三隧分流擬議收費方案，巴士將劃一收$50

ccchhhuuunnn 發表於 2023-3-23 11:57
計算上冇咁簡單
送貨嗰個一定避免surcharge時間入城或者「加錢就可以」。但如果唔加錢，送貨時間一定逼去 ...

現實上送貨嘅，點對點嘅駛鬼兜路，將成個時間block shift就得。
一車送幾個地點嘅，都會將鄰近地點group埋一齊送，
就算要過海都係過一次。同樣唔駛兜。

s3n370 發表於 2023-3-23 20:47
現實上送貨嘅，點對點嘅駛鬼兜路，將成個時間block shift就得。
一車送幾個地點嘅，都會將鄰近地點group ...

點對點block shift的,交倉就得,派街舖的話就係另外一回事,街邊位一向都係先到先得,遲咗就冇,所以CBD呢啲麻煩地區十個有九個半都會一開車第一時間去做,唔會同你兜,唔會同你等

S3BL271_DY4315 發表於 2023-3-23 19:51
點對點block shift的,交倉就得,派街舖的話就係另外一回事,街邊位一向都係先到先得,遲咗就冇,所以CBD呢啲 ...

你呢句正正顯示佐非載客嘅商用車輛嘅彈性大，
分時段收費，正正可以俾限時限刻嘅車快D過到海，
有彈性嘅就慳到錢。

s3n370 發表於 2023-3-24 21:26
你呢句正正顯示佐非載客嘅商用車輛嘅彈性大，
分時段收費，正正可以俾限時限刻嘅車快D過到海，
有彈性嘅 ...

點解你會覺得商用車係有彈性可以選擇時間過海?

商用車尤其係貨車先係最冇彈性嘅類別, 早到舖頭未開,遲啲到會冇位泊車. 例如我而家要送200箱雞件去中環歐陸大廈果間jollibee, 我唔會因為有surcharge 而揀非繁忙時間去, 點解呀?因為冇位囉.私家車一擺入去環球大廈對出個凹位就唔會再走的.所以我就要早過d私家車去埋位囉.surcharge ?幾多都俾. 方便自己做嘢,多多都值得俾. 基本上全世界,我講派街舖果d先,第一時間就係去中環金鐘先,做完呢度先再去其他地方,冇人會打算同私家車爭位,因為私家車一擺咗位就叫唔走. 有book時間果d都唔會特登去對面海擺車等夠鐘, 唔係度度好似九龍新界咁,有位擺車等夠鐘

我唔會認為商用車（貨車）會因為有surcharge而改變佢哋現有嘅工作模式, 因為就係冇彈性去改,

我唔爬文了, 真正要收surcharge嘅對象應該係私家車, 逼佢哋放棄揸車, 用返公共交通工具, 不過都好老實咁講, 公司私家車唔會care呢條數