24/5起九巴6P往蘇屋方向繞經油塘巴士總站

FBI2 發表於 2021-5-24 18:56
純粹幫條效益低既6p上路

為左3班車以拉足成條全日線入觀塘
唔知邊個低效益D

S3BL100 發表於 2021-5-24 23:27
數據唔會講大話，但點解讀數據係另一個問題，而你只係選擇性地搵對你有利既 points 去講，其他客觀事實就 ...

喺講客量問題之前，容許我先講一下實際條件。我唔係純綷覺得長沙灣道多人先提議行長沙灣道，但係行青山道真係不如長沙灣道咁有效。

青山道非繁嚟講，雖然無旺角咁塞車，但係某程度都叫做嚴重吖。可見即使真係開咗觀青都好，其實喺青山道同埋相連道路，例如石峽尾，塞車都塞到趕哂客啦。就算個站牌棟咗喺青山道，啲人一係照舊搭紅小，一係照舊行出青山道搭地鐵。唔喺青山道出發嘅人，更唔會轉登行入去搭車。
反之，長沙灣道較暢通，除咗吸引嗰啲本身目的地唔喺青山道嘅人，更重要嘅係令車程更穩定，更有效吸引嗰啲唔想搭紅小嘅青山道客轉投。

所以現實小小諗，行青山道除咗面對紅小嘅威脅，仲要面對塞車，即使青山道嘅人都唔會搭，更莫講深水埗其他區。所以無講係運輸署定九巴，都唔會想架車入去燒油。

嗱，以上唔係我講㗎，唔好屈我淨係攞有利數據，因為運輸署都有講：
「由於荔枝角道一帶乘客量不高，且交通燈位等候時間亦較長，而青山道則交通非常繁忙，故建議重組後的第31B號線南北行均取道長沙灣道，可更有效把乘客送往深水埗/長沙灣中心地帶。」
邊條路塞車，同架巴士係唔係區外線根本無關係，唔通31B行會好塞車，6C行就唔塞咩。

而觀塘山腳有無爭取過去深水埗嘅直車呢? 並唔係無。之前區議會有講，叫6P唔好由6D抽車，直接叫運輸署開條蘇屋去觀塘嘅雙向服務。上一屆都叫運輸署開6P對頭車，方便觀塘人去深水埗。不過呢個唔係正題。


入正題，長沙灣道係深水埗中心同人流最多，呢樣野就無得拗㗎啦，唔會話唔同解讀有唔同結論。咁個癥結係，係咪入青山道先至為深水埗人服務呢? 係咪行長沙灣道道等於唔能夠服務深水埗人呢?

先唔講796C都有相當一部分深水埗人穿梭九龍，E21 A20呢啲唔通唔係為深水埗人服務? 214都係滿足緊深水埗人去黃大仙嘅需求㗎，但佢開線嘅時候，無選擇行青山道，反而行咗長沙灣道。
所以話，單睇6 6C，最多計埋6D，根本唔能夠判斷青山道係咪深水埗人想去嘅地方。「走去唔做深水埗居民生意，等同倒客倒錢落海」，呢句對於長沙灣道嚟講，係完全唔適用。或者咁講，師兄根本證明唔到青山道係最多人流，至長沙灣道完全無人流去觀塘，前提錯咗，後面嘅推論幾有邏輯都無用。又或者咁講，單憑6 6C而家嘅走線就去斷定區內人想要嘅係青山道，未免有少少膚淺


師兄可能如獲至寶，話E21 214做緊雙向客源，所以係「外區線」。唔緊要，我地一齊睇下觀深線東面又如何。
睇師兄對2A 2X 6D嘅意見，我簡直覺得你做九巴嘅話，一定會係個良心老闆。假設觀深可以收到8蚊或以上，一個咁好嘅機會去將本身2A等嘅客升級，你係咪覺得九巴會繼續比6D等線原封不動，俾自己做自己嘅「競爭者」? 可惜香港係個商業社會，喺搵錢呢方面，其實真係唔需要同九巴擔心，因為藉口又好、理由又好，九巴實有方法同時陰乾6D 2A等線，唔好話50%，分分鐘七成至八成都得。所以話，如果真心覺得2A 2X 6D會要脅到觀深，咁師兄一定係充滿良心。
況且，2A 6D要兜路不特止，佢地係做流水客。假設觀深係特快，有無乘客願意漫遊彩虹道同石峽尾? 又有無乘客願意陪架巴士喺旺角塞? 而2X同觀深亦會用同一條路，但2X係30分鐘一班，亦要停旺角同太子，牛頭角道服務範圍亦不足，所以喺深水埗客嚟講，似乎觀深會最吸引。所以觀深本質上其實同214差唔多。
紅小又如何? 如果觀深嘅target係青山道，咁上面都講咗，本身都唔會有太多客上觀深架啦，一嚟紅小，二嚟塞車削弱特快效果，即使無紅小，佢哋寧願忍受地鐵都未必上觀深。
如果觀深target唔係青山道，而係深水埗大新分地區，咁紅小同巴士本身target唔同，又如何競爭呢? 長沙灣道嘅客，都唔會慢慢行入去青山道啦，嫌唔夠熱咩。
仲有，成條牛頭角道，得淘大先要去深水埗? 算，呢個唔係重點

其實我有嘗試過搵啲例證，證明「做青山道先有客，做長沙灣道只係倒錢落海」，但師兄明唔明，問題係我搵唔到呀。「做XX有客，做YY無客」，如果唔使證據支持自己嘅，我都吹到幾個出嚟啦。我係諗過哂先打出嚟，攞埋例子出嚟，竟然被一個無憑無據嘅人話我空談；不過咁其實都係人之常情，畢竟我自己都間唔中以偏概全，所以屈人選擇性攞客觀事實，其實我自己都有咁做，又唔使覺得好羞恥
好多野，廿年前係有用，但係而家2021年喇，嘗試敞開心扉，了解下呢個咁奇妙嘅城市，你就會發現，原來好多野都已經過時

AV296 發表於 2021-5-26 12:14
喺講客量問題之前，容許我先講一下實際條件。我唔係純綷覺得長沙灣道多人先提議行長沙灣道，但係行青山道 ...

我無興趣同時間逐點回應你不著邊際長篇大論自 high。但不如回歸基本步，問一個最根本既問題：點解你會認為青山道、蘇屋街坊，行得出長沙灣道，會坐你架唔快得過鐵、班次疏過鐵既巴士，而唔係直接走落地底？

唔好塞字入我口，我從來無講過青山道人流多過長沙灣道。但人流多唔代表做到最多客，從來都係需求乘巿佔而唔係單睇人流，你就一直無考慮過佔有率問題，對競爭對手視而不見

如果係一條服務外區居民為主既路線，仲要成個深水埗區得一條，例如成個深水埗得一條 68X 去元朗、得一條 59X 去屯門碼頭，行長沙灣道係好正路，可以同時做到長沙灣道以北同以南既乘客

但你就將巿區半直通、巿區流水，同新界長途線，兩者運作模式、取勝之道混為一談。而事實係兩者要面對既競爭對手都好大分別，你就唔記得左原來自己唔係做緊獨巿生意

前設都錯左，當然只會淪為空談


唔好忘記荔枝角道本身仲有條 296C 去到觀塘，填海區、麗閣亦唔見得會放手，開多條觀深但直行長沙灣道，已經注定唔能夠好似其他新界長途線，荔枝角道同青山道客源通食

又，青山道係塞車，但如果講覆蓋青山道沿路需求，又唔代表一定要行晒成條青山道。好似 2A 兜蘇屋行法一樣可以交到功課，睇落好慢但相對穩定，計 market penetration 隨時仲好過真係直行青山道元州街，當然亦明顯好過直行長沙灣道既滲入程度。我隔離 F1 版都建議過類似既野


同埋你都識話今年係 2021 年。31B 當日同 32 合併改行長沙灣道個建議係邊年既事？近呢幾年 RPP 又擺過咩上去？

長沙灣道愈來愈塞，尤其 E21A 炒大鑊果單野之後，地區本身都有聲音要減少長沙灣道巴士流量，一方面亦係想照顧長沙灣道以外需求

因此呢幾年先後出現過 66X 唔再行晒成條長沙灣道（但屯門 ban 左）、37 改行荔枝角道（葵青連續兩年反對，今年無再提）既建議；就算係早幾年條新線 214，東行都掟左落荔枝角道


但你再望下 RPP 文件，運署都講到明長沙灣道係「繁忙路段」。好明顯如果你想憑空爆條新線來回長沙灣道，係唔會成功；當然一換一就另計

睇來要「敞開心扉」了解下呢幾年發生緊咩事果位係閣下就真。除非你要夾硬認為我要掩住一隻眼，因為自己係巴迷，所以幻想自己鍾意搭巴士，願意青山道甚至蘇屋行出長沙灣道有鐵都唔坐，因此其他人都會咁諗，先係「敞開心扉」，咁就無得講

S3BL100 發表於 2021-5-26 14:03
我無興趣同時間逐點回應你不著邊際長篇大論自 high。但不如回歸基本步，問一個最根本既問題：點解你會認為 ...

一個另類嘅方法，6D如果拉去凱匯，經康寧道、振華道做埋樂華去新蒲崗，會唔會比經牛頭角站一段牛頭角道更加吸到客？

FBI2 發表於 2021-5-24 23:48
6P都冇用，定價太低

定價低，但如果短途客多，都可以平衡到，當6P做到太子道來回咸油雞一帶，其實掃除咗15X同16X全日好多問題。

S3BL100 發表於 2021-5-26 14:03
我無興趣同時間逐點回應你不著邊際長篇大論自 high。但不如回歸基本步，問一個最根本既問題：點解你會認為 ...

對「競爭對手」視而不見? 我#92咪講咗囉
點解佢地會坐鐵? 非繁嚟講，我#52咪講咗囉
214又係咪「新界長途路線」? 而我舉出E21 A20嘅例子，係想證明即使行長沙灣道，都可以滿足深水埗人嘅利益。31B 796C關外區人去深水埗事；E21 A20唔關喇掛?
新界線同市區線唔同，但討論邊到最符合深水埗人利益，並唔應該單劃分市區同新界線；反而應該睇邊啲係服務外區去深水埗，邊啲係服務深水埗去其他區。好明顯E21等係後者。
但與此同時，仲有好多車係同時兼顧兩個功能，包括觀深；所以單論新界同市區，未免太膚淺啦


我亦無單睇人流，只不過我喺#92都講過，即使以市佔計，行青山道只係同緊觀青紅小鬥；行長沙灣道無呢個問題。

至於296C，我#69都講過，將乘客升級呢樣野，唔使同九巴擔心。而且師兄係咪覺得296C覆蓋範圍足夠? 係咪20分鐘一班已足夠? 係咪兜旺角都無問題? 不過呢個唔係重點
問題係，究竟有無可能將觀深收得再貴啲?
其中一個方法，係個總站擺去荃葵青，好似42咁，用8蚊做順利深水埗

呢幾年起碼有2號撤出青山道，並且係成功咗，同埋無記錯仲有啲例子，我可能一陣check下；31B 32無記錯都係2016年嘅事；同埋214唔係一開線已經行荔枝角道咩?

當然，師兄講得啱，我係絕對唔支持憑空爆出嚟，而青山道亦唔一定要全部行哂，而填海區亦唔會放過296C。咁顧及現實條件，喺唔增加長沙灣道流量之下一換一，又點樣解決呢? 其實我有講過：
https://www.hkitalk.net/HKiTalk2/forum.php?mod=viewthread&tid=2112404&extra=page%3D1&mobile=2

最後，師兄講咁多野，都係搵唔到例證，說明點解青山道先至做到客，而長沙灣道點解又係倒錢，跟住又話的自high。不過正常嘅，因為我都搵唔到證明長沙灣道無客嘅例證。

6P開全日，7:00-20:00，每30分鐘一班，該多人注意好多

觀塘往長沙灣，大大條296C可以搭