真實記錄：巴士歌王演唱會

話說響五月初某日既凌晨，小弟同幾位朋友一齊搭隧巴去旺角。

當巴士開車之後無幾耐，車廂電視屏幕剛好開始播一首歌既MTV。
呢個時候，坐響我左邊前幾排位既一個肥仔，突然企左起身，手舞足蹈…

“佢唔係當左呢度係紅館下話？”我同我幾位朋友即刻你眼望我眼…

…只見個肥仔手握拳頭當做咪，一路唱歌，一路搖頭尾。
巴士準備入海隧既時候，仲差D訓落坐響佢身邊既另一位後生仔度添﹗

幾分鐘之後，個MTV播完喇。
個肥仔就笑笑口，大大聲向全車乘客揮手道謝：

“多謝大家支持﹗多謝大家支持﹗”

當然，全車乘客當時已經O晒咀啦…

…隻故仔仲未完架﹗當巴士右轉入彌敦道，停完第一個站，準備開車之際，
個肥仔突然間大聲喝停架車：

“唔好開車住呀﹗我要響度落架…”

如是者，佢就膨膨聲跑左落車喇。
而留響巴士樓上車廂既，就只有幾十位你眼望我眼，O晒咀，
唔知有無用手機影低呢幕情景既乘客…

…你估如果當時有人將呢一幕情景影低，然後放段片段上網既話，
呢位歌王會唔會仲紅過巴士阿叔呀拿？

又要套用巴士阿叔既金句：
「我有壓力，你有壓力」
用呢個方法黎減下壓
都總好過巴士阿叔
大大聲「問候」人家爹娘丫
雖則都係難頂架喇...

其實呢個情況
我搭地鐵都遇過
不過果時果個人(又係肥仔)係清唱o者...

樓主可以配合他:
立即拿出相機/ 攝錄機對住他狂影,
並在他唱完歌後請他簽名.
相信他不會介意~~

... 而如果放上youtube, 全港市民又多個"減壓"show睇! '

原帖由 DD2113 於 2006-5-29 13:11 發表
樓主可以配合他:
立即拿出相機/ 攝錄機對住他狂影,
並在他唱完歌後請他簽名.
相信他不會介意~~

... 而如果放上youtube, 全港市民又多個"減壓"show睇! '

至怕佢會撲埋黎我度咋…

…講開又講，呢類‘益人’真係耐唔耐都會撞到個。

原帖由 Transperth 於 2006-5-30 00:16 發表


至怕佢會撲埋黎我度咋…

…講開又講，呢類‘益人’真係耐唔耐都會撞到個。

講開“益人”﹐我朝朝坐692P時﹐一定有一個“益人”字軌客

他經常坐樓下車尾﹐成日拿對上幾期的六合彩係o甘計(但唔知計咩)
有晒筆記﹐心得在內﹐成幾頁紙
還有如果有客阻或撞到他﹐他一定媽到你七彩

怪人....:L

[ 本帖最後由 ef8826 於 2006-5-30 09:32 編輯 ]

呢個月初某日如常係觀塘搭 80x 入大老山轉車返工，果一日搭左架「最後的 3AV」，
去到啟泰苑有個著得幾潮既中年女士上車，佢上左車之後坐左係左邊水塘位後面果排凳，
坐低之後，就係佢拎住既手袋入面拎左本書仔出黎，
當部車去到向晴軒對出，佢突然之間大聲對住果本書仔唱粵曲，
原來佢拎住果本係歌詞……
全個樓下既客俾佢咁嚇一嚇，都即刻向佢行憎惡既注目禮，包括坐係係中門前既我。

去到紅萼樓站，都有七八個客上車，全部都十分好奇咁望住呢個（應該）跟住部 WALKMAN 拍子高唱粵曲既騎呢女人。
上緊大老山隧道條橋，我望左師傅一眼，佢係度搖頭嘆氣，入左隧道冇耐，
坐係個女人後面既兩個後生女仔，更加忍唔住上左樓上。

而呢個女人，到我係大老山落車，仲係依然故我係咁唱…