至有機會「咬得佢入」……
第一點唔難做到，
不過第二點可以點證明？
就算咁幸運搵到第二點o既證據，
仲可以告得到間公司入罪，
咁又點？
叫間公司請你？
係你你都唔入去做啦！
係咪？～～
與其花時間同平機會傾，
不如搵呢Ｄ時間見多份工仲實際…… arm arm同一D已經畢業ge師兄傾開呢樣野
佢覺得大家ge睇法似乎係將責任推落女性身上
當頭捧喝咁話
明明自己唔爭氣
要怪就只可以怪自己無用云云 kychung在 05年08月18日 12:30 AM 發表:
arm arm同一D已經畢業ge師兄傾開呢樣野
佢覺得大家ge睇法似乎係將責任推落女性身上
當頭捧喝咁話
明明自己唔爭氣
要怪就只可以怪自己無用云云
好奇怪
敢間閣下的師兄，是否對在本thread中貼文的版友有深入認識(即係起晒底)，
知道晒以上板友既學歷、工作紀錄、為人、性格、待人接物處事態度？
否則何以如此肯定係「明明自己唔爭氣」？
咁我又問下喇，而家又一個趨勢，
就係高薪厚職既職位，如果女人多就係「男人質素差」，男人多就係「女性受歧視」，
又或者一男一女競爭升職，升男就係「歧視女性」，
升女就係個男既「唔爭氣，要怪就只可以怪自己無用」
咁唔知閣下同閣下對呢個現象又有何高見呢？